×
login
സില്‍വര്‍ ലൈന്‍ കല്ലിടല്‍ നിര്‍ത്തിവെച്ചത് കേരളത്തിലെ ജനങ്ങളുടെ വിജയം; പദ്ധതി ഉപേക്ഷിക്കുന്നതുവരെ പിന്നോട്ടില്ലെന്ന് കേന്ദ്രമന്ത്രി വി. മുരളീധരന്‍

കേന്ദ്രസര്‍ക്കാര്‍ ഈ പദ്ധതിക്ക് അനുമതി നല്‍കില്ല എന്ന വ്യക്തമായതും ഈ തീരുമാനത്തിന് പിന്നിലുണ്ട് എന്ന് അദ്ദേഹം പറഞ്ഞു. തൃക്കാക്കരയില്‍ വന്‍ തിരിച്ചടി നേരിടുമെന്ന് ബോധ്യമായതിനാലാണ് തിടുക്കത്തില്‍ തീരുമാനമെടുത്തതെന്നും മുരളീധരന്‍ പറഞ്ഞു.

തിരുവനന്തപുരം: സില്‍വര്‍ ലൈന്‍ പദ്ധതിക്കായുള്ള കല്ലിടല്‍ നിര്‍ത്തിവെക്കാന്‍ സര്‍ക്കാര്‍ തീരുമാനിച്ചത് കേരളത്തിലെ ജനങ്ങളുടെ വലിയ വിജയം ആണ് എന്ന് കേന്ദ്രമന്ത്രി വി.മുരളീധരന്‍. ജനകീയ പ്രതിരോധത്തിന് മുന്നില്‍ പിണറായി വിജയന് തോല്‍വി സമ്മതിക്കേണ്ടി വന്നിരിക്കുകയാണ്.  

കേന്ദ്രസര്‍ക്കാര്‍ ഈ പദ്ധതിക്ക് അനുമതി നല്‍കില്ല എന്ന വ്യക്തമായതും ഈ തീരുമാനത്തിന് പിന്നിലുണ്ട് എന്ന് അദ്ദേഹം പറഞ്ഞു.  തൃക്കാക്കരയില്‍ വന്‍ തിരിച്ചടി നേരിടുമെന്ന് ബോധ്യമായതിനാലാണ് തിടുക്കത്തില്‍ തീരുമാനമെടുത്തതെന്നും മുരളീധരന്‍ പറഞ്ഞു.  


ഇത്രയും നാള്‍ പൗര പ്രമുഖരെ മാത്രം കണ്ട് അവരുമായി ആശയവിനിമയം നടത്തിയിരുന്ന മുഖ്യമന്ത്രി, വോട്ടുതേടി ജനങ്ങളുടെ ഇടയില്‍ നേരിട്ട് ഇറങ്ങിയപ്പോളാണ് ജനങ്ങളുടെ എതിര്‍പ്പിന്റെ ആധിക്യം മനസിലായത്. എന്നാല്‍ സര്‍ക്കാരിന്റെ കീഴടങ്ങല്‍ കൊണ്ട് പ്രശ്‌നം അവസാനിക്കുന്നില്ല എന്നും സില്‍വര്‍ ലൈന്‍ സമരത്തില്‍ പോലീസിന്റെയും സിപിഎം ഗുണ്ടകളുടെയും മര്‍ദ്ദനത്തില്‍ പരിക്കേറ്റ മുഴുവനാളുകള്‍ക്കും നഷ്ടപരിഹാരം നല്‍കണം എന്നും കേന്ദ്രമന്ത്രി ആവശ്യപ്പെട്ടു.

 സമരത്തില്‍ പങ്കെടുത്ത ആളുകള്‍ക്കെതിരെ പോലീസ് രജിസ്റ്റര്‍ ചെയ്ത കേസുകള്‍ പിന്‍വലിക്കണം. പദ്ധതി ഉപേക്ഷിക്കുന്നതുവരെ ജനങ്ങളുടെ കൂടെ ബിജെപി അണിനിരക്കും. അധികം വൈകാതെ ഈ പദ്ധതി സംസ്ഥാന സര്‍ക്കാര്‍ അവസാനിപ്പിക്കുന്നതിനും കേരളം സാക്ഷ്യം വഹിക്കുമെന്നും കേന്ദ്രമന്ത്രി കൂട്ടിച്ചേര്‍ത്തു .

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.