×
login
ചാലക്കുടിയില്‍ തെരുവുനായ്ക്കള്‍ ചത്ത നിലയില്‍; വിഷം കൊടുത്തതെന്ന് സംശയം, ജഡത്തിന് സമീപത്ത് നിന്നും കേക്കിന്റെ അവശിഷ്ടങ്ങള്‍ കണ്ടെത്തി

തെരുവു നായ ശല്യം രൂക്ഷമായ പ്രദേശമാണ് ചാലക്കുടി എന്നത് കൊണ്ടു തന്നെ നായ്ക്കളെ വിഷം കൊടുത്ത് കൊന്നതാണോയെന്ന സംശയത്തിന് ബലമേറുകയാണ്.

തൃശൂര്‍: ചാലക്കുടിയില്‍ തെരുവുനായ്ക്കള്‍ ചത്ത നിലയില്‍. ചാലക്കുടി താലൂക്ക് ആശുപത്രി പരിസരത്ത് മൂന്നു നായ്ക്കളെയാണ് ചത്ത നിലയില്‍ കണ്ടെത്തിയത്. വിഷം കൊടുത്ത് കൊന്നതാണെന്നാണ് സംശയം. നായ്ക്കളുടെ ജഡത്തിന് സമീപത്ത് നിന്നും കേക്കിന്റെ അവശിഷ്ടങ്ങള്‍ കണ്ടെത്തി.

തെരുവു നായ ശല്യം രൂക്ഷമായ പ്രദേശമാണ് ചാലക്കുടി എന്നത് കൊണ്ടു തന്നെ നായ്ക്കളെ വിഷം കൊടുത്ത് കൊന്നതാണോയെന്ന സംശയത്തിന് ബലമേറുകയാണ്. സംഭവസ്ഥലത്ത് പോലീസെത്തി അന്വേഷണം നടത്തി. ജഡം നീക്കാനുള്ള നടപടി തുടങ്ങിയിട്ടുണ്ട്. മാത്രമല്ല ഇത് വിഷം കൊടുത്ത് കൊന്നതാണോ എന്ന് സംബന്ധിച്ചുള്ള അന്വേഷണവും നടക്കുന്നുണ്ട്.

മുമ്പും ഇത്തരത്തിൽ നായ്ക്കളെ കൊല ചെയ്യപ്പെട്ട രീതിയിൽ കണ്ടെത്തിയ സംഭവങ്ങൾ റിപ്പോർട്ട് ചെയ്യപ്പെട്ടിരുന്നു. നായ്ക്കളെ കൊല്ലുന്നതല്ല പ്രശ്‌നത്തിന് പരിഹാരമെന്നും നായ്ക്കളെ കൊല്ലുന്നവർക്കെതിരെ കർശന നടപടി സ്വീകരിക്കുമെന്നും മുഖ്യമന്ത്രി അടക്കമുള്ളവർ മുന്നറിയിപ്പ് നൽകിയിട്ടുണ്ട്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.