തിരുവനന്തപുരം: മഹാരാജസ് കോളേജിലെ പിജി വിദ്യാര്ത്ഥിയും എസ്എഫ്ഐ സംസ്ഥാന സെക്രട്ടറിയുമായ പിഎം ആര്ഷോ എഴുതാത്ത പരീക്ഷ പാസായെന്ന മാര്ക്ക് ലിസ്റ്റ് ഉണ്ടാക്കിയത് ആരാണെന്ന് കണ്ടുപിടിക്കാന് സമഗ്രമായ അന്വേഷണം വേണമെന്ന് സംസ്ഥാന അദ്ധ്യക്ഷന് കെ.സുരേന്ദ്രന്.
പ്രതിഷേധം ഉയര്ന്നതോടെ മാര്ക്ക് ലിസ്റ്റ് തിരുത്തിയെങ്കിലും എസ്എഫ്ഐ നേതാവിന് കോളേജ് അധികൃതരുടെ ഭാഗത്ത് നിന്നും വഴിവിട്ട സഹായം ലഭിച്ചുവെന്ന് വ്യക്തമാണ്. കേരളത്തില് എസ്എഫ്ഐക്കാര്ക്ക് എന്തും നടക്കുമെന്ന സാഹചര്യമാണുള്ളത്. കാട്ടാക്കട കോളേജില് വ്യാജരേഖ ചമച്ച് ആള്മാറാട്ടം നടത്തിയാണ് യൂണിയന് തിരഞ്ഞെടുപ്പില് എസ്എഫ്ഐക്കാരനെ ജയിപ്പിച്ചത്. പിഎസ്സി പരീക്ഷയില് പോലും എസ്എഫ്ഐക്കാര്ക്ക് വേണ്ടി ക്രമക്കേട് നടത്തിയ സര്ക്കാരാണ് സംസ്ഥാനം ഭരിക്കുന്നത്. കേരളത്തിലെ വിദ്യാഭ്യാസമേഖലയെ സ്വജനപക്ഷപാതത്തിലൂടെ പൂര്ണമായും തകര്ക്കുകയാണ് ഇടതു സര്ക്കാര് ചെയ്യുന്നതെന്നും കെ.സുരേന്ദ്രന് പറഞ്ഞു.
പ്രതികരിക്കാൻ ഇവിടെ എഴുതുക: