×
login
കോടതിയിലെ ജാമ്യ നടപടികള്‍ പൂര്‍ത്തിയാക്കി; സ്വപ്‌ന സുരേഷ് ഇന്ന് ജയില്‍ മോചിതയാകും, പുറത്തിറങ്ങാനായി കെട്ടിവെച്ചത് 28 ലക്ഷത്തോളം രൂപ

വെള്ളിയാഴ്ച വൈകുന്നേരത്തോടെ എല്ലാ നടപടികളും പൂര്‍ത്തിയാക്കിയതായി ജയില്‍ അധികൃതരെ അഭിഭാഷകനും ബന്ധുക്കളും അറിയിച്ചിട്ടുണ്ട്. സ്വര്‍ണക്കടത്ത്, ഡോളര്‍ കടത്ത്, വ്യാജരേഖ ചമയ്ക്കല്‍ എന്നീ കുറ്റങ്ങളാണ് സ്വപ്നയ്ക്ക് നേരെയുള്ള കുറ്റങ്ങള്‍.

തിരുവനന്തപുരം : സ്വര്‍ണ്ണക്കടത്ത് കേസിലെ ഒന്നാംപ്രതി സ്വപ്‌ന സുരേഷ് ഇന്ന് ജയില്‍ മോചിതയാകും. ജാമ്യ നടപടികള്‍ പൂര്‍ത്തിയാക്കി കോടതിയില്‍ സമര്‍പ്പിച്ചതിനെ തുടര്‍ന്നാണ് ഇന്ന് പുറത്തിറങ്ങാന്‍ സാധിക്കുന്നത്. വെള്ളിയാഴ്ച വൈകുന്നേരം ഈ രേഖകള്‍ കോടതിയില്‍ സമര്‍പ്പിച്ചിട്ടുണ്ട്. സ്വപ്‌ന കഴിയുന്ന ആട്ടക്കുളങ്ങരെ ജയിലില്‍ ജാമ്യരേഖകള്‍ ഇന്ന് എത്തിച്ചു നല്‍കുന്നതോടെ പുറത്തിറങ്ങാം.  

എന്‍ഐഎ കേസില്‍ കഴിഞ്ഞ ദിവസം സ്വപ്‌നയ്ക്ക് ജാമ്യം ലഭിച്ചതോടെയാണ് ജയിലില്‍ നിന്നും പുറത്തിറങ്ങുന്നതിലേക്ക് വഴിവെച്ചിരിക്കുന്നത്. ഇത് കൂടാതെ അഞ്ച് കേസുകളില്‍ മുമ്പ് ജാമ്യം ലഭിച്ചിരുന്നു. കോടതി മുന്നോട്ടുവെച്ച ഉപാധികള്‍ പൂര്‍ത്തിയാക്കാന്‍ സാധിക്കാത്തതിനെ തുടര്‍ന്ന് ജാമ്യം ലഭിച്ച് മൂന്ന് ദിവസങ്ങള്‍ക്ക് ശേഷമാണ് സ്വപ്‌ന ഇപ്പോള്‍ പുറത്തിറങ്ങുന്നത്.  


വെള്ളിയാഴ്ച വൈകുന്നേരത്തോടെ എല്ലാ നടപടികളും പൂര്‍ത്തിയാക്കിയതായി ജയില്‍ അധികൃതരെ അഭിഭാഷകനും  ബന്ധുക്കളും അറിയിച്ചിട്ടുണ്ട്. സ്വര്‍ണക്കടത്ത്, ഡോളര്‍ കടത്ത്, വ്യാജരേഖ ചമയ്ക്കല്‍ എന്നീ കുറ്റങ്ങളാണ് സ്വപ്നയ്ക്ക് നേരെയുള്ള കുറ്റങ്ങള്‍. കര്‍ശന വ്യവസ്ഥകളോടെയാണ് ജാമ്യം ലഭിച്ചത്. എറണാകുളത്തെ വിവിധ കോടതികളിലായി 28 ലക്ഷത്തോളം രൂപ കെട്ടിവെയ്ക്കണമെന്നും നിര്‍ദ്ദേശമുണ്ടായിരുന്നു. ഇത് പൂര്‍ത്തിയാക്കാനാണ് സമയം എടുത്തത്.  

സ്വര്‍ണക്കടത്ത് കേസിലെ മറ്റൊരു പ്രതിയായ സന്ദീപ് നായര്‍ കഴിഞ്ഞ ഒക്ടോബര്‍ ഒമ്പതിന് ജയില്‍ മോചിതനായിരുന്നു. കോഫെപോസ തടവ് അവസാനിച്ചതിനെ തുടര്‍ന്നായിരുന്നു മോചനം. സ്വര്‍ണക്കടത്ത് കേസിലും ഡോളര്‍ കടത്തിലും എന്‍ഐഎ കേസിലും സന്ദീപിന് ജാമ്യം ലഭിച്ചിരുന്നു. എന്‍ഐഎ കേസില്‍ ഇപ്പോള്‍ മാപ്പുസാക്ഷിയാണ് സന്ദീപ്.

 

    comment

    LATEST NEWS


    ക്വാഡ് നേതാക്കളുടെ മൂന്നാമത് ഉച്ചകോടി: പ്രധാനമന്ത്രി നരേന്ദ്ര മോദി ജപ്പാന്‍ സന്ദര്‍ശനം മെയ് 24ന്


    ഹൈന്ദവസമാജം നേരിടുന്ന വെല്ലുവിളികളും സര്‍ക്കാരിന്റെ ന്യൂനപക്ഷ പ്രീണനവും ചര്‍ച്ചയില്‍; ഹിന്ദു ഐക്യവേദി സംസ്ഥാന സമ്മേളനം 27 മുതല്‍


    ഗ്യാന്‍വാപി കേസ് ഹിന്ദുസ്ത്രീകള്‍ക്ക് സുപ്രീംകോടതിയില്‍ നിന്നും ആശ്വാസം; ശിവലിംഗം കണ്ട ഭാഗം വിധി വരും വരെ മുദ്രവെയ്ക്കും;കേസ് വാരണസി ജില്ല കോടതിക്ക്


    കാന്‍ ഫിലിം ഫെസ്റ്റിവലില്‍ സന്ദര്‍ശിക്കാനൊരുങ്ങി കേന്ദ്ര സഹമന്ത്രി ഡോ.എല്‍ മുരുകന്‍; മെയ് 21ന് ഫ്രാന്‍സിലേക്ക്


    മണിച്ചന്റെ ജയില്‍ മോചനം: സര്‍ക്കാര്‍ നാലാഴ്ചയ്ക്കുള്ളില്‍ കൃത്യമായ തീരുമാനം എടുക്കണം; ഇല്ലെങ്കില്‍ ജാമ്യം നല്‍കുമെന്ന് സുപ്രീംകോടതി


    'ഇന്ത്യ ഇന്ന് മാറ്റത്തിന്റെ പാതയില്‍'; പ്രധാനമന്ത്രി നരേന്ദ്രമോദിയെ പ്രശംസിച്ച് നടന്‍ മാധവന്‍ (വീഡിയോ)

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.