×
login
ഡിവൈഎഫ്‌ഐക്കാരനെ കാപ്പ ചുമത്തി തടങ്കലിലാക്കി; ബാദുഷ നിരവധി കേസുകളിലെ പ്രതി, അക്രമങ്ങൾക്ക് നേതൃത്വം നൽകുന്നത് പാർട്ടി നിർദ്ദേശപ്രകാരം

കളക്ടറുടെ ഉത്തരവ് പ്രകാരമാണ് ബാദുഷയെ കരുതല്‍ തടങ്കലിലാക്കി തിരുവനന്തപുരം സെന്‍ട്രല്‍ ജയിലില്‍ അടച്ചത്. 2019 മുതല്‍ ബാദുഷ ശാസ്താംകോട്ട പോലീസ് സ്റ്റേഷനില്‍ ഏഴ് കേസുകളിലാണ് പ്രതിയായിട്ടുള്ളത്.

കൊല്ലം: ശാസ്താംകോട്ട പോലീസ് സ്റ്റേഷന്‍ പരിധിയില്‍ സ്ഥിരമായി അടിപിടി, കൊലപാതക ശ്രമം തുടങ്ങിയ കുറ്റകൃത്യങ്ങളില്‍ ഏര്‍പ്പെട്ടിരുന്ന ശാസ്താംകോട്ട പള്ളിശ്ശേരിക്കല്‍ മുളയ്ക്കല്‍ തെക്കതില്‍ വീട്ടില്‍ ബാദുഷയെ (27) അറസ്റ്റ് ചെയ്ത് ആറുമാസത്തെ കരുതല്‍ തടങ്കലിലാക്കി.

കളക്ടറുടെ ഉത്തരവ് പ്രകാരമാണ് ബാദുഷയെ കരുതല്‍ തടങ്കലിലാക്കി തിരുവനന്തപുരം സെന്‍ട്രല്‍ ജയിലില്‍ അടച്ചത്. 2019 മുതല്‍ ബാദുഷ ശാസ്താംകോട്ട പോലീസ് സ്റ്റേഷനില്‍ ഏഴ് കേസുകളിലാണ് പ്രതിയായിട്ടുള്ളത്. പ്രദേശത്തെ ഡിവൈഎഫ്‌ഐയുടെ ഗുണ്ടാസംഘത്തിന്റെ നേതാവ് കൂടിയാണ് ഇയാള്‍. പാര്‍ട്ടി നിര്‍ദ്ദേശപ്രകാരം അക്രമങ്ങള്‍ക്ക് നേതൃത്വം നല്‍കുന്ന ഇയാളെ കേസില്‍ നിന്നും ഒഴിവാക്കാന്‍ സിപിഎം നേതാക്കള്‍ ഇടപെടാറുണ്ടായിരുന്നു. പല കേസുകളിലും ഇയാളെ നേതാക്കള്‍ രക്ഷപ്പെടുത്താറുണ്ട്.

2022 ജനുവരിയില്‍ പരുവിള ജംഗ്ഷനിലെ കള്ളുഷാപ്പില്‍ വച്ച് ഒരു യുവാവിനെ കുത്തിക്കൊല്ലാന്‍ ശ്രമിച്ചതിന് അറസ്റ്റ് ചെയ്ത് റിമാന്‍ഡിലായ പ്രതി ജ്യാമ്യത്തില്‍ ഇറങ്ങിയ ശേഷം വിജയ ബാറിന്റെ മുന്‍വശം വച്ച് ഫെബ്രുവരി മാസം ഡിബി കോളേജിലെ വിദ്യാര്‍ഥികളെ ആക്രമിച്ച് ഗുരുതരമായി പരിക്കേല്‍പ്പിച്ചിരുന്നു. തുടര്‍ന്ന് ഡിബി കോളേജില്‍ നടന്ന കെഎസ്‌യു-എസ്എഫ്‌ഐ സംഘര്‍ഷം പുറത്തേക്ക് നീണ്ട് ദിവസങ്ങളോളം രാഷ്ട്രീയ സംഘര്‍ഷങ്ങള്‍ക്ക് ഇടയാക്കിയിരുന്നു. ഈ കേസില്‍  റിമാന്‍ഡിലായ പ്രതി ജാമ്യത്തില്‍ ഇറങ്ങിയ ശേഷം ഈ മാസം ഒന്നിന് മൈനാഗപ്പള്ളി ജംഗ്ഷനില്‍ വച്ച് യൂത്ത് കോണ്‍ഗ്രസ് പ്രവര്‍ത്തകനെ കുത്തികൊലപ്പെടുത്താന്‍ ശ്രമിച്ചിരുന്നു. തുടര്‍ന്ന് പ്രതിയെ അറസ്റ്റ് ചെയ്തു റിമാന്‍ഡിലാണ്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.