login
കിഫ്ബി‍ വിഷയത്തില്‍ വീണ്ടും ഇഡി‍‍യെ പരസ്യമായ വെല്ലുവിളി; കൽപന അനുസരിച്ചില്ലെങ്കില്‍ എന്തു ചെയ്യുമെന്ന് കാണട്ടെയെന്ന് തോമസ് ഐസക്ക്

കിഫ്ബി ഉദ്യോഗസ്ഥര്‍ ഹാജരാകണമെന്ന ഇഡിയുടെ കല്‍പന അനുസരിച്ചില്ലെങ്കില്‍ എന്തുചെയ്യുമെന്ന് കാണട്ടെയെന്നായിരുന്നു ഫേസ് ബുക്ക് പോസ്റ്റിലൂടെയുള്ള ധനമന്ത്രിയുടെ വെല്ലുവിളി. ഇഡിയ്ക്കു മുന്നിൽ ഹാജരാകില്ലെന്ന് കിഫ്ബി ഉദ്യോഗസ്ഥർ ഔദ്യോഗികമായി ഇഡിയെ അറിയിച്ചിരിക്കുകയാണ്.

തിരുവനന്തപുരം: കിഫ്ബി വിഷയത്തില്‍ വീണ്ടും ഇഡിയ്ക്കെതിരെ പൊട്ടിത്തെറിച്ച് ധനമന്ത്രി തോമസ് ഐസക്ക്. ഇത് രണ്ടാം തവണയാണ് മന്ത്രി വീണ്ടും ഇഡിയെ പരസ്യമായി വെല്ലുവിളിക്കുന്നത്.  

കിഫ്ബി ഡെപ്യൂട്ടി മാനേജിംഗ് ഡയറക്ടര്‍ വിക്രം ജിത് സിംഗ്, കിഫ്ബി സിഇഒ കെ.എം. എബ്രഹാം എന്നിവരോട് മൊഴിയെടുക്കലിന് ഹാജരാകാനാണ് ഇഡി നിര്‍ദേശിച്ചിരുന്നത്. മാര്‍ച്ച് നാലിന് വിക്രം ജിത് സിംഗിനോടും മാര്‍ച്ച് അഞ്ചിന് കെ.എം. എബ്രഹാമിനോടും ഹാജരാകാനാണ് അറിയിച്ചിരുന്നത്. എന്നാല്‍ ഇരുവരും ഇതുവരെയും ഹാജരായിട്ടില്ല.

കിഫ്ബി ഉദ്യോഗസ്ഥര്‍ ഹാജരാകണമെന്ന ഇഡിയുടെ കല്‍പന അനുസരിച്ചില്ലെങ്കില്‍ എന്തുചെയ്യുമെന്ന് കാണട്ടെയെന്നായിരുന്നു ഫേസ് ബുക്ക് പോസ്റ്റിലൂടെയുള്ള ധനമന്ത്രിയുടെ വെല്ലുവിളി.  ഇഡിയ്ക്കു മുന്നിൽ ഹാജരാകില്ലെന്ന് കിഫ്ബി ഉദ്യോഗസ്ഥർ ഔദ്യോഗികമായി ഇഡിയെ അറിയിച്ചിരിക്കുകയാണ്.  

ഇതിനിടെ ഇഡിയ്ക്കെതിരെ കേസെടുക്കാനും കേരള സര്‍ക്കാര്‍ ഒരുങ്ങുകയാണ്. വാക്കാലുള്ള മൊഴി നൽകാൻ ഇന്ന് രാവിലെ പത്തു മണിയ്ക്ക് ഹാജരാകാനായിരുന്നു ഇഡിയുടെ സമൻസ്. ഈ ഇണ്ടാസ് അനുസരിക്കാൻ ഉദ്ദേശിക്കുന്നില്ലെന്നും മനസില്ല എന്നു തന്നെ വ്യാഖ്യാനിച്ചോളൂവെന്നും തോമസ് ഐസക് പറയുന്നു.  

Facebook Post: https://www.facebook.com/thomasisaaq/posts/4427014167314690

ബിജെപിക്കാരുടെ ചരടിനൊപ്പിച്ച് തുള്ളുന്ന പാവകളാണ് ഇഡി. ഉത്തരേന്ത്യയുടെ പലഭാഗങ്ങളിലും അവർ നടത്തുന്ന അഴിഞ്ഞാട്ടം കണ്ട് രോമാഞ്ചം കൊള്ളുന്നവരായിരിക്കും ഇഡിയുടെ ഉദ്യോഗസ്ഥർ. പക്ഷേ, ബോംബും വടിവാളുമേന്തി തെരുവിലിറങ്ങിയ അക്കൂട്ടരെ നിലയ്ക്കു നിർത്തിയ പാരമ്പര്യമാണ് ഈ നാടിനുള്ളതെന്നും അത് ഇഡി ഉദ്യോഗസ്ഥർക്കും മനസിലാകുമെന്നും തോമസ് ഐസക് ഫേസ്ബുക്കിൽ പറയുന്നു.

മൊഴിയെടുക്കാനെന്ന പേരിൽ കിഫ്ബിയിലെ ഒരു സീനിയർ ഉദ്യോഗസ്ഥയെ നേരത്തെ ഇഡി സംഘം വിളിച്ചു വരുത്തിയെന്നും അവർ നേരിട്ട ദുരനുഭവം കിഫ്ബി സിഇഒ ചീഫ് സെക്രട്ടറിയെ രേഖാമൂലം ധരിപ്പിച്ചിട്ടുണ്ടെന്നുമാണ് തോമസ് ഐസക്കിന്‍റെ വാദം. ഇതിനെതിരേ നിയമപരമായ നടപടികൾ സർക്കാർ ആലോചിച്ചു വരികയാണെന്നും തോമസ് ഐസക് പറയുന്നു.

ചോദ്യങ്ങൾക്കൊന്നും ഒരു വ്യക്തതയുമില്ല. എന്ത് കാര്യത്തിനാണ് അന്വേഷണമെന്ന് എവിടെയും വ്യക്തമാക്കിയിട്ടില്ല. അന്വേഷണത്തിന്‍റെ ഭാഗമായി ഹാജരാകാൻ സമൻസ് അയയ്ക്കുന്നത് എങ്ങനെ ആയിരിക്കണമെന്ന് സുപ്രിംകോടതി നിർദ്ദേശമുണ്ട്. സുപ്രിംകോടതിയൊന്നും തങ്ങൾക്ക് ബാധകമല്ലെന്നാണ് കൊച്ചിയിലെ ഇഡി ഏമാന്മാരുടെ ഭാവമെന്നും തോമസ് ഐസക് ആരോപിച്ചു.

വിദേശനാണയ പരിപാലനച്ചട്ടത്തില്‍ ലംഘനമുണ്ടായെന്നാരോപിച്ചാണ് ഇഡി കിഫ്ബിക്കെതിരെ കേസെടുത്തിരിക്കുന്നത്. കിഫ്ബിയുടെ പാര്‍ട്ണര്‍ ബാങ്കാണ് ആക്‌സിസ് ബാങ്ക്. ബാങ്കിനെ അംഗീകൃത ഡീലറാക്കിയാണ് കിഫ്ബി മസാല ബോണ്ടിറക്കിയത്. ഇതും വ്യവസ്ഥകള്‍ക്ക് വിരുദ്ധമാണെന്നാണ് ആരോപണം. ഈ സാഹചര്യത്തില് ബാങ്കിനെയും ഇഡി അന്വേഷണപരിധിയില്‍ ഉള്‍പ്പെടുത്തിയിട്ടുണ്ട്.

    comment

    LATEST NEWS


    നെല്‍ക്കര്‍ഷകരെ വഞ്ചിച്ച് സര്‍ക്കാര്‍; താങ്ങുവില വര്‍ധിപ്പിച്ചത് നടപ്പാക്കിയില്ല; നെല്ലിന്റെ സംഭരണവില വിതരണവും വൈകുന്നു


    'ശ്വാസംമുട്ടി' കാസര്‍കോട്; തുടര്‍ച്ചയായി രണ്ടാം ദിവസവും ആശുപത്രികളില്‍ ഓക്‌സിജന്‍ ക്ഷാമം രൂക്ഷം


    തിക്രി കൂട്ടമാനഭംഗക്കേസ്: ഇടനിലക്കാരുടെ നേതാവ് യോഗേന്ദ്ര യാദവിനെ പൊലീസ് രണ്ടു മണിക്കൂര്‍ ചോദ്യം ചെയ്തു, പ്രതികള്‍ക്കായി തിരച്ചില്‍ തുടരുന്നു


    മാടമ്പ്, എന്റെ ഗുരുനാഥന്‍; ചലച്ചിത്ര സംവിധായകന്‍ ജയരാജ്


    മാര്‍ക്‌സില്‍ നിന്ന് മഹര്‍ഷിയിലേക്ക്


    വഞ്ചനകള്‍ മൂടിവച്ച് സിപിഎമ്മിന്റെ വാഴ്ത്തലുകള്‍


    സിവില്‍ സപ്ലൈസിന്റെ അനാസ്ഥ; കൊവിഡ് കാലത്ത് പാവങ്ങള്‍ക്കായി കേന്ദ്രം നല്‍കിയ 596.7 ടണ്‍ കടല പഴകി നശിച്ചു


    പാലസ്തീന്‍ 'തീവ്രവാദി' ആക്രമണത്തില്‍ മരിച്ച സൗമ്യയ്ക്ക് ആദരാഞ്ജലി അര്‍പ്പിച്ച് ഉമ്മന്‍ ചാണ്ടി; പോസ്റ്റ് പിന്‍വലിക്കാതിരിക്കട്ടെയെന്ന് സോഷ്യല്‍ മീഡിയ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.