login
കൊവിഡ് തകര്‍ച്ചയില്‍ കേറ്ററിംഗ് മേഖല

ബാങ്ക് ലോണ്‍ എടുത്തും പങ്ക് ചേര്‍ന്ന് വ്യവസായം വിപുലീകരിച്ച ആളുകളും ഇപ്പോള്‍ എന്തുചയ്യണമെന്നറിയാതെ വലയുകയാണ്. കേറ്ററിംഗ് സംരംഭങ്ങള്‍ ഒരു വര്‍ഷത്തോളമായി പ്രതിസന്ധി നേരിടാന്‍ തുടങ്ങിയിട്ട്.

image

കൊല്ലം: കൊവിഡ് വ്യാപനവും ലോക്ക്ഡൗണും ജില്ലയിലെ കേറ്ററിംഗ് മേഖലയില്‍ വലിയ പ്രതിസന്ധിയാണ് സൃഷ്ടിച്ചത്. വിവാഹ ചടങ്ങുകളും ആഘോഷ പരിപാടികളും വീടകങ്ങളില്‍ ചുരുങ്ങിയതോടെ നിരവധി പാചക തൊഴിലാളികളും കേറ്ററിംഗ് ജീവനക്കാരുമാണ് പട്ടിണിയിലായത്. ഈ മേഖലയെ ആശ്രയിച്ചു കഴിയുന്ന ആളുകളുടെ ജീവിതം ദുരിതപൂര്‍ണമാണ്.  

ബാങ്ക് ലോണ്‍ എടുത്തും പങ്ക് ചേര്‍ന്ന് വ്യവസായം വിപുലീകരിച്ച ആളുകളും ഇപ്പോള്‍ എന്തുചയ്യണമെന്നറിയാതെ വലയുകയാണ്. കേറ്ററിംഗ് സംരംഭങ്ങള്‍ ഒരു വര്‍ഷത്തോളമായി പ്രതിസന്ധി നേരിടാന്‍ തുടങ്ങിയിട്ട്. ജനുവരി മുതല്‍ മെയ് വരെയുള്ള മാസങ്ങളിലാണ് കേറ്ററിംഗ് മേഖലയിലെ സീസണ്‍. ഈ പ്രധാനസമയങ്ങളില്‍ കഴിഞ്ഞ രണ്ടു വര്‍ഷമായിട്ടും ഒരു ജോലി പോലും കിട്ടാത്ത അവസ്ഥയാണ് ഇവര്‍ക്ക്.  

രണ്ടു ദിവസമായി നീണ്ടു നില്‍ക്കുന്ന വിവാഹ ആഘോഷങ്ങളും അനുബന്ധ ചടങ്ങുകളിലും 3000 മുതല്‍ 5000 വരെ ആളുകളായിരുന്നു പങ്കെടുത്തിരുന്നത്. ഇത്രയും ആളുകള്‍ക്ക് ഭക്ഷണം ഒരുക്കുന്നത് വെറും ജോലി മാത്രമല്ല, ആത്മസമര്‍പ്പണം കൂടിയാണ് ഇവര്‍ക്ക്. ലോക് ഡൗണില്‍ ആഘോഷങ്ങളില്‍ പങ്കെടുക്കുന്ന ആളുകളുടെ എണ്ണം വിരലിലെണ്ണാവുന്ന സംഖ്യയായി ചുരുങ്ങിയപ്പോള്‍ കേറ്ററിംഗ് മേഖലയ്ക്ക് അത് വന്‍തിരിച്ചടിയായി. മാര്‍ച്ച്-ഏപ്രില്‍ മാസങ്ങളില്‍ ഒഴിവില്ലാതെ ഓര്‍ഡറുകള്‍ ലഭിച്ചിരുന്ന സാഹചര്യത്തിലാണ് ഇപ്പോള്‍ ഒന്നു പോലും ലഭിക്കാത്തത്.

കേറ്ററിംഗ് മേഖലയില്‍ തൊഴില്‍ തേടിയെത്തിയ അന്യസംസ്ഥാന തൊഴിലാളികളുടെ അവസ്ഥയും സമാനമാണ്. ജോലി ഇല്ലെങ്കിലും ഇവര്‍ക്ക് താമസവും ഭക്ഷണവും മുടങ്ങാതെ നല്‍കുന്നതിന് പാത്രങ്ങള്‍ വിറ്റ സംരംഭകരും ജില്ലയിലുണ്ട്. തൊഴില്‍ ക്ഷാമം നേരിടുന്ന കാലത്ത് പങ്കാളിത്തത്തോടെ കാറ്ററിങ്ങ് സര്‍വീസ് നടത്തുന്ന യുവാക്കളും ആത്മഹത്യയുടെ വക്കിലാണ്. ലക്ഷക്കണക്കിന് രൂപ ചെലവാക്കിയാണ് പാചകം ചെയ്യാനുള്ള പാത്രങ്ങളും മറ്റ് സാധന സാമഗ്രികളും ഇവര്‍ വാങ്ങിയത്. ഇതെല്ലം ഇപ്പോള്‍ തുരുമ്പെടുക്കുന്ന അവസ്ഥയാണ്.  

ഇപ്പോള്‍ പൂര്‍ണ നഷ്ടത്തില്‍

വളരെ പ്രതീക്ഷയോടെയാണ് കേറ്ററിംഗ് മേഖലയിലേക്ക് കടന്നുവന്നത്. 2019 ഡിസംബറിലാണ് പ്രവര്‍ത്തനം ആരംഭിച്ചത്. അതിനു ശേഷം വിരലിലെണ്ണാവുന്ന ഓര്‍ഡറുകള്‍ മാത്രമാണ് ലഭിച്ചത്. ഇപ്പോള്‍ പൂര്‍ണ നഷ്ടത്തിലാണ് മുന്നോട്ടുപോകുന്നത്. ബാങ്ക് ലോണ്‍ എടുത്താണ് ഈ സംരംഭം ആരംഭിച്ചത്. കൊവിഡ് പ്രതിസന്ധിയില്‍ നിന്ന് മെച്ചപ്പെട്ട് വന്നപ്പോള്‍ വീണ്ടും ലോക്ക്ഡൗണ്‍ ആയി.

കവിത അനീഷ്, പെരിനാട്

ഈ തിരിച്ചടി പ്രതീക്ഷിച്ചില്ല

കഴിഞ്ഞ വര്‍ഷം ഓര്‍ഡറുകള്‍ കുറവായിരുന്നെങ്കിലും പാര്‍സല്‍ ഓര്‍ഡറുകള്‍ ലഭിച്ചിരുന്നു. സംരംഭം കുറച്ചുകൂടി വിപുലീകരിച്ച് വളരെ പ്രതീക്ഷയോടെയാണ് നിന്നത്. പാത്രങ്ങളുടെ വാടക ഇനത്തില്‍ പോലും വരുമാനം കിട്ടുന്നില്ല. മൊത്തതില്‍ നഷ്ടമായിരുന്നു. കൊവിഡ് രണ്ടാം തരംഗത്തിന്റെ വരവോടെയുള്ള ഈ തിരിച്ചടി ഒട്ടും പ്രതീക്ഷിച്ചിരുന്നില്ല.

ജോര്‍ജ് മാത്യു, ഹെവന്‍ കേറ്ററിംഗ്, കൊല്ലം

 

 

    comment

    LATEST NEWS


    പഞ്ചാബില്‍ പ്രതിപക്ഷ പ്രതിഷേധം; വാക്സിന്‍ മറിച്ചുവിറ്റ ആരോഗ്യമന്ത്രിയെ പുറത്താക്കണമെന്ന് ആവശ്യം


    ആര്യഭടനും അരിസ്റ്റോട്ടിലും പോലും രാഹുല്‍ ഗാന്ധിയുടെ അറിവിന് മുന്നില്‍ തലകുനിക്കും; പരിഹാസിച്ച് കേന്ദ്രമന്ത്രി ഹര്‍ഷ് വര്‍ധന്‍


    ദേശീയപാത പദ്ധതികള്‍ക്ക് ഡ്രോണുകള്‍ ഉപയോഗിച്ചുള്ള സര്‍വ്വേ നിര്‍ബന്ധം; പുതിയ ഉത്തരവ് പുറത്തിറക്കി ദേശീയപാത അതോറിറ്റി


    'മലപ്പുറത്തെ വിഭജിച്ച് തിരൂര്‍ കേന്ദ്രമായി പുതിയ ജില്ലവേണം'; എസ്ഡിപിഐക്കൊപ്പം ചേര്‍ന്ന് മതഅടിസ്ഥാനത്തില്‍ വിഘടനവാദം ഉയര്‍ത്തി വീണ്ടും മുസ്ലീം ലീഗ്


    ജനീവയില്‍ നിര്‍ണ്ണായക ഉച്ചകോടി: ജോ ബൈഡനും വ്‌ളാഡിമിര്‍ പുടിനും കൂടിക്കാഴ്ച തുടങ്ങി


    തയ് വാന് മുകളില്‍ 28 യുദ്ധവിമാനങ്ങള്‍ പറത്തി ചൈനയുടെ മുന്നറിയിപ്പ്


    ബിവറേജ് ഔട്ട്‌ലെറ്റുകളും ബാറുകളും തുറക്കുമ്പോള്‍ ആരാധനാലയങ്ങള്‍ മാത്രം എന്തിന് വിലക്ക്; നിയന്ത്രണങ്ങളോടെ ക്ഷേത്രങ്ങള്‍ തുറക്കണമെന്ന് കെ സുരേന്ദ്രന്‍


    യുപിക്കെതിരെ വ്യാജ പ്രചരണം: മാധ്യമപ്രവര്‍ത്തകരെയും കോണ്‍ഗ്രസ് നേതാക്കളെയും പ്രതിചേര്‍ത്തു; നിയമപരിരക്ഷ നഷ്ടമായതിന് പിന്നാലെ ട്വിറ്ററിനെതിരെ ആദ്യ കേസ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.