×
login
ഔദ്യോഗിക പക്ഷത്തെ വിഭാഗീയതയും, ആയുധങ്ങള്‍ ഉപയോഗിച്ചുള്ള ഏറ്റുമുട്ടലും നേതൃത്വത്തിന് തലവേദനയായി; സിപിഎമ്മിലെ തമ്മിലടിയില്‍ അമര്‍ഷം പുകയുന്നു

രാമങ്കരിയിലാണ് ഔദ്യോഗിക വിഭാഗത്തില്‍പ്പെട്ട ഇരുപക്ഷവും നടുറോഡില്‍ ഏറ്റുമുട്ടുന്നത്. പാര്‍ട്ടി ലോക്കല്‍, ഏരിയ, ജില്ലാനേതാക്കള്‍ക്കെല്ലാം സംഭവങ്ങളെക്കുറിച്ചറിവുണ്ടായിട്ടും നടപടിയെടുക്കാത്തതില്‍ പ്രവര്‍ത്തകരില്‍ അമര്‍ഷം പുകയുകയാണ്.

മങ്കൊമ്പ്: സിപിഎമ്മില്‍ ഔദ്യോഗിക പക്ഷത്തെ വിഭാഗീയതയും, ആയുധങ്ങള്‍ ഉപയോഗിച്ചുള്ള ഏറ്റുമുട്ടലും നേതൃത്വത്തിന് തലവേദനയായി. വിഎസ് പക്ഷത്തിന്റെ കുത്തകയായിരുന്നു ഒരു കാലത്ത് കുട്ടനാട്. കാലങ്ങളോളം ആധിപത്യം നിലനിര്‍ത്താനും വിഎസ് വിഭാഗത്തിന് കഴിഞ്ഞു. എന്നാല്‍ കുട്ടനാട് രണ്ട് ഏരിയ കമ്മറ്റികളായി വിഭജിച്ച് നേതാക്കളെ അടര്‍ത്തിയെടുത്ത് ഔദ്യോഗിക പക്ഷം ഇരു ഏരിയ കമ്മറ്റികളും പിടിച്ചടക്കുകയായിരുന്നു. 

ഇതോടെ അവസാനിച്ചെന്നുകരുതിയ വിഭാഗീയത സമ്മേളനത്തിന്റെ ഭാഗമായി ശക്തിപ്രാപിക്കുകയായിരുന്നു. രാമങ്കരിയിലാണ് ഔദ്യോഗിക വിഭാഗത്തില്‍പ്പെട്ട ഇരുപക്ഷവും നടുറോഡില്‍ ഏറ്റുമുട്ടുന്നത്.  പാര്‍ട്ടി ലോക്കല്‍, ഏരിയ, ജില്ലാനേതാക്കള്‍ക്കെല്ലാം സംഭവങ്ങളെക്കുറിച്ചറിവുണ്ടായിട്ടും നടപടിയെടുക്കാത്തതില്‍ പ്രവര്‍ത്തകരില്‍ അമര്‍ഷം പുകയുകയാണ്.  

പാര്‍ട്ടിപിടിക്കാന്‍ ചിലര്‍നടത്തുന്ന പ്രവര്‍ത്തനങ്ങള്‍ പരിധിവിട്ടിട്ടും നേതൃത്വം കണ്ണടയ്ക്കുകയാണെന്ന് പാര്‍ട്ടിപ്രവര്‍ത്തകരും അനുഭാവികളും പറയുന്നു. ഒക്ടോബര്‍ മൂന്നിന് ബ്രാഞ്ച് സമ്മേളനത്തിന്റെ ഭാഗമായി തര്‍ക്കവും സംഘര്‍ഷവുമുണ്ടായിരുന്നു. മാമ്പുഴക്കരി സെന്‍ട്രല്‍ ബ്രാഞ്ച് സെക്രട്ടറിയും പഞ്ചായത്തംഗവുമായ സജീവ് ഉതുംതറയെയും പാര്‍ട്ടിയംഗം സി.പി. പ്രവീണിനെയുമാണ് മര്‍ദ്ദിച്ചത്. സിപിഎമ്മുകാരാണ് ഈ കേസില്‍ പ്രതികള്‍. കഴിഞ്ഞ ദിവസം പ്രതികള്‍ക്ക് നേരെ മറുപക്ഷം അക്രമം അഴിച്ചുവിട്ടു.  ഈ സംഭവത്തില്‍ ഉള്‍പ്പെട്ടവര്‍ക്കെതിരേ നേതൃത്വം നടപടിയെടുക്കാത്തതില്‍ വലിയ പ്രതിഷേധമുയര്‍ന്നിട്ടുണ്ട്. ഡിവൈഎഫ്‌ഐ. മേഖലാ സെക്രട്ടറി കെ.ടി. ശരവണന്‍ ഉള്‍പ്പെടെയുള്ളവര്‍ക്ക് നേരെയാണ് അക്രമമുണ്ടായത്.  

സംഭവത്തില്‍ വ്യക്തമായ തെളിവുകളുണ്ടായിട്ടും നടപടിയെടുക്കാന്‍ നേതൃത്വം മടിച്ചെന്നാണു പരാതി. ബിജെപിയുടെ പേരില്‍ സഹകരണബാങ്ക് പ്രസിഡന്റ്, സെക്രട്ടറി എന്നിവര്‍ക്കെതിരേ പോസ്റ്റര്‍ പ്രത്യക്ഷപ്പെട്ടിരുന്നു. പോസ്റ്ററിനുപിന്നില്‍ തങ്ങളല്ലെന്ന് ബിജെപി നിഷേധക്കുറിപ്പിറക്കുകയും പോലീസില്‍ പരാതി നല്‍കുകുയും ചെയ്തു. സിപിഎമ്മിലെ വിഭാഗീയതയായിരുന്നു പോസ്റ്ററുകള്‍ക്ക് പിന്നില്‍.  

രാമങ്കരി ലോക്കല്‍ കമ്മിറ്റിക്കുകീഴില്‍ 17 ബ്രാഞ്ചുകളാണുള്ളത്. ഇതില്‍ ഏഴിടത്തുമാത്രമേ സമ്മേളനം പൂര്‍ത്തിയായിട്ടുള്ളൂ. അതിനിടെ ഡിവൈഎഫ്‌ഐ. മേഖലാ സെക്രട്ടറി കെ.ടി. ശരവണന്റെ വീട്ടിലെ സ്‌കൂട്ടര്‍ കത്തിയസംഭവത്തില്‍ ദുരൂഹതയുണ്ടെന്ന് മറുപക്ഷം ആരോപിക്കുന്നു. വാഹനം കത്തിച്ചത് ഉടമസ്ഥന്‍ തന്നെയാണെന്നാണ് അവരുടെ ആക്ഷേപം. ഇതോടെ ക്യാമറാ ദൃശ്യങ്ങള്‍ പരിശോധിച്ച് യഥാര്‍ത്ഥ പ്രതികളെ കണ്ടെത്താനുള്ള ശ്രമത്തിലാണ് പോലീസ്.

 

    comment

    LATEST NEWS


    കോണ്‍ഗ്രസ് സഖ്യകക്ഷി തൗഖീര്‍ റാസ ഖാനെ ചോദ്യം ചെയ്ത് മരുമകള്‍; സ്ത്രീകളുടെ അവകാശം സംരക്ഷിക്കാന്‍ ബിജെപിയ്‌ക്കേ കഴിയൂ എന്ന് നിദ ഖാന്‍


    ഗോവയില്‍ 34 സ്ഥാനാര്‍ത്ഥികളുടെ ലിസ്റ്റ് പുറത്തുവിട്ട് ബിജെപി; മുഖ്യമന്ത്രി പ്രമോദ് സാവന്ത് സംഗ്ലിയില്‍; രണ്ട് മന്ത്രിമാരെ ഒഴിവാക്കി


    പാകിസ്ഥാന്‍ ഐഎസ്‌ഐ ഇസ്ലാമിക ജിഹാദ് പ്രചരിപ്പിക്കാന്‍ തബ്ലിഗി ജമാത്തിനെ ഉപയോഗിക്കുന്നു


    ഓസ്‌ട്രേലിയന്‍ ഓപ്പണ്‍; മുറെയും റാഡുകാനുവും തോറ്റു;മെദ്‌വദേവ്, ഹാലെപ്പ് മുന്നോട്ട്


    ഐസിസി 2021ലെ മികച്ച ഇലവനെ പ്രഖ്യാപിച്ചു; പുരുഷ ഏകദിന, ട്വന്റി20 ടീമില്‍ ഇന്ത്യന്‍ താരങ്ങളില്ല; ടെസ്റ്റില്‍ മൂന്ന് പേര്‍


    ഗോവയില്‍ ബിജെപി വിരുദ്ധവോട്ടുകള്‍ ഭിന്നിക്കുന്നു; തമ്മിലടിച്ച് തൃണമൂലും കോണ്‍ഗ്രസും; മഹാരാഷ്ട്ര മാതൃകയിലെ മഹാസഖ്യവും പൊളിഞ്ഞു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.