login
കുഞ്ഞിക്കുട്ടിക്ക് ജനമൈത്രി പോലീസിന്റെ കൈത്താങ്ങ്

അഞ്ചുവര്‍ഷംമുന്‍പ് പെട്ടെന്ന് കഴുത്തിന് കനംവയ്ക്കാന്‍ തുടങ്ങിയതോടെയാണ് രോഗത്തിന്റെ പിടിയിലായെന്ന് അറിയുന്നത്. ഓപ്പറേഷന്‍ചെയ്യാന്‍ പ്രായവും അനാരോഗ്യവും മുഴ നില്‍ക്കുന്ന സ്ഥാനവും പ്രശ്നമാണെന്നാണ് ഡോക്ടര്‍മാരുടെ പക്ഷം.

കുഞ്ഞിക്കുട്ടിയുടെ കൂരയില്‍ ജനമൈത്രി പോലീസിന്റെ ഭക്ഷ്യധാന്യ കിറ്റ് എത്തിക്കുന്ന പരവൂര്‍ സിഐ സംജിത് ഖാന്‍

പരവൂര്‍: രോഗവും പ്രായവും പിടിമുറുക്കിയ കുഞ്ഞിക്കുട്ടിക്ക് കൈത്താങ്ങാകുകയാണ് പരവൂരിലെ ജനമൈത്രി പോലീസ്. നെടുങ്ങോലം പോസ്റ്റോഫീസ് മുക്കിനടുത്ത് കുന്നുംപുറത്തുവീട്ടില്‍ കുഞ്ഞിക്കുട്ടി (85) പത്തുവര്‍ഷമായി തകരഷീറ്റിട്ട് ചുറ്റും പ്ലാസ്റ്റിക് ഷീറ്റ് കെട്ടിമറച്ച ഒരു ചെറു ഷെഡ്ഡിലാണ് താമസം. ഭര്‍ത്താവ് കുഞ്ഞുകൃഷ്ണന്‍ വര്‍ഷങ്ങള്‍ക്കു മുന്‍പ് മരിച്ചു. ഏകമകന് 10 വയസ്സുള്ളപ്പോഴായിരുന്നു അത്. 47-ാം വയസ്സില്‍ മകനും മരിച്ചതോടെ കുഞ്ഞിക്കുട്ടി തീര്‍ത്തും അനാഥയായി.

അഞ്ചുവര്‍ഷംമുന്‍പ് പെട്ടെന്ന് കഴുത്തിന് കനംവയ്ക്കാന്‍ തുടങ്ങിയതോടെയാണ് രോഗത്തിന്റെ പിടിയിലായെന്ന് അറിയുന്നത്.  ഓപ്പറേഷന്‍ചെയ്യാന്‍ പ്രായവും അനാരോഗ്യവും മുഴ നില്‍ക്കുന്ന സ്ഥാനവും പ്രശ്നമാണെന്നാണ് ഡോക്ടര്‍മാരുടെ പക്ഷം. എന്നാല്‍ എനിക്ക് മരിക്കും മുന്‍പ് ഒരേയൊരാഗ്രഹം. ഒരൊറ്റ മുറിയെങ്കിലുമുള്ള ഒരു കൊച്ചുവീട് വേണം. സഹോദരന്റെ വകയായി കിട്ടിയ മൂന്നര സെന്റിലാണ് ഇപ്പോള്‍ ഈ തകരപ്പുരയില്‍ കുഞ്ഞിക്കുട്ടി താമസിക്കുന്നത്. സഹായിയായി കൂട്ടിനുള്ളത് സഹോദരിയുടെ മകള്‍ 72കാരിയായ ചെല്ലമ്മ മാത്രം. ചിറക്കര പഞ്ചായത്തിലുള്ള ഈ സ്ഥലത്ത് ഒരു വീടിനുവേണ്ടി ഒത്തിരി അലഞ്ഞതായി കുഞ്ഞിക്കുട്ടി പറയുന്നു. പ്രമാണം സ്വന്തം പേരിലല്ലെന്ന് പറഞ്ഞാണ് എല്ലാവരും തഴഞ്ഞത്.

കഴിഞ്ഞ ലോക്ഡൗണ്‍ കാലത്ത് പരവൂരിലെ ജനമൈത്രി പോലീസാണ് കുഞ്ഞിക്കുട്ടിയുടെ ദുരിത കഥയറിഞ്ഞ് ആദ്യം ഈ കൂരയിലെത്തിയത്. അന്നുമുതല്‍ ഇന്നുവരെയും ഇവര്‍ക്കെല്ലാം എത്തിച്ചുനല്‍കുന്നതും സഹായിക്കുന്നതും ജനമൈത്രി പോലീസാണ്. കുഞ്ഞിക്കുട്ടിയുടെ ആഗ്രഹമായ ഒറ്റമുറിയെങ്കിലുമുള്ള ഒരു കൊച്ചുവീട്, അതാണിപ്പോള്‍ ജനമൈത്രി പോലീസിന്റെയും സ്വപ്നം. അത് യാഥാര്‍ഥ്യമാകാന്‍ വേണ്ടത് സുമനസ്സുകളുടെ കാരുണ്യമാണ്. അതാണ് അവരും തേടുന്നത്.

ജനമൈത്രി പോലീസ് ഒപ്പമുണ്ട്

കുഞ്ഞിക്കുട്ടിയുടെ ദുഃസ്ഥിതി ആരുടെയും കണ്ണുനനയ്ക്കുന്നതാണ്. ഇതിന് ശാശ്വത പരിഹാരം കാണാന്‍ സന്മനസ്സുള്ളവര്‍ അവരെ മനസ്സറിഞ്ഞ് സഹായിക്കണം. ആ വീട്ടമ്മയുടെ ആഗ്രഹസഫലീകരണത്തിന് പരവൂരിലെ ജനമൈത്രി പോലീസും എന്നും ഒപ്പമുണ്ടാകും

ഹരിസോമന്‍ (എഎസ്ഐ, പരവൂര്‍  ജനമൈത്രി പോലീസ്)

 

    comment

    LATEST NEWS


    ബയോളജിക്കല്‍ ഇയുടെ വാക്‌സിന്‍ പരീക്ഷണം മൂന്നാംഘട്ടത്തില്‍, ഓക്ടോബറില്‍ പുറത്തിറങ്ങിയേക്കും; 90 ശതമാനം ഫലപ്രാപ്തിയെന്ന് കണ്ടെത്തല്‍


    മഹാ വികാസ് അഘാദി സഖ്യത്തില്‍ വിള്ളല്‍ രൂക്ഷം; ഒറ്റയ്ക്ക് മത്സരിക്കാനാണ് കോണ്‍ഗ്രസ് തീരുമാനമെങ്കില്‍ എന്തു ചെയ്യണമെന്ന് അറിയാമെന്ന് ശിവസേന


    ജൂലൈ 31നകം സിബിഎസ്ഇ പന്ത്രണ്ടാം ക്ലാസ് ഫലപ്രഖ്യാപനം നടത്തും; മൂല്യനിര്‍ണ്ണയം 30:30:40 ഫോര്‍മുലയില്‍, ഇന്റേര്‍ണലിന് 40 ശതമാനം വെയിറ്റേജ്


    വനംകൊള്ളക്കേസ്: ഉദ്യോഗസ്ഥരും കരാറുകാരും ഗൂഢാലോചന നടത്തി; സര്‍ക്കാര്‍ ഉത്തരവുണ്ടെന്ന വ്യാജേന വ്യക്ഷങ്ങള്‍ മോഷ്ടിച്ചെന്ന് എഫ്‌ഐആര്‍


    ലക്ഷദ്വീപിനെതിരായ വ്യാജപ്രചാരണങ്ങള്‍ക്ക് കനത്ത തിരിച്ചടി; ഭരണപരിഷ്‌കാരങ്ങള്‍ക്കെതിരായ ഹര്‍ജി ഹൈക്കോടതി തള്ളി; നിലവിലുള്ളത് കരട്; സ്‌റ്റേ അനുവദിക്കില്ല


    അമ്മയെ കൊന്നു ഭക്ഷണമാക്കി കഴിച്ചു, ബാക്കി വളര്‍ത്തുനായക്ക് നൽകി, യുവാവിന് 15 കൊല്ലം തടവ് ശിക്ഷ, നഷ്ടപരിഹാരമായി 73,000 ഡോളറും നൽകണം


    ആദ്യം അച്ഛന്റെ കട കത്തിച്ചു; പിന്നാലെ മകളെ കുത്തിക്കൊന്നു; മലപ്പുറത്ത് ദൃശ്യയെ യുവാവ് കുത്തിക്കൊന്നത് പ്രണയാഭ്യര്‍ത്ഥന നിരസിച്ചതിന്


    ബയോവെപ്പണില്‍ ഐഷയും മീഡിയവണ്ണും തുറന്ന് പോരില്‍;റിസ്‌ക് ഏറ്റെടുക്കാമെന്ന് ഐഷ പറഞ്ഞെന്ന് നിഷാദ്; തെറ്റുപറ്റിയത് തിരുത്താന്‍ അവസരം നല്‍കിയില്ലെന്ന് ഐഷ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.