×
login
കൊവിഡ് മൂലം നിര്‍ത്തിവെച്ച അന്തര്‍ സംസ്ഥാന സര്‍വ്വീസുകള്‍ പുനരാരംഭിച്ച് കെഎസ്ആര്‍ടിസി‍;

തെങ്കാശി സര്‍വ്വീസുകള്‍ രാവിലെ 5.30, 6.30, 7.30 സമയങ്ങളില്‍ സ്റ്റാന്‍ഡില്‍ നിന്നു പുറപ്പെടും. തെങ്കാശി സര്‍വ്വീസുകള്‍ ഉച്ചയ്ക്ക് ശേഷം 2.30, 3.30, 4.30 സമയങ്ങളിലും ഉണ്ടാകും.

കൊട്ടാരക്കര: കൊവിഡ് മൂലം നിര്‍ത്തിവച്ചിരുന്ന കെഎസ്ആര്‍ടിസി അന്തര്‍സംസ്ഥാന ബസ് സര്‍വ്വീസുകള്‍ പുനരാരംഭിച്ചു. മൂകാംബിക, തെങ്കാശി, കോയമ്പത്തൂര്‍, തിരുനെല്‍വേലി, നാഗര്‍കോവില്‍ എന്നീ സര്‍വ്വീസുകളാണ് കൊട്ടാരക്കര ഡിപ്പോയില്‍ നിന്നും ആരംഭിച്ചത്.  

രാത്രി 7.30ന് കൊട്ടാരക്കര മഹാഗണപതി ക്ഷേത്രത്തില്‍ നിന്നും ആരംഭിക്കുന്ന  മൂകാംബിക സര്‍വ്വീസ് 8ന് സ്റ്റാന്‍ഡില്‍ നിന്ന് പുറപ്പെടും. രാവിലെ 7.45നും വൈകിട്ട് 3.15നുമുള്ള കോയമ്പത്തൂര്‍ സര്‍വ്വീസുകളും ആരംഭിച്ചു. രാത്രി 9.30നുള്ള സര്‍വ്വീസ് വെള്ളിയാഴ്ച ആരംഭിക്കും. രാവിലെ 6.10നുള്ള നാഗര്‍കോവില്‍ സര്‍വ്വീസും, 7.15നുള്ള തിരുനെല്‍വേലി സര്‍വ്വീസും ആരംഭിച്ചു കഴിഞ്ഞു. 

തെങ്കാശി സര്‍വ്വീസുകള്‍ രാവിലെ 5.30, 6.30, 7.30 സമയങ്ങളില്‍ സ്റ്റാന്‍ഡില്‍ നിന്നു പുറപ്പെടും. തെങ്കാശി സര്‍വ്വീസുകള്‍ ഉച്ചയ്ക്ക് ശേഷം 2.30, 3.30, 4.30 സമയങ്ങളിലും ഉണ്ടാകും. രാവിലെ 7.15ന് പുറപ്പെടുന്ന പഴനി സര്‍വ്വീസ് നിലവില്‍ മൂന്നാര്‍ വരെയാണ് സര്‍വ്വീസ് നടത്തുന്നത്. ഈയാഴ്ച അവസാനത്തോടെ പഴനി വരെ നീട്ടുന്നതായിരിക്കും.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.