×
login
പോലീസിനെ ആക്രമിച്ചിട്ടും സഖാക്കള്‍ക്കെതിരെ കേസില്ല, ഒത്തുതീർപ്പിനുള്ള നീക്കവുമായി മുതിന്ന പോലീസ്‍ ഉദ്യോഗസ്ഥർ, പ്രതിഷേധവുമായി ബിജെപി

പോലീസിന്റെ കൃത്യനിര്‍വഹണം ഉള്‍പ്പടെ തടസ്സപ്പെടുത്തി ആശുപത്രിയില്‍ സംഘര്‍ഷം സൃഷ്ടിച്ച സിപിഎം കൗണ്‍സിലര്‍ ഉള്‍പ്പടെയുള്ള നേതാക്കള്‍ക്കെതിരെ കേസ് എടുക്കാന്‍ മടി കാണിക്കുന്ന പോലീസ് ഉദ്യോഗസ്ഥരുടെ നിലപാടിനെതിരെ പോലീസ് സ്റ്റേഷന്‍ മാര്‍ച്ച് ഉള്‍പ്പെടെ നടത്തുമെന്ന് ബിജെപി നേതാക്കള്‍ അറിയിച്ചു.

കൊട്ടാരക്കര: കൊട്ടാരക്കര എസ്ജി കോളേജില്‍ സംഘര്‍ഷം ഉണ്ടാക്കിയ പ്രതികളെ അറസ്റ്റ് ചെയ്യാനുള്ള നീക്കത്തിനിടെ  പോലീസിനെ ആക്രമിച്ച കൗണ്‍സിലര്‍മാര്‍ ഉള്‍പ്പടെയുള്ള സിപിഎം-എസ്എഫ്‌ഐ നേതാക്കള്‍ക്കെതിരെ കേസെടുക്കാതെ പോലീസ്. സിപിഎം മുന്‍ ഏരിയ സെക്രട്ടറിയും നിലവിലെ കൗണ്‍സിലറുമായ വ്യക്തി എസ്‌ഐ ദീപുവിനെ കടന്നു പിടിക്കുന്നതും തള്ളുന്നതുമുള്‍പ്പെടെയുള്ള ദൃശ്യങ്ങള്‍ ഇതിനോടകം പുറത്തു വന്നിട്ടുണ്ട്. 

എസ്ജി കോളേജില്‍ എസ്എഫ്‌ഐയുടെ നേതൃത്വത്തില്‍ എബിവിപി പ്രവര്‍ത്തകനായ ശ്രീക്കുട്ടനെ കഴിഞ്ഞ ദിവസം ക്രൂരമായി മര്‍ദ്ദിച്ചിരുന്നു. മര്‍ദ്ദനത്തെത്തുടര്‍ന്ന് ശ്രീക്കുട്ടനെ കൊട്ടാരക്കര താലൂക്ക് ആശുപത്രിയില്‍ പ്രവേശിപ്പിച്ചു. ഈ സമയം ശ്രീക്കുട്ടനെ മര്‍ദ്ദിച്ച എസ്എഫ്‌ഐ നേതാക്കളും സിപിഎമ്മുകാരും ഉള്‍പ്പെടെയുള്ള വര്‍ ആശുപത്രി പരിസരത്ത് സംഘടിച്ചെത്തി. ഇതിനിടെ ആശുപത്രിയിലെത്തിയ പോലീസ്, മര്‍ദ്ദനത്തിന് നേതൃത്വം നല്‍കിയ മുഹമ്മദ് അലിം, വിഷ്ണു എന്നിവരെ തിരിച്ചറിയുകയും ഇവരെ അറസ്റ്റ് ചെയ്യാനും തുടങ്ങിയതോടെ സിപിഎം നഗരസഭാ കൗണ്‍സിലര്‍ ഫൈസല്‍ ബഷീര്‍, എസ്.ആര്‍. രമേശ് എന്നിവരുടെ നേതൃത്വത്തില്‍ പോലീസിനെ തടയുകയായിരുന്നു. എന്നാല്‍ പോലീസ് അറസ്റ്റ് ചെയ്യാന്‍ വീണ്ടും ശ്രമിച്ചതോടെ പോലീസിനെതിരെ സംഘര്‍ഷം ഉണ്ടാക്കുകയും എസ്‌ഐയായ കെ. എസ്. ദീപുവിന്റെ കഴുത്തില്‍ കുത്തിപ്പിടിച്ച് തള്ളുകയും ചെയ്യുന്ന രംഗങ്ങളാണ് പിന്നീട് അവിടെ അരങ്ങേറിയത്. 


സംഘര്‍ഷത്തില്‍ എസ്എഫ്‌ഐ-സിപിഎം പ്രവര്‍ത്തകര്‍ എസ്‌ഐയുടെ നെയിം ബോര്‍ഡ് വലിച്ചു കീറി കളഞ്ഞതായും ആരോപണമുണ്ട്. പരിക്കേറ്റ എബിവിപി പ്രവര്‍ത്തകനെ കാണാന്‍ എത്തിയ ബിജെപി മണ്ഡലം പ്രസിഡന്റ് അനീഷ് കിഴക്കേക്കരയെയും ഈ സംഘം മര്‍ദിച്ചു. എസ്എഫ്‌ഐക്കാര്‍ ആശുപത്രിയുടെ ഡ്രസിങ് റൂമില്‍ കയറി അകത്തു നിന്ന് കതക് പൂട്ടിയ സംഭവം വരെ ഉണ്ടായിട്ടും നേതാക്കള്‍ക്കെതിരെ കേസെടുക്കാന്‍ പോലീസ് തയ്യാറായില്ലെന്നാണ് ആരോപണം ഉയരുന്നത്.  

സംഘര്‍ഷത്തില്‍ പരിക്കേറ്റ എസ്‌ഐ ദീപു കൊട്ടാരക്കര താലൂക്ക് ആശുപത്രിയില്‍ ചികിത്സ തേടിയെങ്കിലും മുതിര്‍ന്ന പോലീസ് ഉദ്യോഗസ്ഥര്‍ ഇടപെട്ട് ഒത്തു തീര്‍പ്പിനുള്ള നീക്കമാണ് നടക്കുന്നതെന്ന വിവരവും പുറത്തുവരുന്നുണ്ട്. പോലീസിന്റെ കൃത്യനിര്‍വഹണം ഉള്‍പ്പടെ തടസ്സപ്പെടുത്തി ആശുപത്രിയില്‍ സംഘര്‍ഷം സൃഷ്ടിച്ച സിപിഎം കൗണ്‍സിലര്‍ ഉള്‍പ്പടെയുള്ള നേതാക്കള്‍ക്കെതിരെ കേസ് എടുക്കാന്‍ മടി കാണിക്കുന്ന പോലീസ് ഉദ്യോഗസ്ഥരുടെ നിലപാടിനെതിരെ പോലീസ് സ്റ്റേഷന്‍ മാര്‍ച്ച് ഉള്‍പ്പെടെ നടത്തുമെന്ന് ബിജെപി നേതാക്കള്‍ അറിയിച്ചു. 

    comment

    LATEST NEWS


    സുനില്‍ ഗവാസ്‌കറിന് എസ്‌ജെഎഫ്‌ഐ ഗോള്‍ഡ് മെഡല്‍ സമ്മാനിച്ചു; ജനമനസുകളില്‍ തന്നെ പ്രതിഷ്ഠിച്ചത് അച്ചടിമാധ്യമങ്ങളെന്ന് ഗവാസ്‌കര്‍


    ഒക്ടോബര്‍ മൂന്നു അവധി ദിവസമാക്കണം; പൂജവയ്പ്പ് ദിനത്തിലെ വിദ്യാലയങ്ങളുടെ പ്രവര്‍ത്തനം മാറ്റണം; മുഖ്യമന്ത്രിക്ക് നിവേദനം നല്‍കി ബാലഗോകുലം


    വീഡിയോ പകര്‍ത്തിയ ജീവനക്കാരന് മര്യാദയില്ല; സഹപ്രവര്‍ത്തകരെ അപകീര്‍ത്തിപ്പെടുത്തി; കെഎസ്ആര്‍ടിസി ക്രിമിനലുകള്‍ക്കായി വീണ്ടും ആനത്തലവട്ടം ആനന്ദന്‍


    ഗുജറാത്തിൽ നവരാത്രി ഉത്സവത്തിന് ഒരുങ്ങുന്ന സൂറത്തിലെ യുവതികൾ മുതുകിൽ വരയ്ക്കുന്ന ടാറ്റൂവില്‍ മോദിയും ചീറ്റയും...


    അമിത വില; കേരളത്തിന്റെ പരാതി പ്രധാനമന്ത്രി കേട്ടു; നെടുമ്പാശേരി വിമാനത്താവളത്തില്‍ ചായക്കും കാപ്പിക്കും വില നിശ്ചയിച്ചു; കൊള്ളയ്ക്ക് കൂച്ചുവിലങ്ങ്


    സുഗമ്യ ഭാരത് അഭിയാന്‍: എട്ടു വര്‍ഷത്തില്‍ 1090 എസ്‌കലേറ്ററുകള്‍, 981ലിഫ്റ്റുകള്‍; രാജ്യത്തെ 497 റെയില്‍വേ സ്‌റ്റേഷനുകള്‍ ദിവ്യാംഗസൗഹൃദമാക്കി റെയില്‍വേ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.