×
login
ശക്തികുളങ്ങര നോര്‍ത്തില്‍ വിഭാഗീയത ശക്തമാകുന്നു; ഒരു സിപി‌എം ബ്രാഞ്ച് സെക്രട്ടറി കൂടി തോറ്റു, പാര്‍ട്ടി മാനദണ്ഡങ്ങള്‍ ലംഘിക്കപ്പെടുന്നു

പാര്‍ട്ടി മാനദണ്ഡങ്ങള്‍ പലതും ഇവിടെ ലംഘിക്കുന്നതായി പ്രവര്‍ത്തകര്‍ ആരോപിക്കുന്നു. മൂന്നു ടേം കഴിഞ്ഞവര്‍ മാറണമെന്ന നിര്‍ദേശം തള്ളി 32 വര്‍ഷമായി തുടരുന്നവര്‍ പോലും ബ്രാഞ്ച് സെക്രട്ടറിയായി വീണ്ടും തെരഞ്ഞെടുക്കപ്പെട്ടു.

കൊല്ലം: സിപിഎം സമ്മേളനങ്ങളില്‍ വിഭാഗീയത ഒഴിവാക്കണമെന്ന മേല്‍ഘടകത്തിന്റെ കര്‍ശന നിര്‍ദേശം തള്ളി അഞ്ചാലുംമൂട് ഏരിയയില്‍ ശക്തികുളങ്ങര നോര്‍ത്ത് ലോക്കല്‍ കമ്മറ്റിയില്‍ വിഭാഗീയത ശക്തമാകുന്നു.  ഔദ്യോഗിക വിഭാഗത്തില്‍ നിന്ന് മത്സരിച്ച ഒരു ബ്രാഞ്ച് സെക്രട്ടറി കൂടി ഇവിടെ പരാജയപ്പെട്ടു. കാവനാട് ബ്രാഞ്ച് സെക്രട്ടറി സ്ഥാനത്തേക്ക് മത്സരിച്ച നിലവിലെ ബ്രാഞ്ച് സെക്രട്ടറി സലീം ആണ് പരാജയപ്പെട്ടത്. അഞ്ചിനെതിരെ ആറ് വോട്ടുകള്‍ക്ക് മനോജ് ആണ് ഇവിടെ വിജയിച്ചത്. ലോക്കല്‍ കമ്മറ്റി സെക്രട്ടറിയോട് അടുപ്പം പുലര്‍ത്തുന്ന ആളാണ് മനോജ്.  

പാര്‍ട്ടി മാനദണ്ഡങ്ങള്‍ പലതും ഇവിടെ ലംഘിക്കുന്നതായി പ്രവര്‍ത്തകര്‍ ആരോപിക്കുന്നു. മൂന്നു ടേം കഴിഞ്ഞവര്‍ മാറണമെന്ന നിര്‍ദേശം തള്ളി 32 വര്‍ഷമായി തുടരുന്നവര്‍ പോലും ബ്രാഞ്ച് സെക്രട്ടറിയായി വീണ്ടും തെരഞ്ഞെടുക്കപ്പെട്ടു.  ലോക്കല്‍ കമ്മറ്റി സെക്രട്ടറിക്ക് താത്പര്യമുള്ളവരെ സംരക്ഷിച്ചും മറ്റുള്ളവരെ വെട്ടിനിരത്തിയുമാണ് ഇവിടെ സമ്മേളനം പുരോഗമിക്കുന്നത്.  

സമ്മേളനങ്ങളില്‍ മത്സരങ്ങള്‍ പരമാവധി ഒഴിവാക്കണമെന്ന മേല്‍ഘടകത്തിന്റെ പാര്‍ട്ടി സമ്മേളന നിര്‍ദേശങ്ങള്‍ തള്ളി ലോക്കല്‍ കമ്മറ്റിയിലെ ഒരു വിഭാഗം തന്നെ ഇവിടെ നേതൃത്വം നല്കുന്നു. നേരത്തെ മരത്തടിയില്‍ ഔദ്യോഗിക വിഭാഗം ബ്രാഞ്ച് സെക്രട്ടറി ദയനീയമായി തോറ്റിരുന്നു.  

എസ്എഫ്ഐ മുന്‍ ജില്ലാ സെക്രട്ടറിയേറ്റ് മെമ്പര്‍, ഡിവൈഎഫ്ഐ അഞ്ചാലുംമൂട് മുന്‍ ഏരിയ സെക്രട്ടറിയുമായിരുന്ന ഹരിലാലാണ് പരാജയപ്പെട്ടത്. ഡിവൈഎഫ്ഐ മുന്‍ ജില്ലാ കമ്മറ്റിയംഗം ബീനയാണ് ഇവിടെ വിജയിച്ചത്. ബീനയ്ക്ക് 12 വോട്ട് ലഭിച്ചപ്പോള്‍, ഹരിലാലിന് അഞ്ചു വോട്ടാണ് ലഭിച്ചത്.  ശക്തികുളങ്ങര ബി ബ്രാഞ്ചില്‍ നിലവില്‍ സെക്രട്ടറിയായിരുന്ന ജയന്‍ തന്നെ വീണ്ടും സെക്രട്ടറിയായി തെരഞ്ഞെടുക്കപ്പെട്ടിരുന്നു. പാര്‍ട്ടി മാനദണ്ഡങ്ങള്‍ ലംഘിച്ച് 32-ാം വര്‍ഷമാണ് ജയന്‍ ബ്രാഞ്ച് സെക്രട്ടറിയായി തുടരുന്നത്.

 

    comment

    LATEST NEWS


    മ്യൂസിക് ഫെസ്റ്റിവലിന്‍റെ പേരില്‍ റിസോര്‍ട്ടില്‍ ലഹരിപാര്‍ട്ടി; ആളുകളെ ക്ഷണിച്ചത് വാട്‌സ്ആപ്പ് വഴി, എംഡിഎംഎ അടക്കമുള്ള മയക്കുമരുന്നുകള്‍ വിതരണം ചെയ്തു


    പ്രതിപക്ഷ ബഹളം: പാര്‍ലമെന്‍റില്‍ ശീതകാലസമ്മേളനത്തിന്‍റെ ആദ്യആഴ്ചയില്‍ തന്നെ 52.30 ശതമാനം സിറ്റിംഗ് പാഴാക്കി രാജ്യസഭ


    പെരിയയില്‍ തോറ്റതിന് തിരുവല്ലയില്‍ കണക്കു തീര്‍ക്കരുത്; പ്രതികള്‍ക്ക് സിപിഎമ്മുമായാണ് ബന്ധം, റിമാന്‍ഡ് റിപ്പോര്‍ട്ട് സിപിഎം തിരുത്തി എഴുതിച്ചു


    ഭീകരാക്രമണങ്ങള്‍ കുറഞ്ഞു; കശ്മീരിലേക്ക് സഞ്ചാരികള്‍ ഒഴുകുന്നു; നവംബറിലെത്തിയത് ഒന്നേകാല്‍ ലക്ഷം ടൂറിസ്റ്റുകള്‍


    എസ്എന്‍ഡിപി അമരത്ത് കാല്‍നൂറ്റാണ്ട് തികച്ച് വെള്ളാപ്പള്ളി; "ഈഴവ സമുദായത്തിന്റെ ഉയര്‍ത്തെഴുന്നേല്‍പ്പിന്‌ കാരണക്കാരന്‍"; ആശംസകളുമായി നേതാക്കള്‍


    ബിജെപി- ആര്‍എസ്എസ് പ്രവര്‍ത്തകര്‍ ആളുകളെ ഏകോപിപ്പിച്ച് ആസൂത്രണം ചെയ്ത് സന്ദീപിനെ കൊലപ്പെടുത്തി; ആവര്‍ത്തിച്ച് കോടിയേരി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.