കൊല്ലം: അഴിമതി വിരുദ്ധം, പ്രീണനവിരുദ്ധം സമഗ്ര വികസനം എന്നീ മുദ്രാവാക്യങ്ങളുമായി ബിജെപി സംസ്ഥാന അധ്യക്ഷന് കെ.സുരേന്ദ്രന് നയിക്കുന്ന വിജയ യാത്ര ജില്ലയില് അഞ്ചിന് പര്യടനം നടത്തും. യാത്രക്ക് മുന്നോടിയായി ഗൃഹസമ്പര്ക്കവും, സ്വച്ച് ഭാരത് അഭിയാന് ശുചീകരണ പ്രവര്ത്തനങ്ങളും വിവിധ മോര്ച്ചകളുടെ നേതൃത്വത്തില് മണ്ഡലം തലത്തില് സെമിനാറുകളും, സംഘടിപ്പിച്ചു.
നാളെ വൈകിട്ട് അഞ്ചിന് പഞ്ചായത്ത്തല വിളമ്പര ജാഥകളും ബൈക്ക് റാലികളും നടത്തും. ബിജെപി ജില്ലാ അധ്യക്ഷന് ബി.ബി. ഗോപകുമാറിന്റെ നേതൃത്വത്തില് അഞ്ചിന് രാവിലെ 9ന് യാത്രയെ പത്തനാപുരം ടൗണില് സ്വീകരിക്കും. ജില്ലയിലെ ആദ്യ പൊതുയോഗം അഞ്ചല് ജംഗ്ഷനില് 10.30നാണ്. കൊട്ടാരക്കര പ്രസ് ക്ലബ് മൈതാനിയില് കൊട്ടാരക്കര, പത്തനാപുരം നിയോജക മണ്ഡലങ്ങള് സംയുക്തമായി നല്കുന്ന സ്വീകരണ യോഗം 11.30ന് നടക്കും. കുണ്ടറ മുക്കടയില് 12.30നാണ് അടുത്ത സ്വീകരണ സമ്മേളനം. കുന്നത്തൂര് മണ്ഡലത്തില് വൈകിട്ട് 3.30ന് ഭരണിക്കാവിലാണ് സമ്മേളനം. കരുനാഗപ്പള്ളിയില് വൈകിട്ട് 4.30നും കൊല്ലം പീരങ്കി മൈതാനിയില് 5.30നും ചാത്തന്നൂര് ടൗണില് 6.30നുമാണ് സ്വീകരണം. ചാത്തന്നൂരില് സമാപനസമ്മേളനത്തില് പാര്ട്ടി നേതാവ് അണ്ണാമലൈ സംസാരിക്കും.
പ്രതികരിക്കാൻ ഇവിടെ എഴുതുക: