കോഴിക്കോട്: രാമനാട്ടുകരയില് മൂന്ന് മാസം പ്രായമുള്ള ആണ്കുഞ്ഞിനെ വഴിയില് ഉപേക്ഷിച്ച നിലയില് കണ്ടെത്തി. തോട്ടുങ്ങല് നീലിത്തോട് പാലത്തിന് സമീപത്തെ നടവഴിയില് ഇന്ന് രാവിലെ ആറ് മണിയോടെയാണ് കുഞ്ഞിനെ കണ്ടെത്തിയത്.
പുതപ്പില് പൊതിഞ്ഞ നിലയിലെ മൂന്ന് ഇതര സംസ്ഥാന തൊഴിലാളികളാണ് കുഞ്ഞിനെ ആദ്യം കാണുന്നത്. നാട്ടുകാര് വിവരം അ റിയിച്ചതിനെ തുടര്ന്ന് പോലീസെത്തി പ്രാഥമിക പരിശോധന നടത്തിയ ശേഷം കുട്ടിയെ മെഡിക്കല് കോളേജ് ആശുപത്രിയിലേക്ക് മാറ്റി.
കുഞ്ഞിനെ ആരാണ് ഉപേക്ഷിച്ചതെന്നറിയാന് പ്രദേശത്തെ സിസിടിവി ദൃശ്യങ്ങള് പരിശോധിക്കും. ആശുപത്രികള് കേന്ദ്രീകരിച്ച് അടുത്തിടെ നടന്ന ജനനങ്ങള് സംബന്ധിച്ചും അന്വേഷണം നടത്തും.
പ്രതികരിക്കാൻ ഇവിടെ എഴുതുക: