×
login
തെരുവ് നായ ശല്യം: ഒറ്റ ദിവസം 23 പേരെ കടിച്ച നായയെ നാട്ടുകാര്‍ തല്ലിക്കൊന്നു

കടിയേറ്റ പലര്‍ക്കും മുറിവ് മാരകമാണ്. ഇവരെ പേരാമ്പ്ര താലൂക്ക് ആശുപത്രിയിലെ പ്രാഥമിക ചികിത്സക്ക് ശേഷം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. നായക്ക് പേ ഇളകിയിട്ടുണ്ടോയെന്ന സംശയം ആശങ്കക്കിടയാക്കിയിട്ടുണ്ട്.

 കോഴിക്കോട്: പേരാമ്പ്രയിലും പരിസരങ്ങളിലും തെരുവ് നായ ശല്യത്തില്‍ പൊറുതി പൊറുതി മുട്ടി ജനം. ഒറ്റ ദിവസം 23 പേരെ കടിച്ച നായയെ നാട്ടുകാര്‍ തല്ലിക്കൊന്നു. കടിയേറ്റ പലര്‍ക്കും മുറിവ് മാരകമാണ്. ഇവരെ പേരാമ്പ്ര താലൂക്ക് ആശുപത്രിയിലെ പ്രാഥമിക ചികിത്സക്ക് ശേഷം കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. മറ്റുള്ളവര്‍ താലൂക്ക് ആശുപത്രിയില്‍ ചികിത്സ നല്‍കി.  

കഴിഞ്ഞ ദിവസം രാവിലെ ഏഴിന് പുളിയോട്ടുമുക്കിലാണ് നായയെ ആദ്യം കണ്ടത്. ഇവിടെ ഒരാളെ കടിച്ച നായ പേരാമ്പ്ര ബസ്സ്റ്റാന്റ്, മാര്‍ക്കറ്റ്, കല്ലോട് എന്നിവിടങ്ങളിലും വിളയാടി.  പിന്നീട് മുളിയങ്ങലിലും കൈതക്കലിലും ആളുകളെ കടിച്ച് പരിക്കേല്‍പ്പിച്ചു. തെരുവ് പട്ടികളേയും വളര്‍ത്ത് മൃഗങ്ങളെയും കടിച്ചിട്ടുണ്ട്. തുടര്‍ന്ന് സംസ്ഥാനപാതയിലൂടെ ഓടിയ നായയെ നാട്ടുകാര്‍ പിന്തുടര്‍ന്ന് കൈതക്കലില്‍ നിന്ന് പിടികൂടി തല്ലിക്കാന്നു. 


തിങ്കളാഴ്ച ഉണ്ണികുളം, പനങ്ങാട്, ബാലുശ്ശേരി ഭാഗങ്ങളിലും നായ നിരവധി പേരെ  കടിച്ചിരുന്നു. നായക്ക് പേ ഇളകിയിട്ടുണ്ടോയെന്ന സംശയം  ആശങ്കക്കിടയാക്കിയിട്ടുണ്ട്.  

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.