×
login
ഒരു കര്‍ണികാര ദുഃഖം

കവിത

ഗോപിനാഥ് കൊലിയത്ത്

ഞാനൊരു കര്‍ണികാര വൃക്ഷം ഈ വീട്ടിലെ  

മണ്ണില്‍ വേരൂന്നി നില്‍പു വര്‍ഷങ്ങളായ്  

സംവത്സരങ്ങളങ്ങേറെ കടന്നുപോയ്  

വിണ്ണിലെന്‍ ശിഖരങ്ങളാകുന്ന കൈകളാല്‍  

ശാശ്വതത്വത്തെ പുണരാന്‍ ഞാന്‍ വെമ്പുന്നു  

നശ്വരമീജന്മം എന്നറിവുണ്ടെങ്കിലും  

ആണ്ടിലൊരിക്കല്‍ സുവര്‍ണ പുഷ്പങ്ങളാല്‍  

പൂത്തുതളിര്‍ത്തു വിലസുന്നു നിര്‍ണയം  

             

മേടമാസത്തിലെ വിഷുവാണെന്‍ സാഫല്യം  

മീനത്തില്‍ത്തന്നെ ഞാന്‍ പൂവണിഞ്ഞീടുന്നു  

കാര്‍മുകില്‍ വര്‍ണന്റെ സ്‌മേരമുഖാംബുജം  

കേരളമെമ്പാടും രോചകമാക്കുവാന്‍  

 

വേനലില്‍ കുസുമലതാദികള്‍ വാടുമ്പോള്‍  

ഞാന്‍ മാത്രം കാഞ്ചന ശോഭതൂകി  

മേടമാസം പുലരുന്നതും നോക്കി ഞാന്‍  

ആടയാഭരണങ്ങള്‍ അണിഞ്ഞൊരെന്‍ കണ്ണനെ  

കാത്തുകാത്തങ്ങനെ നാള്‍ കഴിച്ചു  

തീര്‍ത്തും ആകാംക്ഷയിലാണ്ടു നിന്നു.  

 

ആകസ്മികമായൊരു സന്ധ്യാവേളയില്‍  


ആകാശസീമയില്‍ ഇടി മുഴങ്ങി!  

നിമിഷാര്‍ദ്ധനേരംകൊണ്ടാകാശമൊട്ടാകെ  

കാര്‍മേഘപാളിയാലാവൃതമായി  

ഘോരമാം കാര്‍മേഘ ദുന്ദുഭി നാദത്താല്‍  

ആ രാത്രി ദിഗന്തങ്ങള്‍ വിറച്ചുനിന്നു  

പിന്നീട് കണ്ടതോ യാമങ്ങള്‍ താണ്ടുന്ന  

മന്നിനെ മൂടുന്ന വര്‍ഷപാതം !  

 

വേനല്‍മഴയാണുപോല്‍ വേനല്‍മഴ !  

 

പിറ്റേന്നു കാലത്തു ബാലാര്‍ക്കകിരണങ്ങള്‍  

പൂര്‍വാന്തരീക്ഷത്തില്‍ തിളങ്ങിടുമ്പോള്‍  

എന്നെ ഞാനാകെ മുഴുകെ നിരീക്ഷിച്ചു  

എന്റെ മരഹൃത്ത് പോലും തകര്‍ന്നുപോയ്!  

കാഞ്ചനവര്‍ണം പൊഴിച്ച കുസുമങ്ങള്‍  

ഒന്നൊഴിയാതെ കൊഴിഞ്ഞുപോയി  

ഞാനെന്റെ കണ്ണനോടെന്തോതും ലോകരെ  

വിഷുദിനം നാലുനാള്‍ അകലെമാത്രം!!  

 

വ്യാകുല ചിത്തനായ് മേലോട്ടു നോക്കവേ  

മേഘശകലങ്ങള്‍ക്കിടയിലൂടെ  

കണ്ടുഞാന്‍ എന്നുടെ ഗോകുലബാലന്റെ  

പുഞ്ചിരി തൂകുന്ന മുഖകമലം!

    comment
    • Tags:

    LATEST NEWS


    നാന്‍ പെറ്റ മകനെയും ചതിച്ചു; അഭിമന്യുവിന്റെ രക്തസാക്ഷിത്വ ദിനത്തില്‍ എസ്ഡിപിഐ നേതാക്കള്‍ എകെജി സെന്ററില്‍; സ്വീകരിച്ച് സിപിഎം


    പ്രഖ്യാപിച്ച പെന്‍ഷന്‍ വര്‍ധന നടപ്പാക്കണം: മാധ്യമ പ്രവര്‍ത്തകരും ജീവനക്കാരും നാളെ സെക്രട്ടറിയറ്റ് മാര്‍ച്ച് നടത്തും


    വയനാട്ടിൽ റോഡ് നിര്‍മ്മിച്ചത് കേന്ദ്രസര്‍ക്കാര്‍; അത് ഉദ്ഘാടനം ചെയ്ത് കയ്യടി നേടി രാഹുൽ ഗാന്ധി; രാഹുലിനെ വിമര്‍ശിച്ച് കേന്ദ്രമന്ത്രി രാജീവ് ചന്ദ്രശേഖർ


    ഗുരുദാസ്പൂരില്‍ 16 കിലോ ഹെറോയിന്‍ പിടികൂടി; നാലു പേര്‍ അറസ്റ്റില്‍; എത്തിയത് ജമ്മു കശ്മീരില്‍ നിന്നെന്ന് പഞ്ചാബ് പോലീസ്


    ന്യൂനമര്‍ദം രൂപമെടുക്കുന്നു; നാളെ ആറു ജില്ലകളില്‍ ഓറഞ്ച് അലര്‍ട്ട്; മലയോര മേഖലകളില്‍ കൂടുതല്‍ മഴ ലഭിക്കും


    തെലുങ്കാനയിലെ ജനങ്ങള്‍ക്ക് ബിജെപിയിലുള്ള വിശ്വാസം കൂടി;ഇവിടുത്തെ രാജവാഴ്ച ജനങ്ങൾക്ക് മടുത്തുവെന്നും കെസിആറിനെ വിമർശിച്ച് മോദി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.