×
login
ഓര്‍മകള്‍ ഉണ്ടായിരിക്കണം

വിശ്വം മുഴുവനും വെട്ടിപ്പിടിച്ചിടാന്‍ അശ്വമഴിച്ചു വിടുന്നവരോര്‍ക്കുക നിശ്ചലമാക്കിയീ വിണ്ടലമെത്രയും ദൃശ്യമാകാത്തൊരീ കുഞ്ഞുവൈറസിനാല്‍

വിശ്വം മുഴുവനും വെട്ടിപ്പിടിച്ചിടാന്‍

അശ്വമഴിച്ചു വിടുന്നവരോര്‍ക്കുക

നിശ്ചലമാക്കിയീ വിണ്ടലമെത്രയും

ദൃശ്യമാകാത്തൊരീ കുഞ്ഞുവൈറസിനാല്‍

 

ഞാനെന്നഭാവേന ലോകം ഭരിക്കുന്ന

മാനവനെല്ലാം തകര്‍ന്നതിന്നോര്‍ക്കുക

ഒന്നിന്റെപേരിലുമിന്നുമനുഷ്യന്നു

മന്നിലഹങ്കരിക്കാനില്ല യോഗ്യത

 

ദൂരരാജ്യങ്ങളിലെത്രയോ കാലമായ്

ചോരനീരാക്കിപ്പണിയെടുത്തോര്‍ക്കുമേ

പോരേണ്ടിവന്നു ശിരസ്സുകുനിച്ചുകൊ-

ണ്ടാരോടു മോതിടാനാവാതെ യാത്രയും

 

ഒന്നിലുമൊന്നും പഠിച്ചിടാതുള്ളവ-

രിന്നെങ്കിലും പാഠഭാഗമാക്കീടണം

കണ്‍മുന്നിലെല്ലാം തകര്‍ന്നുപോകുന്നതു

കണ്ണാലെ കണ്ടെങ്കിലുമറിഞ്ഞീടണം

 

ഒന്നിനുമാര്‍ക്കും സമയമില്ലാതെനാ-

മിന്നേവരെയലഞ്ഞേറെ പാഞ്ഞീടവെ

എന്നാലൊരര്‍ഥനിമിഷ നേരത്തിനാല്‍

വന്നവില്ലന്‍ ലോകതാളം തകര്‍ത്തുപോയ്്്

 

മാരിവരുംപോലെയായിരുന്നുമഹാ-

മാരിതന്‍ രംഗപ്രവേശമീനാട്ടിലും

ദൂരെയിടിമുഴക്കം പിന്നെ മിന്നലും

കോരിത്തരിച്ച തണുത്തകാറ്റോടെയും

 

പേമാരിപെയ്തിടുന്നുണ്ടിന്നെവിടെയോ

നാമാശ്വസിച്ചതു 'ദൂരദേശങ്ങളില്‍'

ആമനോധാരണയെല്ലാം തകര്‍ത്തെറി-

ഞ്ഞാമഴയിങ്ങെത്തിയാര്‍ത്തലച്ചാര്‍പ്പുമായ്്്

 

പാഞ്ഞൂ പരക്കം കയറിനില്‍ക്കാനൊരു

ചാഞ്ഞതാണെങ്കിലും കൂരകള്‍ തേടിനാം

പഞ്ഞമാസംപോലെയായൊരീ നാള്‍കളില്‍

കഞ്ഞിയുപ്പിട്ടു കുടിക്കാനറിഞ്ഞു നാം

 

അല്ലെങ്കിലും പണ്ടറിവുള്ളവര്‍ ചൊല്ലി-

യില്ലേമഹാത്ഭുതം ജീവിതസാഗരം

എല്ലായ്പ്പൊഴും കാത്തുവക്കും നമുക്കതായ്

വല്ലകാലത്തുമാരും നിനക്കാത്തവ

 

ജീവിതത്തീലുടനീളമുണ്ടേവരില്‍

പോവുന്നതങ്ങിനേയോരോനിമേഷവും

കേവലമിന്നതു ചിന്തയില്ലാത്തവര്‍


താവകനേട്ടമഹങ്കരിച്ചീടുമേ

 

നമ്മള്‍തന്‍ ഭാവിയറിഞ്ഞുവിന്നെങ്കിലോ

അമ്മദൈവങ്ങളും പൊട്ടിച്ചിരിച്ചുപോം

നമ്മള്‍ക്കു നമ്മളേയുള്ളെന്നറിയുവാ-

നിമ്മഹാമാരിയാലെങ്കിലുമോര്‍ക്കുക...

 

 

മണ്ണിലിന്നായിരമല്ലലക്ഷങ്ങളെ

വിണ്ണിലേക്കാനയിക്കുന്നൊരീനാള്‍കളില്‍

കണ്ണുതുറക്കുവാന്‍വേണ്ടിവന്നൂയിതാ

കണ്ണിനാല്‍കാണാത്ത  

കൊച്ചുരോഗാണുവും

 

ഇപ്പോളിവിടെ മതമില്ല,ജാതിയി-

ല്ലല്‍പ്പരാഷ്ട്രീയം വിഷയമല്ലാതെയായ്്

എപ്പോഴുമാരാഗ്യമുണ്ടെങ്കില്‍ മാത്രമേ

കൂപ്പുവാനമ്പലം പള്ളിയുമുള്ളുപോല്‍

 

കര്‍ത്തവ്യമാത്മാര്‍ഥമായി ചെയ്തിട്ടുനാം

നേത്രമടച്ചീശ്വരന്നെ ജപിക്കുകില്‍

വ്യര്‍ഥമാവില്ലാ വിളിയതെന്നോര്‍ക്കുക

കൃത്യമായീശനതു സ്വീകരിച്ചീടും

 

കോടിശ്വരനെങ്കിലും നമുക്കിത്തിരി

കേടുകൂടാത്തതാം ഭക്ഷണം കിട്ടണം

പേടിയില്ലാതെ കിടക്കുവാനായ് നമു-

ക്കോടുമേഞ്ഞോലയോ കെട്ടിയ കൂരയും

 

എന്തൊക്കെ സാഹസം ജീവിതവേദിയില്‍

പന്തുരുളുംപോലുരുണ്ടു നീങ്ങീടിലും

സ്വന്തമായുള്ളോരു നമ്മള്‍തന്‍ വീട്ടിലാ-

യന്ത്യനാളെത്തീടണം സത്യദര്‍ശനം..

 

പാമരന്‍ പാണ്ഡിത്യഭേദമില്ലാതെയായ്

കോമനും കേമനും തുല്യരായ്  

തീര്‍ന്നുപോയ്

സീമയില്ലാതെ കുചേലന്‍ കുബേരനും

ഓമനപ്പൂമുഖമാവരണത്തിലായ്

 

ഒന്നുമില്ലെങ്കിലുമെന്നും ദിവാകരന്‍

മന്നിലുദിച്ചസ്തമിച്ചു പതിവുപോല്‍

ഇന്നീപ്രകാശം പരത്തട്ടെ ഭൂമിയി-

ലന്നുമീ നാളുകളോര്‍മയുണ്ടാകണം.

 

 

 

 

 

    comment
    • Tags:

    LATEST NEWS


    'ആസാദ് കശ്മീര്‍ എന്നെഴുതിയത് ഡബിള്‍ ഇന്‍വര്‍ട്ടഡ് കോമയില്‍', അര്‍ത്ഥം മനസ്സിലാക്കാനാകാത്തവരോട് സഹതാപം മാത്രം; വിവാദത്തില്‍ മറുപടിയുമായി ജലീല്‍


    കയറ്റം കയറുന്നതിനിടെ റെഡിമിക്സ് വാഹനത്തിന്റെ ടയർ പൊട്ടി; വണ്ടി പതിച്ചത് വീടിന് മുകളിലേക്ക്, വീട്ടമ്മ രക്ഷപ്പെട്ടത് തലനാരിഴയ്ക്ക്


    നെയ്യാറ്റിൻകരയിൽ ബിജെപി ഉയർത്തിയ ദേശീയ പതാക സിപിഎം പ്രവർത്തകൻ പിഴുതെറിഞ്ഞു; കോട്ടക്കൽ സ്വദേശിയെ അറസ്റ്റ് ചെയ്ത് പോലീസ്


    സല്‍മാന്‍ റുഷ്ദി വെന്‍റിലേറ്ററില്‍, കാഴ്ചശക്തി നഷ്ടപ്പെട്ടേക്കാം; ഇസ്ലാമിനെ വിമര്‍ശിക്കുന്നവര്‍ ആക്രമിക്കപ്പെട്ടേക്കാമെന്ന് തസ്ലിമ നസ്രിന്‍


    'ഹര്‍ ഘര്‍ തിരംഗ എല്ലാ പൗരന്മാരും ആഹ്വാനമായി ഏറ്റെടുക്കണം'; എളമക്കരയിലെ വസതിയില്‍ ദേശീയ പതാക ഉയര്‍ത്തി മോഹന്‍ലാല്‍


    ത്രിവര്‍ണ പതാകയില്‍ നിറഞ്ഞ് രാജ്യം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.