×
login
കവിത: ഒറ്റയമ്മ - രഞ്ജി പണിക്കര്‍

ഒറ്റയ്ക്കു നീ ചുമ- ന്നേറ്റിയ സ്വപ്നങ്ങള്‍ ഉറ്റവരോടും പകുക്കാത്ത സങ്കടം,

പര്‍വ്വതാരോഹകേ,

ഉത്തുംഗശൃംഗത്തി-

ലെത്തി, പതാക നീ

സ്ഥാപിച്ചു നില്‍ക്കുന്നു!

 

കുറ്റിരുട്ടില്‍ നീ

നടന്നു വലഞ്ഞതാം

ഒറ്റയാള്‍പ്പാത,

ദീപോജ്ജ്വലമാവുന്നു.

 

ഒറ്റയ്ക്കു നീ ചുമ-

ന്നേറ്റിയ സ്വപ്നങ്ങള്‍

ഉറ്റവരോടും

പകുക്കാത്ത സങ്കടം,

 

ഉപ്പു കയ്ക്കുന്ന

വഴിച്ചോറ്,

അഗ്‌നിയില്‍

നഗ്‌നപാദങ്ങള്‍

അളന്ന

പാതാളങ്ങള്‍...

 

ദുഃസ്വപ്നമാം, പെരു-

മ്പാമ്പു വിഴുങ്ങിയ

ദുസ്സഹമായ

പകലുകള്‍, രാവുകള്‍

 


ഒറ്റയ്ക്കു നീ, വിരി

വച്ച പെരുവഴി

ദുഃഖസങ്കീര്‍ണമാം

ഏകാന്ത യാത്രകള്‍....

 

ഒക്കെയും ഇങ്ങവ-

സാനിക്കയായ്, വേറെ

യെത്തിപ്പിടിക്കാന്‍

നിനക്കില്ല, സ്വപ്നങ്ങള്‍,

സ്വച്ഛന്ദവാഴ്വേ

നിനക്കിനിയൂഴിയില്‍......

 

പുത്രിയാം ജീവന-

ലക്ഷ്യത്തെ നെഞ്ചണ-

ച്ചെത്ര തളര്‍ന്നിവി-

ടെത്തി നില്‍ക്കുന്നു, നീ...!

 

പര്‍വ്വതാരോഹകേ

നീയീക്കൊടുമുടി

തീണ്ടി മേഘങ്ങളേ-

പ്പൊള്ളിച്ചു നില്‍ക്കവേ,

 

നിന്റെ നിണം വാര്‍ന്ന

പാദങ്ങളീ ഹിമ-

ശൃംഗത്തെ, രക്ത

മുഴുക്കാപ്പു ചാര്‍ത്തുന്നു!

 

 

    comment

    LATEST NEWS


    ദിലീപിന്റെ ജാമ്യത്തിനായി ഇടപെട്ടിട്ടില്ലെന്ന് നെയ്യാറ്റിന്‍കര ബിഷപ്പ് വിന്‍സന്റ് സാമുവല്‍; ഗൂഢാലോചന കേസില്‍ അന്വേഷണ സംഘം മൊഴിയെടുത്തു


    ആത്മനിര്‍ഭര്‍; ഇന്ത്യന്‍ സാങ്കേതിക വിദ്യ ഉപയോഗിച്ചുള്ള 5ജി പരീക്ഷണം സമ്പൂര്‍ണ വിജയം


    പൊതുമരാമത്ത് വകുപ്പിനെതിരെ വിമര്‍ശനം ആവര്‍ത്തിച്ച് ജി. സുധാകരന്‍; '18 കോടി മുടക്കി നിര്‍മിച്ച റോഡും വെട്ടിപ്പൊളിക്കുന്നു'


    ഇന്നും ശക്തമായ മഴയ്ക്ക് സാധ്യത; 10 ജില്ലകളില്‍ യെല്ലോ അലേര്‍ട്ട്, അറിയിപ്പ് ഉണ്ടാകുന്നത് വരെ മത്സ്യബന്ധനത്തിന് കടലില്‍ പോകുന്നതിന് വിലക്ക്


    'മതഭീകരര്‍ക്ക് നാടിനെ വിട്ടുനല്‍കില്ല'; ആലപ്പുഴയില്‍ ഇന്ന് ബജ്‌രംഗ്ദള്‍ ശൗര്യറാലി


    വിജയ് ബാബു ഏത് രാജ്യത്തേയ്ക്ക് കടന്നാലും നാട്ടിലെത്തിക്കാന്‍ തടസ്സമില്ല; റെഡ് കോര്‍ണര്‍ നോട്ടീസ് ഇറക്കും, വിസ റദ്ദാക്കാനുള്ള നടപടികളും തുടങ്ങി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.