×
login
മസാലക്കൂട്ട് അധികമില്ലാത്ത സ്‌പെഷ്യല്‍ ചിക്കന്‍ കറി അരാധകര്‍ക്കായി പങ്കുവെച്ച് മോഹന്‍ലാല്‍‍; രുചി സൂപ്പറാണെന്ന് ഭാര്യ സുചിത്ര

ചതച്ചെടുത്ത ചേരുവകകള്‍ കൊണ്ടാണ് മോഹന്‍ലാലിന്റെ ഈ പാചക പരീക്ഷണം.

ആരാധകര്‍ക്ക് മുമ്പില്‍ സ്‌പെഷ്യല്‍ ചിക്കന്‍ കറിയുടെ രുചിക്കൂട്ടിമായി മോഹന്‍ലാല്‍. കൊച്ചിയിലെ ഫ്‌ളാറ്റിലെ തന്റെ പുതിയ ചാചക പരീക്ഷണത്തിന്റെ വീഡിയോ പ്രിയ താരം തന്നെ സോഷ്യല്‍ മീഡിയയില്‍ പങ്കുവെച്ചിട്ടുണ്ട്.  

മസാലക്കൂട്ടുകള്‍ അധികം ചേര്‍ക്കാതെ ചതച്ചെടുത്ത ചേരുവകകള്‍ കൊണ്ടാണ് മോഹന്‍ലാലിന്റെ ഈ പാചക പരീക്ഷണം. ഉള്ളി, പച്ചമുളക്, ഇഞ്ചി, വെളുത്തുള്ളി, കറിവേപ്പില, കടുക്, പെരുംജീരകം, വറ്റല്‍ മുളക്, കുറച്ച് ഗരം മസാല, മഞ്ഞള്‍ ഉപ്പ്, ചുട്ടെടുത്ത തേങ്ങ (ചതച്ചത്) എന്നിവയാണ് ചേരുവകള്‍. ആരാധകര്‍ക്കായി ഇതിന്റെ വിശദ വിവരങ്ങളും താരം തന്നെ വീഡിയോയില്‍ വിശദീകരിക്കുന്നുണ്ട്്.  

ഫ്രൈയിങ് പാന്‍ ചൂടാക്കി എണ്ണയൊഴിച്ച് കടുകു പൊട്ടിച്ച് ചതച്ചെടുത്ത ചേരുവകള്‍ എല്ലാം ഉപ്പ് ചേര്‍ത്ത് ആദ്യം വഴറ്റിയെടുക്കണം. ഇതിലേക്ക് മഞ്ഞള്‍പ്പൊടി, പെരുംജീരകം, കുരുമുളകുപൊടി, ഗരംമാസല, ഉണക്കമുളക് ചതച്ചതും, ചതച്ചുവച്ച ചുട്ട തേങ്ങയും ചേര്‍ക്കുക. ഇതിലേക്ക് അരക്കിലോ ചിക്കന്‍ ചേര്‍ത്ത് നന്നായി യോജിപ്പിച്ചെക്കണം. ഒട്ടും വെള്ളം ചേര്‍ക്കരുതെ അടച്ചു വെച്ച് വേവിച്ച് എടുത്താല്‍ ഒന്നാന്തരം മസാല ഇല്ലാത്ത ലാലേട്ടന്‍ സ്പെഷ്യല്‍ ചിക്കന്‍ റെഡി.

ചിക്കന്‍ കറി തയ്യാര്‍ ചെയ്ത ശേഷം രുചി നോക്കാനായി ഭാര്യ സുചിത്രയ്ക്ക് നല്‍കി. രുചിച്ച് നോക്കി സുചിത്ര സൂപ്പറെന്ന് തലകുലുക്കി സമ്മതിക്കുകയും ചെയ്യുന്നുണ്ട്. മോഹന്‍ലാലിന്റെ സുഹൃത്ത് സമീര്‍ ഹംസയും രുചിച്ച് നോക്കി കറി നല്ലതാണെന്ന് സമ്മതിക്കുന്നുണ്ട്.  

Facebook Post: https://www.facebook.com/ActorMohanlal/posts/373851060774832

 

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.