×
login
ഈ മാസം കണ്ടിരിക്കേണ്ട അഞ്ച് സിനിമകളിൽ നായാട്ടും; ന്യൂയോര്‍ക്ക് ടൈംസില്‍ ഇടം നേടി മലയാള സിനിമ 'നായാട്ട്'

ദ അന്‍നോണ്‍ സൈന്റ, സ്വെറ്റ്, എയര്‍ കണ്ടീഷണര്‍, മരിയാ പാസ് , ഗോണ്‍സാല്‍വസ് എന്നിവയാണ് ഇതില്‍ ഇടം പിടിച്ച മറ്റ് സിനിമകള്‍.

ന്യൂയോർക്ക്: രാജ്യാന്തര പ്രസിദ്ധീകരണമായ ന്യൂയോര്‍ക്ക് ടൈംസില്‍ ഇടം നേടി മലയാള സിനിമ നായാട്ട്. ഈ മാസം കണ്ടിരിക്കേണ്ട അഞ്ച് സിനിമകള്‍ എന്ന പംക്തിയിലാണ് നായാട്ടിനെ ഉള്‍പ്പെടുത്തിയിരിക്കുന്നത്. 

ഒടിടി പ്ലാറ്റ്‌ഫോമുകളില്‍ റിലീസ് ചെയ്ത സിനിമകളിൽ നിന്നുമാണ് അഞ്ച് സിനിമകളെ ന്യൂയോര്‍ക്ക് ടൈംസ് തെരഞ്ഞെടുത്തത്. ദ അന്‍നോണ്‍ സൈന്റ, സ്വെറ്റ്, എയര്‍ കണ്ടീഷണര്‍, മരിയാ പാസ് , ഗോണ്‍സാല്‍വസ് എന്നിവയാണ് ഇതില്‍ ഇടം പിടിച്ച മറ്റ് സിനിമകള്‍.  നായാട്ട് കേരളത്തിലും ഏറെ പ്രേക്ഷക പ്രശംസയും നിരൂപക പ്രശംസയും നേടിയിരുന്നു. കുഞ്ചാക്കോ ബോബന്‍, നിമിഷ സജയന്‍ , ജേജു ജോര്‍ജ് എന്നിവരാണ് ഇതിലെ കേന്ദ്ര കഥാപാത്രങ്ങള്‍.

ഷാഹി കബീര്‍ രചന നിര്‍വ്വഹിച്ച സിനിമ മാര്‍ട്ടിന്‍ പ്രാക്കാട്ടാണ് സംവിധാനം നിര്‍വ്വഹിച്ചിരിക്കുന്നത്. ചിത്രത്തിന്റെ തമിഴ് , ഹിന്ദി, തെലുങ്ക് ഭാഷകളിലെ റിമേക്കുകളും ഒരുങ്ങുന്നുണ്ട്. ജോജു ജോര്‍ജിന് കരിയറില്‍ ബ്രേക്ക് ത്രൂ നല്‍കിയ ജോസഫ് എന്ന സിനിമയുടെ തിരക്കഥാകൃത്താണ് നായാട്ടിന്റെ രചനയും നിര്‍വ്വഹിച്ചിരിക്കുന്നത്. 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.