മലയാള സിനിമക്കും ഇന്ത്യന് സിനിമക്കും അഭിമാനമാകുന്ന ഒരു ചിത്രമായി മരക്കാര് മാറുമെന്ന് നിര്മാതാവ് ആന്റണി പെരുമ്പാവൂര്. തിയറ്ററില് സിനിമ എത്തിക്കാന് ഒട്ടേറെ ചര്ച്ചകള് നടന്നു. ഒടുവില് നിങ്ങള്ക്ക് വേണ്ടി ഞങ്ങള് ഒരുക്കിയ ആ സ്വപ്ന ചിത്രം നിങ്ങളുടെ മുന്നിലേക്ക് എത്തുകയാണെന്നും അദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം:
പ്രിയപ്പെട്ടവരെ, നിങ്ങള് ഓരോരുത്തരും കഴിഞ്ഞ രണ്ടു വര്ഷത്തിലധികമായി ഏറെ ആവേശത്തോടെ കാത്തിരുന്ന ചിത്രമാണ് മരക്കാര് അറബിക്കടലിന്റെ സിംഹം. ലാല് സാറിന്റെയും പ്രിയദര്ശന് സാറിന്റെയും ഒരു സ്വപ്നമായിരുന്നു ഈ ചിത്രം. എന്നാല് കഴിഞ്ഞ രണ്ടു വര്ഷമായി നമുക്ക് നേരിടേണ്ടി വന്ന കോവിഡ് എന്ന മഹാമാരി ആ സ്വപ്ന ചിത്രം വെള്ളിത്തിരയിലെത്തുന്ന ദിവസത്തെ ഒരുപാട് നീട്ടി കൊണ്ട് പോയി. അതിനു ശേഷവും ഈ ചിത്രം വെള്ളിത്തിരയില്, നിങ്ങളുടെ ഇടയില് എത്തിക്കാന് ഒട്ടേറെ ശ്രമങ്ങള് നടത്തി. ഒട്ടേറെ ചര്ച്ചകള് നടന്നു. ഒടുവില് നിങ്ങള്ക്ക് വേണ്ടി ഞങ്ങള് ഒരുക്കിയ ആ സ്വപ്ന ചിത്രം നിങ്ങളുടെ മുന്നിലേക്ക്, തീയേറ്ററുകളിലേക്കു തന്നെയെത്താന് പോവുകയാണ്.
നിങ്ങളുടെ ആവേശത്തിനും കൈയ്യടികള്ക്കും ആര്പ്പുവിളികള്ക്കും ഇടയിലേക്ക്, മരക്കാര് ഈ വരുന്ന ഡിസംബര് രണ്ടാം തീയതി കടന്നു വരും. നിങ്ങളുടെ പ്രതീക്ഷകളെ സാധൂകരിക്കുന്ന, മലയാള സിനിമക്കും ഇന്ത്യന് സിനിമക്കും അഭിമാനമാകുന്ന ഒരു ചിത്രമായി മരക്കാര് മാറും എന്ന വിശ്വാസവും പ്രതീക്ഷയും പുലര്ത്തി കൊണ്ടാണ് ഈ തീരുമാനം.
ഈ ചിത്രം പ്രേക്ഷകരുടെ മുന്നിലെത്തിക്കാനുള്ള ശ്രമത്തില് ഒപ്പം നിന്ന ബഹുമാനപ്പെട്ട സാംസ്കാരിക മന്ത്രി ശ്രീ സജി ചെറിയാന് സര്, മോഹന്ലാല് സര്, പ്രിയദര്ശന് സര്, സുരേഷ് കുമാര് സര്, ഒപ്പം ആശീര്വാദ് സിനിമാസുമായി എന്നും സഹകരിച്ചിട്ടുള്ള കേരളത്തിലെ തീയേറ്ററുകള്, നിര്മ്മാതാക്കള്, വിതരണക്കാര് എന്നിവര്ക്കെല്ലാം ഈ അവസരത്തില് നന്ദിയും കടപ്പാടും രേഖപ്പെടുത്തുന്നു.
കുഞ്ഞാലി വരും..
പ്രതികരിക്കാൻ ഇവിടെ എഴുതുക: