×
login
'തോല്‍ക്കാന്‍ എനിക്ക് മനസ്സില്ലായിരുന്നു'; സുരേഷ് ഗോപി‍ ചിത്രം പാപ്പന്റെ ഗ്രാന്‍ഡ് ട്രെയ്‌ലര്‍ പുറത്ത്, 29ന് ചിത്രം തിയേറ്ററുകളിലെത്തും

ചിത്രത്തില്‍ ഗോകുല്‍ സുരേഷ്, നീത പിള്ള, നൈല ഉഷ, വിജയരാഘവന്‍, ജനാര്‍ദനന്‍, ടിനി ടോം, നന്ദു, ചന്തുനാഥ്, ആശ ശരത് തുടങ്ങിയ പ്രമുഖ താര നിരയും വേഷമിടുന്നുണ്ട്. അച്ഛനും മകനും ആദ്യമായി ഒന്നിച്ചെത്തുന്ന ചിത്രം എന്ന പ്രത്യേകത കൂടി പാപ്പനുണ്ട്.

ആരാധകര്‍ കാത്തിരിക്കുന്ന സുരേഷ് ഗോപിയുടെ പുതിയ ചിത്രം പാപ്പന്റെ ഗ്രാന്‍ഡ് ട്രെയ്‌ലര്‍ പുറത്ത്. ആദ്യം പുറത്തിറങ്ങിയ ട്രെയ്‌ലറിന് വന്‍ സ്വീകാര്യതയാണ് ലഭിച്ചത്. അതിനു പിന്നാലെയാണ് ഗ്രാന്‍ഡ് ട്രെയ്‌ലര്‍ പുറത്തുവിട്ടിരിക്കുന്നത്. നീണ്ട ഇടവേളയ്ക്ക് ശേഷം സുരേഷ് ഗോപി- ജോഷി ടീം ഒന്നിക്കുന്ന സിനിമ കൂടിയാണ് പാപ്പന്‍. സുരേഷ്‌ഗോപിയുടെ കരിയറിലെ 252-ാമത്തെ ചിത്രംകൂടിയാണ് ഇത്.  

ചിത്രത്തില്‍ എബ്രഹാം മാത്യു മാത്തന്‍ എന്ന കഥാപാത്രത്തെയാണ സുരേഷ് ഗോപി അവതരിപ്പിക്കുന്നത്. ചിത്രത്തില്‍ ഗോകുല്‍ സുരേഷ്, നീത പിള്ള, നൈല ഉഷ, വിജയരാഘവന്‍, ജനാര്‍ദനന്‍, ടിനി ടോം, നന്ദു, ചന്തുനാഥ്, ആശ ശരത് തുടങ്ങിയ പ്രമുഖ താര നിരയും വേഷമിടുന്നുണ്ട്. അച്ഛനും മകനും ആദ്യമായി ഒന്നിച്ചെത്തുന്ന ചിത്രം എന്ന പ്രത്യേകത കൂടി പാപ്പനുണ്ട്.  


ഡേവിഡ് കാച്ചപ്പിള്ളി പ്രൊഡക്ഷന്‍സിന്റേയും ക്യൂബ്‌സ് ഇന്റര്‍നാഷണല്‍ ഗ്രൂപ്പിന്റേയും ബാനറില്‍ ഒരുങ്ങുന്ന ചിത്രം ഡേവിഡ് കാച്ചപ്പിള്ളിയും ഷരീഫ് മുഹമ്മദും ചേര്‍ന്ന് നിര്‍മിക്കുന്നു. ഈ മാസം 29-ന് ആഘോഷ് സിനിമാസും, ചാന്ദ് വി മൂവീസും ചേര്‍ന്ന് ചിത്രം തീയറ്ററുകളില്‍ എത്തിക്കും.

ആര്‍ജെ ഷാനാണ് ചിത്രത്തിന്റെ തിരക്കഥയെഴുതിയിരിക്കുന്നത്. ഛായാഗ്രഹണം അജയ് ഡേവിഡ് കാച്ചപ്പിള്ളി, എഡിറ്റര്‍ -ശ്യാം ശശിധരന്‍, സംഗീതം -ജേക്‌സ് ബിജോയ്, സൗണ്ട് ഡിസൈന്‍ -വിഷ്ണു ഗോവിന്ദ്, ശ്രീശങ്കര്‍, ആര്‍ട്ട് -നിമേഷ് എം. താനൂര്‍, മേക്കപ്പ് -റോണെക്‌സ് സേവ്യര്‍, കോസ്റ്റ്യൂം -പ്രവീണ്‍ വര്‍മ, പ്രൊഡക്ഷന്‍ കണ്‍ട്രോളര്‍ -എസ് മുരുകന്‍, ചീഫ് അസോസിയേറ്റ് ഡയറക്ടര്‍ -സിബി ജോസ് ചാലിശ്ശേരി, സ്റ്റില്‍സ് -നന്ദു ഗോപാലകൃഷ്ണന്‍, ഡിസൈന്‍സ് -ഓള്‍ഡ് മങ്ക്‌സ്.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.