കമല് ഹാസന്, ഫഹദ് ഫാസില്, വിജയ് സേതുപതി എന്നിവരെ പ്രധാന കഥാപാത്രങ്ങളാക്കി ലോകേഷ് കനകരാജ് സംവിധാനം ചെയ്ത് വിക്രം സിനിമ ഒടിടിയില് റെക്കോര്ഡ് തുകയ്ക്ക് വിറ്റു. 125 കോടിക്ക് വിറ്റതായാണ് ഔദ്യോഗിക റിപ്പോര്ട്ട്.
വിക്രം സിനിമയുടെ ഒടിടി അവകാശം സ്വന്തമാക്കിയിരിക്കുന്നത് ഡിസ്നി പ്ലസ് ഹോട്ട്സ്റ്റാര് ആണ്. പ്രഖ്യാപന സമയം മുതല് ചിത്രത്തിന് വലിയ ഹൈപ്പ് ആണ് ലഭിച്ചിരിക്കുന്നത്. പ്രീ റിലീസ് ഹൈപ്പിനെ തുടര്ന്ന് മികച്ച പ്രതിഫലമാണ് ഡിസ്നി നല്കിയിരിക്കുന്നതെന്നാണ് റിപ്പോര്ട്ട്. ചിത്രം ഒടിടി റൈറ്റ്സിലൂടെ തന്നെ 100 കോടി ക്ലബില് കയറിയതായാണ് റിപ്പോര്ട്ട്.
വിജയ് സിനിമ മാസറ്ററിന് ശേഷം ലോകേഷ് കനകരാജ് ഒരുക്കുന്ന ചിത്രമാണ് വിക്രം.ചിത്രത്തിന്റെ അഞ്ച് ഭാഷകളിലെയും ഒടിടി, സാറ്റ്ലൈറ്റ് അവകാശം ഡിസ്നി സ്വന്തമാക്കി. ജൂണ് മൂന്നിനാണ് ചിത്രത്തിന്റെ റിലീസ് പ്രഖ്യാപിച്ചിരിക്കുന്നത്. കമല്ഹാസന്റെ പ്രോഡക്ഷന് കമ്പനി രാജ് കമല് ഇന്റര്നാഷണ്ലാണ് ചിത്രം പ്രോഡൂസ് ചെയ്യുന്നത്. ഗിരീഷ് ഗംഗാധരനാണ് ഛായാഗ്രണം. അനിരുദ്ധാണ് സംഗീതം ഒരുക്കിയത്. സിനിമയുടെ ടീസര് റിലീസായതുമുതലെ ആരാധകര് ഏറെ പ്രതീക്ഷ വയ്ക്കുന്ന സിനിമയാണിത്.
പ്രതികരിക്കാൻ ഇവിടെ എഴുതുക: