×
login
പന്നിയങ്കര: സ്വകാര്യ ബസുകള്‍ക്ക് നാളെ മുതല്‍ ടോള്‍, മാസം 50 ട്രിപ്പുകള്‍ക്ക് 9400 രൂപ, ടോള്‍ നല്കിയുള്ള സര്‍വീസിന് ഇല്ലെന്ന് ബസുടമകൾ

പന്നിയങ്കരയില്‍ അമിത ടോള്‍ ഈടാക്കിയതിനെ തുടര്‍ന്ന് നിലവില്‍ സ്വകാര്യ ബസുകള്‍ ടോള്‍ നല്കാതെ ബാരിയര്‍ തട്ടി നീക്കിയാണ് സര്‍വീസ് നടത്തുന്നത്. ഇത് ചോദ്യം ചെയ്ത് കോടതിയെ സമീപിച്ച കരാര്‍ കമ്പനിയോട് വര്‍ധിപ്പിച്ച ടോള്‍ പിന്‍വലിക്കണമെന്ന് ഉത്തരവിട്ടു.

വടക്കഞ്ചേരി: സ്വകാര്യബസുകളില്‍ നിന്നും നാളെ മുതല്‍ മുതല്‍ ടോള്‍ പിരിക്കുമെന്ന് കരാര്‍ കമ്പനി. ടോള്‍ നല്കി സര്‍വീസ് നടത്തില്ലെന്ന് ബസ്സുടമകളും അറിയിച്ചു. ഇന്നു മുതല്‍ ടോള്‍ പിരിക്കാനാണ് ആദ്യം തീരുമാനിച്ചിരുന്നതെങ്കിലും ഇന്നലെ  വൈകിട്ട് പോലീസുമായി നടത്തിയ ചര്‍ച്ചയെ തുടര്‍ന്നാണ് നാളത്തേക്ക് മാറ്റാന്‍ തീരുമാനിച്ചത്.

പന്നിയങ്കരയില്‍ അമിത ടോള്‍ ഈടാക്കിയതിനെ തുടര്‍ന്ന് നിലവില്‍ സ്വകാര്യ ബസുകള്‍ ടോള്‍ നല്കാതെ ബാരിയര്‍ തട്ടി നീക്കിയാണ് സര്‍വീസ് നടത്തുന്നത്. ഇത് ചോദ്യം ചെയ്ത് കോടതിയെ സമീപിച്ച കരാര്‍ കമ്പനിയോട് വര്‍ധിപ്പിച്ച ടോള്‍ പിന്‍വലിക്കണമെന്ന് ഉത്തരവിട്ടു. ഇതിനെ തുടര്‍ന്ന് ടോള്‍ വര്‍ധിപ്പിച്ച ഏപ്രില്‍ ഒന്നിന് മുമ്പുള്ള നിരക്കാണ് ഇപ്പോള്‍ പിരിക്കുന്നത്. കുറച്ച നിരക്ക് പ്രകാരം സ്വകാര്യ ബസുകള്‍ക്ക് മാസം 50 ട്രിപ്പുകള്‍ക്ക് 9400 രൂപ നല്കണം. ഈ നിലയില്‍ സര്‍വീസ് നടത്താന്‍ കഴിയില്ലെന്നാണ് ബസ്സുടമകള്‍ പറയുന്നത്.

അതേസമയം, സ്വകാര്യ ബസ്സുടമകള്‍ ഹൈക്കോടതിയില്‍ നല്കിയ ഹര്‍ജി വരുന്ന തിങ്കളാഴ്ച പരിഗണിക്കും. കേസ് പരിഗണിക്കുമ്പോള്‍ കരാര്‍ കമ്പനിയുടെയും, ദേശീയപാത അതോറിറ്റിയുടെയും അഭിപ്രായം ആരായാന്‍ പ്രത്യേക ദൂതനെ അയച്ച് വിവരമറിയിക്കും. ഇതിനിടെ, ടോള്‍ പിരിവ് കുറയ്ക്കാന്‍ ഉത്തരവിട്ട കോടതി വിധിക്കെതിരെ കരാര്‍ കമ്പനി ഹൈക്കോടതിയില്‍ അപ്പീല്‍ നല്കി.

    comment

    LATEST NEWS


    വോട്ടര്‍ പട്ടികയുടെ ആധാര്‍ലിങ്കിങ് വേണ്ടെന്ന് കമ്യൂണിസ്റ്റ് പാര്‍ട്ടി; നടപടി കള്ളവോട്ട് തടയാന്‍; ആശങ്ക വേണ്ടെന്ന് സംസ്ഥാന മുഖ്യ തെരഞ്ഞെടുപ്പ് ഓഫീസര്‍


    അഴിമതികളെക്കുറിച്ചുള്ള അന്വേഷണം അട്ടിമറിക്കാനുള്ള ശ്രമം; പ്രതിപക്ഷ നേതാവിന്റെ നിലപാട് പിണറായി സര്‍ക്കാരിലെ മന്ത്രിയെപ്പോലെയെന്ന് കെ.സുരേന്ദ്രന്‍


    സല്‍മാന്‍ റുഷ്ദിക്ക് കുത്തേറ്റു; ആരോഗ്യനില ഗുരുതരം


    ശബരി ആശ്രമം സൃഷ്ടിച്ച വിപ്ലവം


    മൂന്ന് വര്‍ഷത്തിനിടെ കാട്ടാന ആക്രമണത്തില്‍ കൊല്ലപ്പെട്ട് 57 പേര്‍; ആനകളുടെ കണക്കില്‍ വ്യക്തതയില്ലാതെ വനം വകുപ്പ്; നാട്ടാനകളും സംസ്ഥാനത്ത് കുറയുന്നു


    1.5 ലക്ഷം ഓഫീസുകള്‍, 4.2 ലക്ഷം ജീവനക്കാര്‍; പത്തു ദിവസം കൊണ്ട് വിറ്റഴിച്ചത് ഒരു കോടി ദേശീയ പതാകകള്‍; മാതൃകയായി തപാല്‍ വകുപ്പ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.