×
login
കുടിവെള്ളവും റോഡുമില്ല, പനംത്തോട്ടം നിവാസികള്‍ ദുരിതത്തില്‍; അടിസ്ഥാന സൗകര്യമൊരുക്കാന്‍ തയ്യാറാകാതെ അധികൃതര്‍

കഴിഞ്ഞ പഞ്ചായത്ത് ഭരണസമിതിയുടെ കാലത്ത് റോഡിന്റെ ഒരു ഭാഗം പാര്‍ശ്വഭിത്തി നിര്‍മിച്ചതൊഴിച്ചാല്‍ മറ്റൊരു പ്രവര്‍ത്തിയും നടത്തിയിട്ടില്ല. ഈ വിഷയങ്ങള്‍ കാണിച്ച് പ്രദേശവാസികള്‍ കളക്ടര്‍ക്ക് പരാതി നല്‍കി

കടമ്പഴിപ്പുറം : കുടിവെള്ളമോ, ഗതാഗത യോഗ്യമായ റോഡോ ഇല്ലാതെ ഗ്രാമ പഞ്ചായത്ത് 15-ാം വാര്‍ഡ് തോട്ടശ്ശേരി പനംത്തോട്ടം നിവാസികള്‍. മഴ പെയ്തതോടെ വര്‍ഷങ്ങളായി സഞ്ചാരയോഗ്യമല്ലാത്ത റോഡിലൂടെയുള്ള യാത്ര ഏറെ ക്ലേശകരമായിരിക്കുകയാണ്. 15 ഓളം കുടുംബങ്ങള്‍ താമസിക്കുന്ന ഈ പ്രദേശത്ത് കുടിവെള്ളവും ലഭിക്കുന്നില്ല. 

അര കിലോമീറ്റര്‍ നടന്ന് പൊതു ടാപ്പില്‍ നിന്നാണ് വെള്ളം ശേഖരിക്കുന്നത്. മഴക്കാലമായതോടെ കാല്‍നട യാത്രപോലും അസാദ്ധ്യമായ വഴിയിലൂടെ കുടിവെള്ളമെടുക്കാന്‍ പോകാന്‍ പോലും കഴിയാത്ത അവസ്ഥയാണ്.  പ്രായമായവരും, ഡയാലിസിസ് രോഗി ഉള്‍പ്പടെ താമസിക്കുന്ന ഈ പ്രദേശത്തേക്ക്  വാഹന സൗകര്യം ഉള്‍പ്പടെയുള്ള അടിസ്ഥാന സൗകര്യമൊരുക്കാന്‍ തയ്യാറാകാത്ത പഞ്ചായത്ത് അധികതൃരുടെ അനാസ്ഥയില്‍ പ്രതിഷേധം ശക്തമായിരിക്കുകയാണ്.

കടമ്പഴിപ്പുറം പാളമല റോഡില്‍ നിന്ന്  അര കിലോമീറ്റര്‍ മാത്രം ദൂരമുള്ള വഴി സഞ്ചാര യോഗ്യമാക്കണമെന്നാവശ്യപ്പെട്ട് പഞ്ചായത്ത് അധികൃതര്‍ക്ക് പരാതി നല്‍കിയെങ്കിലും യാതൊരു നടപടിയും ഉണ്ടായില്ലെന്നും നാട്ടുകാര്‍ പറഞ്ഞു.

കഴിഞ്ഞ പഞ്ചായത്ത് ഭരണസമിതിയുടെ കാലത്ത് റോഡിന്റെ ഒരു ഭാഗം പാര്‍ശ്വഭിത്തി നിര്‍മിച്ചതൊഴിച്ചാല്‍ മറ്റൊരു പ്രവര്‍ത്തിയും  നടത്തിയിട്ടില്ല. ഈ വിഷയങ്ങള്‍ കാണിച്ച് പ്രദേശവാസികള്‍ കളക്ടര്‍ക്ക് പരാതി നല്‍കി. സംഭവസ്ഥലം വിശ്വഹിന്ദു പരിഷത്ത് ശ്രീകൃഷ്ണപുരം പ്രഖണ്ഡ് സെക്രട്ടറി രാമചന്ദ്രന്‍,  പ്രസിഡന്റ കെ.ടി. രഘുനാഥ്, കെ. ശിവദാസന്‍, രാജു, ഉണ്ണികൃഷ്ണന്‍, വാസുദേവന്‍ എന്നിവര്‍ സന്ദര്‍ശിച്ചു

 

    comment

    LATEST NEWS


    മി ടൂവില്‍ പ്രതിയായ ചരണ്‍ജിത് സിങ്ങ് ഛന്നിയെ രക്ഷിച്ചതില്‍ ഇപ്പോള്‍ കുറ്റബോധമെന്ന് അമരീന്ദര്‍ സിങ്ങ്; 'കാലില്‍ വീണ് കരഞ്ഞപ്പോള്‍ അലിവ് തോന്നി'


    കോണ്‍ഗ്രസ് കോട്ട പൊളിക്കാന്‍ ബിജെപി; മുന്‍ കോണ്‍ഗ്രസ് എംഎല്‍എ അദിതി സിങ്ങ് ബിജെപിയ്ക്ക് വേണ്ടി റായ്ബറേലിയില്‍


    ഹൈക്കോടതി സിപിഐഎമ്മിന്റെ അഭിപ്രായം കേട്ടില്ല; വിധി കാസര്‍കോട് സമ്മേളനത്തിനെതിരെ; തൃശൂരിന് ബാധകമല്ലന്ന് കോടിയേരി ബാലകൃഷ്ണന്‍


    പദ്ധതിയില്‍ നിറയെ വളവുകള്‍; സില്‍വര്‍ലൈന്‍ സെമി ഹൈസ്പീഡ് ട്രെയിന്‍ 200 കിലോമീറ്റര്‍ വേഗത്തില്‍ ഓടിക്കാന്‍ കഴിയില്ലെന്ന് റെയില്‍വേ


    സേവാദര്‍ശന്‍ കൂവൈറ്റിന്റെ കര്‍മ്മയോഗി പുരസ്‌ക്കാരം പി ശ്രീകുമാറിന് സമ്മാനിച്ചു; കേരളത്തിന്റെ സമൃദ്ധിയുടെ സ്രോതസ്സ് പ്രവാസികളെന്ന് ഗോവ ഗവര്‍ണര്‍


    ആഗോള രാഷ്ട്ര നേതാക്കളില്‍ ജനപ്രീതിയില്‍ ഇപ്പോഴും മുന്നില്‍ മോദി തന്നെ; ഏറ്റവും പിന്നില്‍ ബ്രിട്ടന്‍റെ ബോറിസ് ജോണ്‍സണ്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.