×
login
സിപിഎം നേതാക്കളുടെ മക്കള്‍ പോരില്‍ മറനീക്കി രഹസ്യങ്ങള്‍; കോടിയേരിയുടെ മകന്‍ ബിനീഷും ഇ.പി. ജയരാജന്റെ മകന്‍ ജയ്‌സണും നേര്‍ക്കുനേര്‍

ബെംഗളൂരുവിലെ ലഹരിക്കടത്തുകേസില്‍ സിപിഎം സംസ്ഥാനസെക്രട്ടറി കോടിയേരി ബാലകൃഷ്ണന്റെ മകന്‍ ബിനീഷിനെ എന്‍ഫോഴ്‌സ്‌മെന്റ് ചോദ്യം ചെയ്യാനിടയാക്കിയത് മന്ത്രി ഇ.പി. ജയരാജന്റെ മകന്‍ ജയ്‌സണ്‍ ഒറ്റിക്കൊടുത്തതിനാലാണെന്നാണ് എതിര്‍കക്ഷികളുടെ സംശയം. ജയ്‌സണ്‍ ലൈഫ് മിഷന്റെ മറവില്‍ ഒരു കോടി കോഴ വാങ്ങിയെന്ന് ആരോപണം ഉയര്‍ന്നതിനും സ്വപ്‌നക്കൊപ്പമുള്ളത് ജയ്‌സണ്‍ എന്നു പറഞ്ഞ് ഒരു ചിത്രം സാമൂഹ്യ മാധ്യമങ്ങളില്‍ പ്രചരിക്കുന്നതിനും ബിനീഷാണ് കാരണമെന്ന് ഇ.പി പക്ഷവും കരുതുന്നു.

കൊച്ചി: സിപിഎം നേതാക്കളുടെ മക്കള്‍ പോര് കടുത്തതോടെ രഹസ്യങ്ങളും  കോഴ ഇടപാടുകളും മറനീക്കി പുറത്തേക്ക്. മുഖ്യമന്ത്രിയുടെ ഓഫീസുമായി ബന്ധപ്പെട്ട സ്വര്‍ണക്കടത്തിലും ലൈഫ് മിഷന്‍ പദ്ധതിയിലെ കോടികളുടെ അഴിമതിയിലും  സിപിഎം നേതാക്കളുടെ മക്കള്‍ക്കുള്ള പങ്കാണ് വെളിയില്‍ വരുന്നത്. കോഴ  വീതം വയ്ക്കുന്നതിലെ  തര്‍ക്കവും ബന്ധം മോശമായതുമാണ് ഒറ്റിന് കാരണം. ഇതിലൂടെ പുറത്തുവരുന്നത് കമ്മ്യൂണിസ്റ്റ് നേതാക്കളുടെ  രാജ്യദ്രോഹ പ്രവര്‍ത്തനങ്ങളാണ്.

ബെംഗളൂരുവിലെ ലഹരിക്കടത്തുകേസില്‍ സിപിഎം സംസ്ഥാനസെക്രട്ടറി കോടിയേരി ബാലകൃഷ്ണന്റെ മകന്‍ ബിനീഷിനെ എന്‍ഫോഴ്‌സ്‌മെന്റ് ചോദ്യം ചെയ്യാനിടയാക്കിയത്   മന്ത്രി ഇ.പി. ജയരാജന്റെ മകന്‍ ജയ്‌സണ്‍ ഒറ്റിക്കൊടുത്തതിനാലാണെന്നാണ്  എതിര്‍കക്ഷികളുടെ സംശയം. ജയ്‌സണ്‍  ലൈഫ് മിഷന്റെ മറവില്‍    ഒരു കോടി കോഴ വാങ്ങിയെന്ന് ആരോപണം ഉയര്‍ന്നതിനും സ്വപ്‌നക്കൊപ്പമുള്ളത് ജയ്‌സണ്‍ എന്നു പറഞ്ഞ് ഒരു ചിത്രം  സാമൂഹ്യ മാധ്യമങ്ങളില്‍ പ്രചരിക്കുന്നതിനും ബിനീഷാണ് കാരണമെന്ന് ഇ.പി  പക്ഷവും കരുതുന്നു.  

ജയ്‌സണിന്റെ ആത്മമിത്രമായിരുന്ന രജീഷ് എന്നയാള്‍ ബിനീഷ് കോടിയേരിയോടൊപ്പം ചേര്‍ന്നത് ആറു മാസം മുമ്പാണ്. ഇതോടെ  ബിനീഷും  ജയ്‌സണും  അകന്നു. ഇവര്‍ പരസ്പരം അറിവോടെ ചെയ്തിരുന്ന കാര്യങ്ങള്‍ പിടിച്ചെടുക്കാന്‍ മത്സരവുമായി.


ബിനീഷിനെ  എന്‍ഫോഴ്‌സ്‌മെന്റ് ചോദ്യം ചെയ്യുമ്പോള്‍ രജീഷ് കൊച്ചിയില്‍ സഹായിയായി ഉണ്ടായിരുന്നു.   കോടിയേരിയുടെ കൂടി  അറിവോടെ നടത്തിയ നീക്കങ്ങളിലാണ് രണ്ടാം ദിവസം ജയരാജന്റെയും മകന്‍ ജയ്‌സണിന്റേയും ഇടപാടുകള്‍ പുറത്തുവന്നതെന്ന് അവര്‍ കരുതുന്നു.  ജയ്‌സണും രജീഷും ഒന്നിച്ചായിരുന്നു ഇടപാടുകള്‍. കേരളത്തിലുള്ളപ്പോള്‍ ജയ്‌സണ്‍ ഉപയോഗിച്ചിരുന്നത് രജീഷിന്റെ ഔഡി ക്യൂ 7 കാര്‍ ആയിരുന്നു. ഇതിന് റോഡിലിറങ്ങുമ്പോള്‍ ഒന്നേകാല്‍ കോടിയോളമാണ് വില.ജയരാജന്‍ മന്ത്രിയായിരിക്കെ കുളപ്പുള്ളിയിലെ  രജീഷിന്റെ ഭാര്യവീട്  സന്ദര്‍ശിക്കുമായിരുന്നു. ജ്യോതിഷ കാര്യങ്ങള്‍ക്ക്  ലക്ഷ്യമിട്ടായിരുന്നു ഇത്. ആറു മാസം മുമ്പ് ജയ്‌സണ്‍ ഇവിടെ ഒരു മാസത്തോളം തങ്ങിയിട്ടുമുണ്ട്.

ജയരാജന്‍ ഇടപെടുന്ന കേസുകളില്‍ ഒത്തുതീര്‍പ്പു വിഹിതം വാങ്ങുന്നത് ജയ്‌സണും രജീഷുമായിരുന്നുവെന്നാണ്  ആരോപണം. എന്നാല്‍ 27 കോടി രൂപ വിഹിതം കിട്ടിയ ഒരു ഇടപാടില്‍ 13 കോടി ജയ്‌സണ് കിട്ടേണ്ടത് രജീഷ് കൊടുത്തില്ല. ഈ വിശ്വാസ വഞ്ചനയെ തുടര്‍ന്നാണ് ഇരുവരും പിണങ്ങിയത്. ഇതോടെ രജീഷ്  ബിനീഷിനൊപ്പം ചേര്‍ന്നു.

രജീഷുമായി പിരിഞ്ഞ ജയ്‌സണ്‍ പിന്നെ കൂട്ടു ചേര്‍ന്നത് ആലുവ സ്വദേശി അനീഷുമായാണ്. അനീഷ് കുമാര്‍. ജെ എന്ന ഇയാളുടെ ചുവന്ന ബെന്‍സ് കാറാണ് ജയ്‌സണ്‍ ഇപ്പോള്‍ ഉപയോഗിക്കുന്നത്. ബിനീഷിന്റെ സുഹൃത്തായിരുന്ന അനീഷിനെ ജയ്‌സണ്‍ വശത്താക്കുകയായിരുന്നു. ഇങ്ങനെ പരസ്പരം അവിശ്വാസം വര്‍ധിച്ചു വരുമ്പോഴാണ് സ്വര്‍ണക്കടത്ത് കേസ് വീണുകിട്ടിയത്. അത് ജയ്‌സണ്‍ വിനിയോഗിക്കുകയായിരുന്നു.

    comment

    LATEST NEWS


    ബാര്‍ബര്‍ ഷോപ്പുകള്‍ സമയപരിധിക്കപ്പുറം തുറന്നിടരുത്; യുവാക്കള്‍ കടകളില്‍ തങ്ങുന്നത് എന്തിനാണെന്നത് സംശയം ജനിപ്പിക്കുന്നുവെന്ന് പോലീസ്


    വിടവാങ്ങലില്‍ പ്രതികരിച്ച് ടെന്നീസ് ലോകം; സെറീന എക്കാലത്തെയും 'ബോക്‌സ്ഓഫീസ് ഹിറ്റ്'


    മായാത്ത മാഞ്ചസ്റ്റര്‍ മോഹം; കോടികളെറിയാന്‍ വീണ്ടും മൈക്കിള്‍ നൈറ്റണ്‍


    10 തവണ സിബിഐ സമന്‍സയച്ചിട്ടും വന്നില്ല; മമതയുടെ മസില്‍മാന്‍ അനുബ്രത മൊണ്ടാലിനെ വീട്ടില്‍ ചെന്ന് പൊരിയ്ക്കാന്‍ സിബിഐ


    വാങ്ങലും തെരഞ്ഞെടുക്കലുമെല്ലാം ഇനി മലയാളത്തില്‍; എട്ട് ഭാഷകളില്‍ കൂടി സേവനം ലഭ്യമാക്കി മീഷോ ആപ്പ്


    രാജ്യത്തിനായി മെഡല്‍ നേടിയാല്‍ കോടികള്‍; ഗസറ്റഡ് ഓഫീസര്‍ റാങ്കില്‍ ജോലി ; കായിക നയം പ്രഖ്യാപിച്ച് യോഗി; പറഞ്ഞു പറ്റിച്ച കേരളത്തിന് യുപിയെ പഠിക്കാം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.