×
login
മോക്ഷപ്രാപ്തിയുടെ സ്വര്‍ഗവാതില്‍

ഇന്ന് സ്വര്‍ഗവാതില്‍ ഏകാദശി

കൈയില്‍ അവല്‍പ്പൊതിയുമായി ദ്വാരകയിലെത്തിയ സതീര്‍ത്ഥ്യനായ കുചേലനെ,  ഭഗവാന്‍ ശ്രീകൃഷ്ണന്‍ ധനാഢ്യനാക്കിയ നാളാണ് സ്വര്‍ഗവാതില്‍ ഏകാദശി അഥവാ വൈകുണ്ഠ ഏകാദശി. വിഷ്ണുഭഗവാന്റെ അനുഗ്രഹത്താല്‍ മോക്ഷപ്രാപ്തി കൈവരിക്കാന്‍ സ്വര്‍ഗവാതില്‍ ഏകാദശീ വ്രതമാണ് ഏറ്റവും ശ്രേഷ്ഠമായതെന്നാണ് വിശ്വാസം. കൃത്യതയോടെ  അനുഷ്ഠിച്ചാല്‍ പിതൃക്കളിലേക്കും നീളുന്നു ആ ഫലസിദ്ധി.  

ധനു മാസത്തിലെ വെളുത്തപക്ഷ ഏകാദശിയിലാണ് സ്വര്‍ഗ്ഗവാതില്‍ ഏകാദശി ആചരിക്കുന്നത്. സ്വര്‍ഗവാതില്‍ ഏകാദശിക്ക് ഗീതാജയന്തി ദിനമെന്ന പ്രത്യേകത കൂടിയുണ്ട്. അര്‍ജ്ജുനന് കൃഷണ്ന്‍ ഗീത ഉപദേശിച്ചത് ഈ നാളിലത്രേ.     ഏകാദശിക്ക് ഒരുനാള്‍ മുമ്പേ തന്നെ ഒരിക്കലൂണെടുത്ത് വ്രതാനുഷ്ഠാനം തുടങ്ങുന്നു. പിറ്റേന്ന് അതായത് ഏകാദശി നാളില്‍ പൂര്‍ണമായും ഉപവസിക്കണം. പകലുറക്കവും എണ്ണതേച്ചു കുളിയും നിഷിദ്ധമാണ്. മറ്റു ചിന്തകള്‍ക്ക് ഇടം നല്‍കാതെ ഭഗവാനെ ധ്യാനിച്ച് വിഷ്ണു സഹസ്രനാമം, വിഷ്ണുസൂക്തം, പുരുഷസൂക്തം, ഭാഗ്യസൂക്തം എന്നിവ ജപിക്കുക.  


വിഷ്ണുക്ഷേത്ര ദര്‍ശനവും അനിവാര്യമാണെന്ന് പറയപ്പെടുന്നു. ക്ഷേത്രദര്‍ശനത്തിനുമുണ്ട് പ്രത്യേകത. മുന്‍വാതിലിലൂടെ ക്ഷേത്രത്തില്‍ പ്രവേശിച്ച് ദര്‍ശനം പൂര്‍ത്തിയാക്കി മറ്റൊരു വാതിലിലൂടെ വേണം പുറത്തു കടക്കാന്‍. ഇത് സ്വര്‍ഗവാതില്‍ കടക്കുന്നതിന് തുല്യമാണെന്നാണ് വിശ്വാസം. ദ്വാദശി നാളിലാണ് പാരണ വീടല്‍ (വ്രതമവസാനിപ്പിക്കുന്ന ചടങ്ങ്). തുളസി ഇലയും മലരും ഇട്ട വെള്ളം കുടിച്ച് വ്രതമവസാനിപ്പിക്കാം.  

തിരുവനന്തപുരം ശ്രീപത്മനാഭസ്വാമി ക്ഷേത്രത്തിലെ പ്രധാന ആഘോഷങ്ങളിലൊന്നാണ് സ്വര്‍ഗവാതില്‍ ഏകാദശി. മാര്‍ഗഴികളഭാഭിഷേകം, സിംഹാസന വാഹനത്തില്‍ പത്മനാഭ സ്വാമിയുടെയും നരസിംഹമൂര്‍ത്തിയുടെയും തിരുവാംപാടി ശ്രീകൃഷ്ണ സ്വാമിയുടെയും വിഗ്രഹമെഴുന്നള്ളിപ്പ് എന്നിവയാണ് ചടങ്ങുകളില്‍ പ്രധാനം.  

    comment

    LATEST NEWS


    മണ്ണാർക്കാട് ഇരട്ടക്കൊല: 25പ്രതികള്‍ക്കും ജീവപര്യന്തം തടവുശിക്ഷ, 50,000 രൂപ വീതം പിഴയും അടയ്ക്കണം


    ജനകീയ പ്രതിക്ഷേധങ്ങള്‍ക്ക് വിജയം; കെ റെയില്‍ കല്ലിടല്‍ നിര്‍ത്തി; സര്‍വേ ജിപിഎസ് സൗകര്യം ഉപയോഗിച്ച് നടത്തുമെന്ന് സര്‍ക്കാര്‍


    സമയബന്ധിതമായ തെരഞ്ഞെടുപ്പ് പരിഷ്‌ക്കരണങ്ങളും ജനാധിപത്യ മാതൃക ചര്‍ച്ചകളും നടത്തും; 2024ലെ പൊതു തെരഞ്ഞെടുപ്പ് ഒരുക്കങ്ങള്‍ ആരംഭിച്ചു: രാജീവ് കുമാര്‍


    ശക്തമായ മഴ; നിലവില്‍ ഡാമുകള്‍ തുറക്കേണ്ട സാഹചര്യമില്ല; ജനങ്ങള്‍ക്ക് ജാഗ്രത നിര്‍ദേശം; മലയോര മേഖലകളില്‍ ദുരിതാശ്വാസ ക്യാമ്പ് ആരംഭിച്ചു


    സനാതനധര്‍മ്മം ഭാരത സംസ്‌കാരത്തിന്റെ കാതല്‍; ഋഷിവര്യന്മാര്‍ നേടിയെടുത്ത സാംസ്‌കാരിക സവിശേഷതയാണ് ലോകജനതയെ ഇന്ത്യയിലേക്ക് ആകര്‍ഷിക്കുന്നതെന്ന് ഗവര്‍ണര്‍


    അപ്രതീക്ഷിത മഴ കാര്‍ഷിക മേഖലയ്ക്ക് തിരിച്ചടിയായി; കശുവണ്ടി വിലയിടിഞ്ഞു, കാലവര്‍ഷം നേരത്തെ എത്തിയാല്‍ റബ്ബര്‍ കര്‍ഷകര്‍ പ്രതിസന്ധിയിലാവും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.