കോഴിക്കോട്: കേന്ദ്ര സാംസ്കാരിക വകുപ്പ് വിവിധ സാംസ്കാരിക സ്ഥാപനങ്ങള് വഴി നല്കുന്ന ടാഗോര് നാഷണല് റിസര്ച്ച് സ്കോളര്ഷിപ്പിന് ജന്മഭൂമി കോഴിക്കോട് ബ്യൂറോ ചീഫ് യു.പി. സന്തോഷിനെ തിരഞ്ഞെടുത്തു. തെയ്യത്തെ കുറിച്ചുള്ള പഠനത്തിന് രണ്ട് വര്ഷത്തേക്കാണ് സ്കോളര്ഷിപ്പ്. ‘തെയ്യ പുരാവൃത്തങ്ങളിലെ പാരിസ്ഥിതിക വിവേകം- ആദിപ്രരൂപങ്ങളെ മുന്നിര്ത്തി ഒരു പഠനം’ എന്ന വിഷയത്തില് തഞ്ചാവൂരിലെ സൗത്ത് സോണ് കള്ച്ചറല് സെന്ററില് ഗവേഷണം നടത്താനാണ് സ്കോളര്ഷിപ്പ്.
തെയ്യത്തെ കുറിച്ചുള്ള ഗവേഷണത്തിന് സിസിആര്ടിയുടെ ജൂനിയര്, സീനിയര് ഫെല്ലോഷിപ്പുകള് നേരത്തെ സന്തോഷിന് ലഭിച്ചിട്ടുണ്ട്. ‘തെയ്യം, പ്രകൃതി, സ്ത്രീത്വം’ എന്ന ഗ്രന്ഥത്തിന് മികച്ച ഫോക്ലോര് ഗ്രന്ഥത്തിനുള്ള കേരള ഫോക്ലോര് അക്കാദമിയുടെ പുരസ്കാരം 2011ല് ലഭിച്ചിരുന്നു. കേരള പ്രസ് അക്കാദമിയുടെ വി. കരുണാകരന് നമ്പ്യാര് അവാര്ഡ്, കാലിക്കറ്റ് പ്രസ് ക്ളബ്ബിന്റെ കെ.സി. മാധവക്കുറുപ്പ് അവാര്ഡ്, പണ്ഡിറ്റ് പ്രതാപ് നാരയണ് മിശ്ര അവാര്ഡ് തുടങ്ങിയ മാധ്യമ പുരസ്കാരങ്ങളും സന്തോഷിന് ലഭിച്ചിട്ടുണ്ട്. കണ്ണൂര് മുണ്ടയാട് സ്വദേശിയായ സന്തോഷ് തപസ്യ കലാസാഹിത്യ വേദിയുടെ സംസ്ഥാന ഉപാധ്യക്ഷനാണ്. യാമിനിയാണ് ഭാര്യ. മക്കള്: അഭിരാമി, വാണി.
പ്രതികരിക്കാൻ ഇവിടെ എഴുതുക: