×
login
ഇടിക്കൂട്ടില്‍ ഇന്ത്യയ്ക്ക് സ്വര്‍ണത്തിളക്കം; ലോക ബോക്‌സിങ് ചാമ്പ്യന്‍ഷിപ്പില്‍ ചരിത്രമെഴുതി നിഖത് സരീന് സ്വര്‍ണം

ചാമ്പ്യന്‍ഷിപ്പില്‍ ഇത്തവണ ഇന്ത്യയുടെ മെഡല്‍ നേട്ടം മൂന്നായി. 57 കിലോയില്‍ മനീഷ മൗനും 63 കിലോയില്‍ പര്‍വീന്‍ ഹൂഡയും വെങ്കലം നേടിയിരുന്നു. ആകെ ഇന്ത്യയുടെ സ്വര്‍ണ നേട്ടം പത്തായി. എട്ട് വെള്ളിയും 21 വെങ്കലവും ഇന്ത്യന്‍ പേരിലുണ്ട്

ഇസ്താന്‍ബൂള്‍: ഇടിക്കൂട്ടില്‍ ഇന്ത്യക്ക് വീണ്ടും സ്വര്‍ണത്തിളക്കം. വനിതകളുടെ ലോക ബോക്‌സിങ് ചാമ്പ്യന്‍ഷിപ്പില്‍ 52 കിലോ വിഭാഗത്തില്‍ നിഖത് സരീന്‍ സ്വര്‍ണം നേടി. ഫൈനലില്‍ തായ്‌ലന്‍ഡിന്റെ ജുതാമസ് ജിത്‌പോങ്ങിനെ അനായാസം ഇടിച്ചിട്ടു. 5-0നാണ് സരീനിന്റെ ജയം. ലോക ബോക്‌സിങ് ചാമ്പ്യന്‍ഷിപ്പില്‍ സ്വര്‍ണം നേടുന്ന അഞ്ചാമത്തെ ഇന്ത്യന്‍ ബോക്‌സറാണ് സരീന്‍. നേരത്തെ എം.സി. മേരി കോം (ആറ് തവണ), സരിത ദേവി, ജെനി .ആര്‍.എല്‍, ലേഖ കെ.സി. എന്നിവര്‍ സ്വര്‍ണം നേടിയിരുന്നു.  

ചാമ്പ്യന്‍ഷിപ്പില്‍ ഇത്തവണ ഇന്ത്യയുടെ മെഡല്‍ നേട്ടം മൂന്നായി. 57 കിലോയില്‍ മനീഷ മൗനും 63 കിലോയില്‍ പര്‍വീന്‍ ഹൂഡയും വെങ്കലം നേടിയിരുന്നു. ആകെ ഇന്ത്യയുടെ സ്വര്‍ണ നേട്ടം പത്തായി. എട്ട് വെള്ളിയും 21 വെങ്കലവും ഇന്ത്യന്‍ പേരിലുണ്ട്. ടൂര്‍ണമെന്റിലുടനീളം 5-0നാണ്  സരീന്റെ വിജയമെന്നത് ആധിപത്യം വര്‍ധിപ്പിക്കുന്നു. മെക്‌സിക്കോയുടെ ഫാത്തിമ ഹെരേരയെ ആദ്യ റൗണ്ടിലും മങ്കോളിയയുടെ ലുസൈക്കാന്‍ ആല്‍ത്തന്‍സെഗിനെ പ്രീക്വാര്‍ട്ടറിലും തോല്‍പ്പിച്ചു. ക്വാര്‍ട്ടറില്‍ ഇംഗ്ലണ്ടിന്റെ ചാര്‍ളി ഡേവിസനെ തോല്‍പ്പിച്ച സരീന്‍ സെമിയില്‍ ഇടിച്ചിട്ടത് ബ്രസീലിന്റെ കരോലിന അല്‍മേഡയെ.

    comment

    LATEST NEWS


    'വെറുക്കപ്പെട്ട' ഡോണ്‍ വീണ്ടും വരുമ്പോള്‍


    പൊട്ടിത്തെറിച്ചത് നുണബോംബ്


    നാന്‍ പെറ്റ മകനെയും ചതിച്ചു; അഭിമന്യുവിന്റെ രക്തസാക്ഷിത്വ ദിനത്തില്‍ എസ്ഡിപിഐ നേതാക്കള്‍ എകെജി സെന്ററില്‍; സ്വീകരിച്ച് സിപിഎം


    പ്രഖ്യാപിച്ച പെന്‍ഷന്‍ വര്‍ധന നടപ്പാക്കണം: മാധ്യമ പ്രവര്‍ത്തകരും ജീവനക്കാരും നാളെ സെക്രട്ടറിയറ്റ് മാര്‍ച്ച് നടത്തും


    വയനാട്ടിൽ റോഡ് നിര്‍മ്മിച്ചത് കേന്ദ്രസര്‍ക്കാര്‍; അത് ഉദ്ഘാടനം ചെയ്ത് കയ്യടി നേടി രാഹുൽ ഗാന്ധി; രാഹുലിനെ വിമര്‍ശിച്ച് കേന്ദ്രമന്ത്രി രാജീവ് ചന്ദ്രശേഖർ


    ഗുരുദാസ്പൂരില്‍ 16 കിലോ ഹെറോയിന്‍ പിടികൂടി; നാലു പേര്‍ അറസ്റ്റില്‍; എത്തിയത് ജമ്മു കശ്മീരില്‍ നിന്നെന്ന് പഞ്ചാബ് പോലീസ്

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.