×
login
യുഎസ്‍ ഓപ്പണ്‍ ഫൈനലില്‍ ദ്യോക്കോവിച്ചിന് കാലിടറി; ഡാനില്‍ മെദ്‌വെദേവിന് ആദ്യ ഗ്രാന്‍ഡ് സ്ലാം

ആര്‍തര്‍ ആഷെ സ്‌റ്റേഡിയത്തില്‍ നടന്ന കലാശക്കളിയില്‍ 6-4, 6-4, 6-4 എന്ന സ്‌കോറിനാണ് മെദ്‌വെദേവ് സെര്‍ബിയന്‍ താരമായ ദ്യോക്കോവിച്ചിനെ പരാജയപ്പെടുത്തിയത്.

ന്യൂയോര്‍ക്ക്: ചരിത്ര നേട്ടത്തിലേക്കുളള വഴിയില്‍ ലോക ഒന്നാം നമ്പര്‍ നൊവാക് ദ്യോക്കോവിച്ച് കാലിടറി വീണു. യുഎസ് ഓപ്പണിന്റെ കലാശപ്പോരില്‍ ലോക രണ്ടാം നമ്പര്‍ ഡാനില്‍ മെദ്‌വെദേവിന് മുന്നില്‍ തകര്‍ന്നടിഞ്ഞ ദ്യോക്കോവിച്ചിന് കലണ്ടര്‍ ഗ്രാന്‍ഡ് സ്ലാം  നേട്ടവും 21 ഗ്രാന്‍ഡ് സ്ലാമെന്ന റെക്കോഡും നഷ്ടമായി.  നേരിട്ടുള്ള സെറ്റുകള്‍ക്കാണ് മെദ്‌വെദേവ് ദ്യോക്കോവിച്ചിനെ മറികടന്ന് കിരീടം നേടിയത്. ഈ റഷ്യന്‍ താരത്തിന്റെ കന്നി ഗ്രാന്‍ഡ് സ്ലാം കിരീടമാണിത്.  

ആര്‍തര്‍ ആഷെ സ്‌റ്റേഡിയത്തില്‍ നടന്ന കലാശക്കളിയില്‍  6-4, 6-4, 6-4 എന്ന സ്‌കോറിനാണ്  മെദ്‌വെദേവ് സെര്‍ബിയന്‍ താരമായ ദ്യോക്കോവിച്ചിനെ പരാജയപ്പെടുത്തിയത്.  ഇതോടെ കലണ്ടര്‍ ഗ്രാന്‍ഡ് സ്ലാമെന്ന ദ്യോക്കോവിച്ചിന്റെ സ്വപ്‌നം പൊലിഞ്ഞു. ഈ വര്‍ഷത്തെ ഓസ്‌ട്രേലിയന്‍ ഓപ്പണ്‍, ഫ്രഞ്ച് ഓപ്പണന്‍, വിംബിള്‍ഡണ്‍ കിരീടങ്ങള്‍ പോക്കറ്റിലാക്കിയ ദ്യോക്കോവിച്ചിന് യുഎസ് ഓപ്പണ്‍ കൂടി നേടിയിരുന്നെങ്കില്‍ കലണ്ടന്‍ ഗ്രാന്‍ഡ് സ്ലാം നേടാമായിരുന്നു. ഏറ്റവും കൂടുതല്‍ ഗ്രാന്‍ഡ് സ്ലാം കിരീടം നേടുന്ന പുരുഷ താരമാകാമെന്ന പ്രതീക്ഷയും തകര്‍ന്നു. ദ്യോക്കോ നിലവില്‍ റോജര്‍ ഫെഡറര്‍, റാഫേല്‍ നദാല്‍ എന്നിവര്‍ക്കൊപ്പം ഇരുപത് ഗ്രാന്‍ഡ് സ്ലാം കിരീടം നേടിയിട്ടുണ്ട്.  

മറാട് സഫിനുശേഷം ഒരു ഗ്രാന്‍ഡ് സ്ലാം കിരീടം നേടുന്ന റഷ്യന്‍ താരമാണ് ഡാനില്‍ മെദ്‌വെദേവ്. 2005 ല്‍ മാറാട് സഫിന്‍  ഓസ്‌ട്രേലിയന്‍ ഓപ്പണ്‍ കിരീടം നേടിയിാുന്നു.  രണ്ടാഴ്ചക്കിടെയുണ്ടായ കടുത്ത മാനസിക സമ്മര്‍ദം ഫൈനലിലെ പ്രകടനത്തെ ബാധിച്ചു. താങ്ങാവുന്നതില്‍ അപ്പുറമായിരുന്നു പല കാര്യങ്ങളും. എല്ലാം അവസാനിച്ചതില്‍ ആശ്വാസമുണ്ട്. തോല്‍വിയില്‍ നിരാശയുണ്ടെന്നും ദ്യോക്കോവിച്ച് മത്സരശേഷം പറഞ്ഞു. 1969 ല്‍ ഓസ്‌ട്രേലിയയുടെ റോഡ് ലവറിനുശേഷം കലണ്ടര്‍ ഗ്രാന്‍ഡ് സ്ലാം സ്വന്തമാക്കാനുള്ള അവസരമാണ്് ദ്യോക്കോവിച്ചിന് നഷ്ടമായത്. ഒരു വര്‍ഷത്തെ നാല് ഗ്രാന്‍ഡ് സ്ലാം നേടുന്ന താരത്തിനാണ് കലണ്ടര്‍ ഗ്രാന്‍ഡ് സ്ലാം ലഭിക്കുക.

 

 

    comment

    LATEST NEWS


    വാട്ടര്‍ ടാങ്കിന് മുകളില്‍ കയറി മധ്യവയസ്‌കന്റെ ആത്മഹത്യാ ഭീഷണി


    വീരസവര്‍ക്കര്‍ നാടകം കേരളത്തില്‍ പ്രക്ഷേപണം ചെയ്യാതെ ആകാശവാണി, ആള്‍ ഇന്ത്യ റേഡിയോയുടെ നിർദേശം അനുസരിക്കാതെ കോഴിക്കോട് നിലയം


    സീതത്തോട് സഹകരണ ബാങ്ക് അഴിമതി; പരാതികള്‍ സഹകരണ വകുപ്പ് മുക്കി, അന്വേഷണം നടന്നത് ഒരു പരാതിയില്‍ മാത്രമെന്ന് വിവരാവകാശ രേഖ


    ടൊവിനോയുടെ സൂപ്പര്‍ ഹീറോ 'മിന്നല്‍ മുരളി' ക്രിസ്മസ് റിലീസ്; ഡിസംബര്‍ 24 മുതല്‍ നെറ്റ്ഫ്‌ളിക്‌സില്‍


    നാര്‍ക്കോട്ടിക് ജിഹാദ്: ബിഷപ്പ് ഒരു സമുദായത്തേയും മോശമായി പറഞ്ഞിട്ടില്ല; മുഖ്യമന്ത്രിയുടെ പരാമര്‍ശം കാര്യങ്ങള്‍ ശരിയായി മനസ്സിലാക്കാതെ


    നാര്‍ക്കോട്ടിക് ജിഹാദ്: ബിഷപ്പ് വിവാദ പ്രസ്താവന പിന്‍വലിക്കണമെന്ന് , പാലാ ബിഷപ്പിനെ രൂക്ഷമായി എതിര്‍ത്ത് മുസ്ലിം സംഘടനകള്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.