.jpg)
ഏറ്റവും വിശ്വാസ യോഗ്യമായ ഘടകം എന്നത് സ്മാര്‍ട്ട് കരാറുകള്‍ ബ്ലോക്ക്‌ചെയിന്‍ സാങ്കേതിക വിദ്യയിലാണ് എന്നുള്ളതാണ്
ഡിജിറ്റല്‍ യുഗമായ ഇരുപത്തിയൊന്നാം നൂറ്റാണ്ടിലെ ഏറ്റവും നൂതനമായ ഒരു സാങ്കേതിക വിദ്യയാണ് സ്മാര്‍ട്ട് കോണ്‍ട്രാക്ട് . വ്യാപകമായ രീതിയില്‍ അടുത്തകാലത്തായി അവ ഉപയോഗിച്ചു വരുന്നുണ്ട്. എന്താണ് സ്മാര്‍ട്ട് കോണ്‍ട്രാക്ട് ? അതിന്റെ പ്രായോഗിക തലങ്ങള്‍ എന്തൊക്കെയാണ് ?
1997 ല്‍ നിക്ക് സാബോ എന്ന അമേരിക്കന്‍ ഗവേഷകനാണ് 'സ്മാര്‍ട്ട് കോണ്‍ട്രാക്ട്' എന്ന പദം ആദ്യമായി ഉപയോഗിക്കുന്നത്. അടുത്ത കാലത്തായി പ്രശസ്തിയേറി വന്ന ക്രിപ്‌റ്റോ കറന്‍സിയായ ബിറ്റ്‌കോയിന്‍ രൂപപ്പെടുത്തുന്നതിനും വളരെക്കാലം മുമ്പുതന്നെയായിരുന്നു ഇത്. ലളിതമായ രീതിയില്‍ വിവരിക്കുകയാണെങ്കില്‍ രണ്ടു വ്യക്തികള്‍ തമ്മിലുള്ള കരാറുകള്‍ ഡിജിറ്റല്‍ രീതിയില്‍ സംഭരിക്കുന്നതിന് വേണ്ടി ബ്ലോക്ക് ചെയിന്‍ സമാനമായ ഒരു വികേന്ദ്രീകൃത ലെഡ്ജര്‍ ഉപയോഗിക്കുന്നു. ഇന്നിപ്പോള്‍, പരമ്പരാഗത കരാറുകള്‍ക്ക് സമാനമായിതന്നെ സ്മാര്‍ട്ട് കരാറുകള്‍ പ്രവര്‍ത്തിക്കുന്നു. അവയെ പൂര്‍ണ്ണമായും ഡിജിറ്റലായാണ് സൂക്ഷിക്കുന്നത് എന്നതാണ് ഏക വ്യത്യാസം. അതെ, ഒരു ബ്ലോക്ക്‌ചെയിനില്‍ സൂക്ഷിച്ചിരിക്കുന്ന ഒരു ചെറിയ സോഫ്റ്റ്‌വെയറായിട്ട് നമുക്ക് സ്മാര്‍ട്ട് കോണ്‍ട്രാക്ടിനെ വിലയിരുത്താം.
എന്താണ് സ്മാര്‍ട്ട് കരാറുകളെ വിശ്വസനീയമാക്കുന്നത് ? അതിന്റെ ഏറ്റവും വിശ്വാസ യോഗ്യമായ ഘടകം എന്നത് സ്മാര്‍ട്ട് കരാറുകള്‍ ബ്ലോക്ക്‌ചെയിന്‍ സാങ്കേതിക വിദ്യയിലാണ് എന്നുള്ളതാണ്. ഈ ഒരൊറ്റ കാരണം കൊണ്ട് അവയ്ക്ക് ചില സവിശേഷ ഗുണങ്ങള്‍ ലഭിക്കുന്നു. ബ്ലോക്ക് ചെയിന്‍ പോലെത്തന്നെ വിതരണം ചെയ്യപ്പെട്ട അവസ്ഥയിലായതിനാല്‍ കുറച്ചു പേര്‍ മാത്രം വിചാരിച്ചാല്‍ അതില്‍ കൃത്രിമം കാട്ടാനാകില്ല. ഇക്കാരണത്താല്‍ മാത്രം ഒരിക്കല്‍ ഒരു സ്മാര്‍ട് കോണ്‍ട്രാക്ട് സൃഷ്ടിച്ചതിന് ശേഷം അവയില്‍ മാറ്റം വരുത്താനാകില്ല. വികേന്ദ്രീകൃതമായ രീതിയില്‍ സൂക്ഷിച്ചിരിക്കുന്നതിനാല്‍ അതെ നെറ്റ്‌വര്‍ക്കിലെ ഭൂരിഭാഗം മറ്റ് ഉപയോക്താക്കളുടെ സമ്മതത്തോടെ മാത്രമേ ഏതെങ്കിലും രീതിയിലുള്ള കൂട്ടിച്ചേര്‍ക്കലുകള്‍ സ്മാര്‍ട്ട് കരാറില്‍ നടത്താനാകൂ.
ഇതുമായി ബന്ധപ്പെട്ട പണ വിനിമയ ഇടപാട് നടത്തുന്നതിലും മേല്‍പറഞ്ഞ രീതിയില്‍ മാത്രമേ സാധ്യമാകൂ. ആ സ്മാര്‍ട്ട് കരാര്‍ ഉപയോഗിക്കുന്ന ഭൂരിഭാഗം ആളുകളുടെ സമ്മതത്തോടെയല്ലാതെ അതെ കരാറില്‍ ഉള്‍പ്പെട്ട പണ സംബന്ധമായ വ്യവസ്ഥകള്‍ സാധൂകരിക്കാനാകില്ല.
ക്രൗഡ് ഫണ്ടിങ് പോലെയുള്ള ആവശ്യങ്ങള്‍ക്ക് സ്മാര്‍ട്ട് കരാറുകള്‍ ഉപയോഗിക്കാനാകും. കൂടാതെ ബാങിങ്ങ് മേഖലയില്‍ കാര്യമായ രീതിയിലുള്ള മാറ്റം ഈ സാങ്കേതിക വിദ്യ ഉപയോഗപ്പെടുത്തി കൊണ്ടുവരാനാകും. വായ്പ നല്‍കുന്നതിനും, ഓട്ടോമാറ്റിക് പേയ്‌മെന്റുകള്‍ നടത്തുവാനും മറ്റും ഇത് ഉപയോഗിക്കാം. ഇന്‍ഷുറന്‍സ് സ്ഥാപനങ്ങള്‍ക്ക് നിര്‍ദ്ദിഷ്ട ക്ലെയിമുകള്‍ കൈകാര്യം ചെയ്യാനും പണം നല്‍കാനും സ്മാര്‍ട്ട് കരാറുകള്‍ ഉപയോഗപ്പെടുത്താം. കൂടാതെ ലോജിസ്റ്റിക്‌സ്, കൊറിയര്‍ ബിസിനസുകള്‍ക്കും ഈ സാങ്കേതിക വിദ്യ നടപ്പിലാക്കാം.
സ്മാര്‍ട്ട് കോണ്‍ട്രാക്റ്റുകള്‍ ഫലപ്രദമായി എങ്ങനെ പ്രായോഗിക തലത്തില്‍ കൊണ്ടുവരാനാകുമെന്നു നിങ്ങള്‍ ഇപ്പോള്‍ ചിന്തിച്ചേക്കാം. ഇന്നിപ്പോള്‍ വളരെ കുറച്ചു ബ്ലോക്ക്‌ചെയിനുകള്‍ മാത്രമേ സ്മാര്‍ട്ട് കരാറുകള്‍ പ്രാപ്തമാക്കുന്നുള്ളൂ, അതില്‍ ഏറ്റവും ജനപ്രിയമായത് എഥീരിയം ആണ്. പ്രാഥമികമായി സ്മാര്‍ട്ട് കരാറുകളെ പിന്തുണയ്ക്കുന്നതിനാണ് എഥീരിയം രൂപകല്‍പ്പന ചെയ്തത്. സോളിഡിറ്റി പ്രോഗ്രാമിംഗ് ഭാഷ ഉപയോഗിച്ച് സ്മാര്‍ട്ട് കരാറുകള്‍ പ്രോഗ്രാം ചെയ്യാന്‍ കഴിയും. ജാവ സ്‌ക്രിപ്റ്റുകളുടേതിന് സമാനമായ ഒരു വാക്യഘടനയുള്ള ഈ ഭാഷ എഥീരിയമിന് മാത്രമായി നിര്‍മ്മിച്ചതാണ്. ബിറ്റ്‌കോയിനും സ്മാര്‍ട്ട് കരാറുകളെ പിന്തുണയ്ക്കുന്നുവെന്നതും എടുത്തുപറയേണ്ടതാണ്, എന്നാല്‍ എഥീരിയമിനെ അപേക്ഷിച്ച് വളരെ കുറവാന്നെന്ന് മാത്രം.
ജഗത് ജയപ്രകാശ്
മുഖ്യമന്ത്രിയെ അപകീര്‍ത്തിപ്പെടുത്തിയാല്‍ നടപടിയുണ്ടാകും; ജനപ്രതിനിധിയുടെ പരാതിയില്‍ നടപടിയില്ല, കേസെടുക്കാത്തതിന് പിന്നില്‍ രാഷ്ട്രീയ സമ്മര്‍ദ്ദം
സിനിമയിൽ അവസരം വാഗ്ദാനം ചെയ്ത് പീഡനം: രണ്ട് മലപ്പുറം സ്വദേശികൾ കസ്റ്റഡിയിൽ, പെൺകുട്ടിയെ ഫ്ലാറ്റിലെത്തിച്ചത് സീരിയൽ നടിയുടെ സഹായത്തോടെ
വേനല്‍ച്ചൂട് കനത്തു; പാല്‍ ഉത്പാദനത്തില്‍ കുറവ്, പാലക്കാട് പ്രതിദിനം കുറഞ്ഞത് 22,000 ലിറ്ററിന്റെ ഉത്പാദനം, ക്ഷീരകര്‍ഷകരും പ്രതിസന്ധിയില്‍
രാഹുല്‍ ഗാന്ധിക്ക് രണ്ടു വര്‍ഷം തടവുശിക്ഷ; കോടതി വിധി എല്ലാ കള്ളന്മാര്‍ക്കും മോദി എന്ന കുടുംബപ്പേരെന്ന പരാമര്‍ശത്തിലെ മാനനഷ്ടക്കേസില്‍
അരിക്കൊമ്പനെ പിടിക്കാനുള്ള ദൗത്യം: ഗോത്രവര്‍ഗക്കുടികളില്‍ പഞ്ചായത്തംഗങ്ങളും എസ്‌സി പ്രൊമോട്ടര്‍മാരും നേരിട്ടെത്തി നിര്‍ദ്ദേശം നല്‍കും
നടന്‍ ഇന്നസെന്റ് അതീവ ഗുരുതരാവസ്ഥയില്‍; വെന്റിലേറ്ററില്‍ തുടരുന്നു
ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.
വാര്‍ത്താ വിനിമയ രംഗത്ത് പുതിയ നാഴികക്കല്ല്; ഇന്ത്യയുടെ ജി സാറ്റ് 24 ഭ്രമണപഥത്തില്‍; പുതിയ നേട്ടവുമായി ഐഎസ്ആര്‍ഒ; വിജയകരമായി വിക്ഷേപണം
ആത്മനിര്‍ഭര്‍; ഇന്ത്യന്‍ സാങ്കേതിക വിദ്യ ഉപയോഗിച്ചുള്ള 5ജി പരീക്ഷണം സമ്പൂര്‍ണ വിജയം
രാജ്യത്തിന് അഭിമാന നിമിഷം; ആദ്യ സ്വകാര്യ റോക്കറ്റ് വിക്ഷേപണം വിജയം; വികെഎസ് പറന്നുയര്‍ന്നതും പരീക്ഷണവും കൃത്യതയോടെ (വീഡിയോ)
ഇന്ത്യയിലെ ആദ്യത്തെ ഗ്രാഫീന്‍ ഇന്നവേഷന്‍ സെന്റര്‍ കേരളത്തില്‍ വരുമ്പോള്‍; എന്താണീ ഗ്രാഫീന്‍?
എഎഫ്എല്‍എസിനെ ഏറ്റെടുത്ത് ഐബിഎസ്; പ്രവര്‍ത്തനം സമുദ്ര ചരക്കുഗതാഗതത്തിലേക്ക്
സാങ്കേതികവിദ്യയെ ഉല്പന്നവല്ക്കരണത്തിലൂടെ വികസിപ്പിക്കുന്നത് കേരളത്തിലെ സ്റ്റാര്‍ട്ടപ്പ് ആവാസവ്യവസ്ഥയെ ശക്തിപ്പെടുത്തുമെന്ന് വിദഗ്ധര്‍