login
ദുരിതത്തിലായ ഓട്ടോറിക്ഷാ തൊഴിലാളികള്‍ക്ക് ആശ്വാസ കരുതൽ; 500 ഓട്ടോകള്‍ക്ക് 500 രൂപയുടെ ഡീസല്‍ നല്‍കി ജീവകാരുണ്യ പ്രവര്‍ത്തകന്‍

വടക്കാഞ്ചേരി, അത്താണി, ഷൊര്‍ണൂര്‍ പമ്പുകളില്‍ ടോക്കണനുസരിച്ചായിരുന്നു ഡീസല്‍ വിതരണം. അന്‍പതും നൂറുമായി വാഹന റാലികള്‍ക്കു സമാനമായി ഓട്ടോകള്‍ പെട്രോള്‍ പമ്പുകളിലെത്തിയത് കൗതുകക്കാഴ്ചയായി.

വടക്കാഞ്ചേരി: കൊവിഡ് കാലത്ത് ഓട്ടം പേരിന് മാത്രമാവുകയും വരുമാനം നിലയ്ക്കുകയും ചെയ്തതോടെ  ദുരിതത്തിലായ ഓട്ടോറിക്ഷാ തൊഴിലാളികള്‍ക്ക് ആശ്വാസ കരുതലൊരുക്കി ജീവകാരുണ്യ പ്രവര്‍ത്തകന്‍ ഐശ്വര്യ സുരേഷ്. പുതുവത്സര സമ്മാനമായി 500 ഓട്ടോ തൊഴിലാളികള്‍ക്ക് 500 രൂപയുടെ ഡീസല്‍ സൗജന്യമായി വിതരണം ചെയ്താണ് ഇദ്ദേഹം മാതൃകയായത്.  

ഈ ഡീസല്‍ ഉപയോഗിച്ച് 5000 രൂപയിലധികം വരുമാനമുണ്ടാക്കാനാകുമെന്നത് ഓട്ടോതൊഴിലാളികള്‍ക്ക് വലിയ ആശ്വാസമായി. വടക്കാഞ്ചേരി, അത്താണി, ഷൊര്‍ണൂര്‍ പമ്പുകളില്‍ ടോക്കണനുസരിച്ചായിരുന്നു ഡീസല്‍ വിതരണം. അന്‍പതും  നൂറുമായി വാഹന റാലികള്‍ക്കു  സമാനമായി ഓട്ടോകള്‍ പെട്രോള്‍ പമ്പുകളിലെത്തിയത് കൗതുകക്കാഴ്ചയായി.    കെട്ടിട നിര്‍മ്മാണ കരാറുകാരനായ സുരേഷ് ഒട്ടേറെ കഷ്ടപ്പാടുകളെ അതിജീവിച്ചാണ് ഇന്നത്തെ നിലയിലുള്ള സ്വയംപര്യാപ്തതയിലെത്തിയത്.

നേരത്തെ ഓട്ടോ- ടാക്‌സി ഡ്രൈവറായിരുന്നതിനാല്‍ ഓട്ടോ തൊഴിലാളികളുടെ ദുരിതം തനിക്ക് നേരിട്ടറിയാമെന്ന് സുരേഷ് പറയുന്നു. കോവിഡ് പ്രതിരോധത്തിന്റെ ഭാഗമായി ഭൂരിഭാഗം പേരും ഓട്ടോറിക്ഷകളിലെ യാത്രകള്‍ വേണ്ടെന്നു വച്ചതും ഓട്ടം കുറവായതും ഒരു വിഭാഗം ഡ്രൈവര്‍മാരുടെ ഉപജീവനത്തിന് വലിയ വെല്ലുവിളിയായിരുന്നു. ഇവരില്‍ പലരെയും സുരേഷിന് നേരിട്ട് അറിയാവുന്നവരാണ്.

ഇതേ തുടര്‍ന്നാണ് മുച്ചക്രമുരുട്ടി ഉപജീവനം നടത്തുന്നവര്‍ക്ക് തനിക്ക് കഴിയാവുന്ന വിധം  ഇന്ധനം നിറച്ചു നല്‍കാന്‍ സുരേഷ് തീരുമാനമെടുത്തത്. പാര്‍ളിക്കാട് കണ്ടംപുള്ളി പരേതനായ വിശ്വംഭരന്റെ മകനായ ഐശ്വര്യസുരേഷ് ഒരു പതിറ്റാണ്ടുകാലമായി ജീവകാരുണ്യ രംഗത്ത് സജീവമാണ്. ഡീസല്‍ വിതരണത്തിന്റെ ഉദ്ഘാടനം ഓട്ടുപാറയിലെ പെട്രോള്‍ പമ്പില്‍ സുരേഷിന്റെ പത്‌നി ബീന നിര്‍വ്വഹിച്ചു.

 

    comment

    LATEST NEWS


    ബയോളജിക്കല്‍ ഇയുടെ വാക്‌സിന്‍ പരീക്ഷണം മൂന്നാംഘട്ടത്തില്‍, ഓക്ടോബറില്‍ പുറത്തിറങ്ങിയേക്കും; 90 ശതമാനം ഫലപ്രാപ്തിയെന്ന് കണ്ടെത്തല്‍


    മഹാ വികാസ് അഘാദി സഖ്യത്തില്‍ വിള്ളല്‍ രൂക്ഷം; ഒറ്റയ്ക്ക് മത്സരിക്കാനാണ് കോണ്‍ഗ്രസ് തീരുമാനമെങ്കില്‍ എന്തു ചെയ്യണമെന്ന് അറിയാമെന്ന് ശിവസേന


    ജൂലൈ 31നകം സിബിഎസ്ഇ പന്ത്രണ്ടാം ക്ലാസ് ഫലപ്രഖ്യാപനം നടത്തും; മൂല്യനിര്‍ണ്ണയം 30:30:40 ഫോര്‍മുലയില്‍, ഇന്റേര്‍ണലിന് 40 ശതമാനം വെയിറ്റേജ്


    വനംകൊള്ളക്കേസ്: ഉദ്യോഗസ്ഥരും കരാറുകാരും ഗൂഢാലോചന നടത്തി; സര്‍ക്കാര്‍ ഉത്തരവുണ്ടെന്ന വ്യാജേന വ്യക്ഷങ്ങള്‍ മോഷ്ടിച്ചെന്ന് എഫ്‌ഐആര്‍


    ലക്ഷദ്വീപിനെതിരായ വ്യാജപ്രചാരണങ്ങള്‍ക്ക് കനത്ത തിരിച്ചടി; ഭരണപരിഷ്‌കാരങ്ങള്‍ക്കെതിരായ ഹര്‍ജി ഹൈക്കോടതി തള്ളി; നിലവിലുള്ളത് കരട്; സ്‌റ്റേ അനുവദിക്കില്ല


    അമ്മയെ കൊന്നു ഭക്ഷണമാക്കി കഴിച്ചു, ബാക്കി വളര്‍ത്തുനായക്ക് നൽകി, യുവാവിന് 15 കൊല്ലം തടവ് ശിക്ഷ, നഷ്ടപരിഹാരമായി 73,000 ഡോളറും നൽകണം


    ആദ്യം അച്ഛന്റെ കട കത്തിച്ചു; പിന്നാലെ മകളെ കുത്തിക്കൊന്നു; മലപ്പുറത്ത് ദൃശ്യയെ യുവാവ് കുത്തിക്കൊന്നത് പ്രണയാഭ്യര്‍ത്ഥന നിരസിച്ചതിന്


    ബയോവെപ്പണില്‍ ഐഷയും മീഡിയവണ്ണും തുറന്ന് പോരില്‍;റിസ്‌ക് ഏറ്റെടുക്കാമെന്ന് ഐഷ പറഞ്ഞെന്ന് നിഷാദ്; തെറ്റുപറ്റിയത് തിരുത്താന്‍ അവസരം നല്‍കിയില്ലെന്ന് ഐഷ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.