login
പുതിയ ജീവിതത്തിലേക്ക് കൊറ്റമ്പത്തൂര്‍

എല്ലാം നഷ്ടപ്പെട്ടതിന്റെ വേദനയില്‍ നിരാശയുടെ ലോകത്ത് കഴിഞ്ഞിരുന്ന കൊറ്റമ്പത്തൂര്‍ കോളനിയിലെ 17 കുടുംബങ്ങള്‍ക്ക് ഇനി മുതല്‍ പുതിയ ഭവനങ്ങളില്‍ ജീവിതം ആരംഭിക്കാം. ഇന്നലെ പുതിയ വീടിന്റെ താക്കോല്‍ ഏറ്റുവാങ്ങുമ്പോള്‍ പലരും വികാരാധീനരായി

തൃശൂര്‍ പുതിയ വീട്ടില്‍ അന്തിയുറങ്ങാന്‍ ചിലര്‍ക്ക് ഉറ്റവരില്ല. മറ്റ് ചിലര്‍ക്ക് ദുരന്തത്തിന്റെ ഞെട്ടല്‍ വിട്ടുമാറിയിട്ടില്ല. ഇന്നും അതെല്ലാം നടുക്കുന്ന ഓര്‍മകളായി പലരുടെയും മനസില്‍ അവശേഷിക്കുന്നുണ്ട്. ഇനിയും ഇതു പോലുള്ള ദുരന്തങ്ങള്‍ക്ക് സാക്ഷിയാകാന്‍ ഇടവരുത്തരുതേയെന്ന പ്രാര്‍ത്ഥനയോടെയാണ് പുതിയ ഭവനങ്ങളിലേക്ക് ഇവര്‍ പ്രവേശിച്ചത്.  

2018 ആഗസ്റ്റ് 16 നാണ് നാടിനെ നടുക്കിക്കൊണ്ട് ദേശമംഗലം ഗ്രാമപഞ്ചായത്തിലെ പള്ളം കൊറ്റമ്പത്തൂര്‍ കോളനിയില്‍ ഉരുള്‍പൊട്ടലുണ്ടായത്. ദുരന്തത്തില്‍ നാലു പേരുടെ ജീവനപഹരിച്ച പ്രകൃതി 33ഓളം കുടുംബങ്ങളെ അന്ന് വഴിയാധാരമാക്കി. തകര്‍ന്നടിഞ്ഞുപോയ വീടുകളുടെ സ്ഥാനത്ത് അവശേഷിച്ചത് മണ്‍കൂനകള്‍ മാത്രം.  

  അവിടെ വീണ്ടും വീട് കെട്ടി താമസിക്കാന്‍ കഴിയില്ലെന്ന് ജിയോളജി വകുപ്പിന്റെ മുന്നറിയിപ്പ് ലഭിച്ചതോടെ പലരും നിരാശ്രയരായി. ഇനിയെന്ത് എന്ന ചോദ്യം മാത്രം ബാക്കി. ദുരന്തത്തിന്റെ  ആഘാതത്തില്‍ നിന്ന് മോചിതരാവാന്‍ തന്നെ ദിവസങ്ങള്‍ വേണ്ടിവന്നു.  

 പിന്നീട് ദുരിതാശ്വാസ ക്യാമ്പിലും വാടക വീടുകളിലുമായി കഴിഞ്ഞു കൂടിയ ഇവര്‍ക്ക് വീടെന്ന സ്വപ്‌നം ഏറെ അകലെയായിരുന്നു. രണ്ട് വര്‍ഷക്കാലം ക്യാമ്പിലും മറ്റുമായാണ് ഇവര്‍ ജീവിതം കഴിച്ചു കൂട്ടിയത്. ദുരിതാശ്വാസ ക്യാമ്പിലെ അരണ്ട വെളിച്ചത്തില്‍ ജീവിതത്തിന്റെ പ്രതീക്ഷകളത്രയും അവസാനിച്ചെന്ന് കരുതി മുഖം കുനിച്ചിരുന്ന ഇവരുടെ ദുരവസ്ഥയില്‍ സേവാഭാരതി പ്രവര്‍ത്തകര്‍  തുണയായി എത്തുകയായിരുന്നു.  

ദുരന്തം നടന്നിട്ട് രണ്ട് വര്‍ഷത്തിനുള്ളിലാണ് ഇത്രയും പേര്‍ക്ക് പുതിയ സ്ഥലത്ത് വീട് വെച്ച് നല്‍കി കൊണ്ട് സേവാഭാരതി ഇവരുടെ പുനരധിവാസം പൂര്‍ത്തിയാക്കിയത്. നാലര സെന്റ് സ്ഥലത്ത് 750 ചതുരശ്ര അടിയില്‍ എല്ലാ സൗകര്യങ്ങളോടും കൂടിയാണ് വീടുകള്‍ നിര്‍മ്മിച്ചിരിക്കുന്നത്.  

 

 

    comment

    LATEST NEWS


    ബയോളജിക്കല്‍ ഇയുടെ വാക്‌സിന്‍ പരീക്ഷണം മൂന്നാംഘട്ടത്തില്‍, ഓക്ടോബറില്‍ പുറത്തിറങ്ങിയേക്കും; 90 ശതമാനം ഫലപ്രാപ്തിയെന്ന് കണ്ടെത്തല്‍


    മഹാ വികാസ് അഘാദി സഖ്യത്തില്‍ വിള്ളല്‍ രൂക്ഷം; ഒറ്റയ്ക്ക് മത്സരിക്കാനാണ് കോണ്‍ഗ്രസ് തീരുമാനമെങ്കില്‍ എന്തു ചെയ്യണമെന്ന് അറിയാമെന്ന് ശിവസേന


    ജൂലൈ 31നകം സിബിഎസ്ഇ പന്ത്രണ്ടാം ക്ലാസ് ഫലപ്രഖ്യാപനം നടത്തും; മൂല്യനിര്‍ണ്ണയം 30:30:40 ഫോര്‍മുലയില്‍, ഇന്റേര്‍ണലിന് 40 ശതമാനം വെയിറ്റേജ്


    വനംകൊള്ളക്കേസ്: ഉദ്യോഗസ്ഥരും കരാറുകാരും ഗൂഢാലോചന നടത്തി; സര്‍ക്കാര്‍ ഉത്തരവുണ്ടെന്ന വ്യാജേന വ്യക്ഷങ്ങള്‍ മോഷ്ടിച്ചെന്ന് എഫ്‌ഐആര്‍


    ലക്ഷദ്വീപിനെതിരായ വ്യാജപ്രചാരണങ്ങള്‍ക്ക് കനത്ത തിരിച്ചടി; ഭരണപരിഷ്‌കാരങ്ങള്‍ക്കെതിരായ ഹര്‍ജി ഹൈക്കോടതി തള്ളി; നിലവിലുള്ളത് കരട്; സ്‌റ്റേ അനുവദിക്കില്ല


    അമ്മയെ കൊന്നു ഭക്ഷണമാക്കി കഴിച്ചു, ബാക്കി വളര്‍ത്തുനായക്ക് നൽകി, യുവാവിന് 15 കൊല്ലം തടവ് ശിക്ഷ, നഷ്ടപരിഹാരമായി 73,000 ഡോളറും നൽകണം


    ആദ്യം അച്ഛന്റെ കട കത്തിച്ചു; പിന്നാലെ മകളെ കുത്തിക്കൊന്നു; മലപ്പുറത്ത് ദൃശ്യയെ യുവാവ് കുത്തിക്കൊന്നത് പ്രണയാഭ്യര്‍ത്ഥന നിരസിച്ചതിന്


    ബയോവെപ്പണില്‍ ഐഷയും മീഡിയവണ്ണും തുറന്ന് പോരില്‍;റിസ്‌ക് ഏറ്റെടുക്കാമെന്ന് ഐഷ പറഞ്ഞെന്ന് നിഷാദ്; തെറ്റുപറ്റിയത് തിരുത്താന്‍ അവസരം നല്‍കിയില്ലെന്ന് ഐഷ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.