login
രാഷ്ട്രീയ നിലപാടുകളും ഭാവി കേരളത്തിന്റെ വികസന കാഴ്ചപ്പാടുകളും ചര്‍ച്ചചെയ്ത് ഫോമ‍യുടെ തെരഞ്ഞെടുപ്പ് അവലോകനം

മുന്നു മുന്നണികളേയും പ്രതിനിധീകരിച്ച് കേരളത്തില്‍ നിന്നുള്ള സജിവ രാഷ്ട്രീയ നേതാക്കളും അമേരിക്കയിലെ രാഷ്ട്രീയ ചിന്തകരും പങ്കെടുത്തു.

 

ന്യൂയോര്‍ക്ക് :   കൃത്യമായ രാഷ്ട്രീയ നിലപാടുകളും ഭാവി കേരളത്തിന്റെ വികസന കാഴ്ചപ്പാടുകളും ചര്‍ച്ചചെയ്ത് ഫോമയുടെ കേരള തെരഞ്ഞെടുപ്പ് അവലോകനം.

മുന്നു മുന്നണികളേയും പ്രതിനിധീകരിച്ച്  കേരളത്തില്‍ നിന്നുള്ള സജിവ രാഷ്ട്രീയ നേതാക്കളും അമേരിക്കയിലെ രാഷ്ട്രീയ ചിന്തകരും പങ്കെടുത്തു.

ജനങ്ങള്‍ക്ക് വേണ്ടി ആരാണ് പ്രവര്‍ത്തിക്കുന്നത് എന്നതാണ് പ്രധാനം എന്നും അങ്ങനെ വരുമ്പോള്‍ ഇടതു ഭരണത്തിന് തുടര്‍ച്ചയുണ്ടാകുമെന്നും അഡ്വ. പ്രതിഭ എം എല്‍ എ  പറഞ്ഞു.കേന്ദ്രത്തിന്‍ സഹായമാണ് വികസനത്തിനു കാരണം എന്നു പറയുമ്പോള്‍ 5 വര്‍ഷം മുന്‍പ് ബിജെപി കേന്ദ്രം ഭരിച്ചപ്പോള്‍ ദേശീയ പാത വികസനം എന്തുകൊണ്ട് നടന്നില്ല എന്നതു ഓര്‍ക്കണം. അങ്ങേയറ്റം അപമാനകരമായ മാധ്യമ വിചാരണ നേരിട്ടാണ് തെരഞ്ഞെടുപ്പിനെ നേരിട്ടതെന്നും പ്രതിഭ പറഞ്ഞു.

അധികാര ദുര്‍വിനിയോഗം ചെയ്യുന്ന സര്‍ക്കാറിനെതിരായി പ്രതിപക്ഷം കൃത്യമായി പ്രവര്‍ത്തിച്ചതായി സണ്ണി ജോസഫ് എം എല്‍ എ പറഞ്ഞു. പ്രതിപക്ഷ നേതാവ് ഉയര്‍ത്തിയ ഒരു ആരോപണവും തെറ്റാണെന്ന് ആരു പറഞ്ഞിട്ടില്ല.  ക്രമസമാധന നിലയില്‍ കേരള സര്‍ക്കാര്‍ പ്രതിക്കൂട്ടിലാണ്. വെള്ളപ്പൊക്കത്തില്‍ തകര്‍ന്ന വീടു നിര്‍മ്മിക്കുന്നതില്‍ പോലും അഴിമതി നടത്തിയവരുടെ അഴിമതി വിരുദ്ധത ജനം തള്ളും സണ്ണി ജോസഫ് പറഞ്ഞു.

പുതിയ ഇന്ത്യ എന്ന സങ്കല്പത്തിലും  നരേന്ദ്രമോദിയുടെ നേതൃത്വത്തിലുള്ള വികസന മാതൃകയിലും കേരളവും അണ്ി ചേരുമെന്ന് ബിജെപി നേതാവ് ബി രാധാകൃഷ്ണ മേനോന്‍ പറഞ്ഞു. കേരള രാഷ്ടീയത്തില്‍ ഉണ്ടായ രൂപമാറ്റംകമ്മ്യൂണിസ്റ്റ്് ചിന്താ ധാരയുടെ അന്ത്യം കുറിക്കുന്ന തെരഞ്ഞെടുപ്പാണിത്.  സര്‍ക്കാറിനു തുടര്‍ച്ചയുണ്ടാകുമോ സിപിഎമ്മിന് കുറെ സീറ്റു കിട്ടുമോ എന്നതിനേക്കാള്‍ ആശയപരമായി ഒന്നുമില്ലന്ന് തെളിഞ്ഞു. കേരളത്തിന്റെ തെരഞ്ഞെടുപ്പിനെ സ്വാധിനിക്കുന്നത് കേവലം രാഷ്ട്രീയം മാത്രമാണോ ജാതി മത വിഭാഗങ്ങളുടെ സ്വാധിനമുണ്ടോ  എന്നതിന് ഉത്തരമാകും തെരഞ്ഞെടുപ്പ്. അദ്ദേഹം പറഞ്ഞു.

യു.ഡി.എഫിന് വേണ്ടി ഐ.ഓ.സി  വൈസ് ചെയര്‍ ജോര്‍ജ് എബ്രഹാം, ഇടതു മുന്നണിക്ക് വേണ്ടി ഇ.എം. സ്റ്റീഫന്‍, എന്‍.ഡി.എ. ക്കു വേണ്ടി സുരേഷ് നായര്‍ എന്നിവര്‍ നിലപാടുകള്‍ വ്യക്തമാക്കി.

തെരഞ്ഞെടുപ്പ് പ്രചാരണത്തിന്റെ തുടക്കത്തില്‍ ഇടതു സര്‍ക്കാരിനുണ്ടായിരുന്ന മേല്‍കൈ പിന്നിട് നഷ്ടപ്പെട്ടതായി  

ജോര്‍ജ്ജ് ഏബ്രഹാം അഭിപ്രായപ്പെട്ടു. കോണ്‍ഗ്രസ് ഇല്ലാതായി പകരം ആര്‍ എസ് എസും ബിജെപിയും വരുന്നത് ഇഷ്ടപ്പെടാത്തവര്‍ ഉള്ളതിനാല്‍ യുഡിഎഫ് തിരിച്ചുവരുമെന്നും അദ്ദേഹം പറഞ്ഞു.

വികസന കാര്യങ്ങളില്‍ ഏറെ ശ്രദ്ധ കാണിച്ച സര്‍ക്കാറിന് തുടര്‍ച്ചയുണ്ടാകുമെന്നായിരുന്നു ഇ എം സ്റ്റീഫന്‍ പറഞ്ഞത്.ഏതു സര്‍ക്കാറാണ് സാധാരണക്കാരന്റെ ഉന്നതിക്കുവേണ്ടി പ്രവര്‍ത്തിച്ചത് എന്ന്് ജനം വിലയിരുത്തുമെന്നും അദ്ദേഹം അഭിപ്രായപ്പെട്ടു.

ആര് ഭരിക്കണം എന്ന് തീരുമാനിക്കുന്ന ഘടകമായി ബിജെപി മാറിയതായി സുരേഷ് നായര്‍ അഭിപ്രായപ്പെട്ടു. . ഇടത്തോട്ടും വലത്തോട്ടും സഞ്ചരിച്ചിട്ടുള്ള കേരളം മാറി ചിന്തിക്കുന്നുവെന്നും സുരേഷ് പറഞ്ഞു.

ഫോമ പ്രസിഡന്റ് അനിയന്‍ ജോര്‍ജ്ജ് അധ്യക്ഷം വഹിച്ചു.

ഫോമാ ജനറല്‍ സെക്രട്ടറി ടി. ഉണികൃഷ്ണന്‍, ട്രഷറര്‍  തോമസ് ടി. ഉമ്മന്‍ എന്നിവരായിരുന്നു മോഡറേറ്റര്‍മാര്‍.

സജി കരിമ്പന്നൂര്‍, ജോസ് മണക്കാട്, സണ്ണി ജോസഫ്,ബിജു തോണിക്കടവ്, ഡലീമ ജോജ, തോമസ് ഈപ്പന്‍, ബാബു സ്റ്റീഫന്‍, എ സി ജോര്‍ജ്ജ, ഷിബു പിള്ള, പ്രദീപ് നായര്‍, രാജേഷ് മാത്യു, ലോന ഏബ്രഹാം തുടങ്ങിയവര്‍  ചര്‍ച്ചകളില്‍ പങ്കെടുത്തു.

 

    comment

    LATEST NEWS


    കോവിഡ് രണ്ടാം​തരം​ഗം: പ്രധാനമന്ത്രി സംസ്ഥാനങ്ങള്‍ക്ക് മുന്നറിയിപ്പ് നല്‍കിയത് ആറ് തവണ, റാലികള്‍ക്കായി പ്രതിപക്ഷ മുഖ്യമന്ത്രിമാര്‍ യോഗങ്ങള്‍ ഒഴിവാക്കി


    20മിനിട്ട് മുന്‍പ് മുന്നറിയിപ്പ്; പിന്നീട് വ്യോമാക്രമണം; ഗാസയില്‍ അല്‍ ജസീറ അടക്കമുള്ള മാധ്യമ ഓഫീസുകള്‍ പൂര്‍ണമായും തകര്‍ത്ത് ഇസ്രയേല്‍; യുദ്ധം ശക്തം


    തിങ്കളാഴ്ച സംസ്ഥാനത്തെ റേഷന്‍ കടകള്‍ അടച്ചിടും; സമരം സര്‍ക്കാരിന്റെ നിഷേധാത്മക സമീപനത്തില്‍ പ്രതിഷേധിച്ചെന്ന് വ്യാപാരികള്‍


    ജമ്മുകാശ്മീരില്‍ പലസ്തീന്‍ അനുകൂല പ്രകടനം; ഇസ്രയേല്‍ പതാക കത്തിച്ചു പ്രതിഷേധക്കാര്‍, 20 പേരെ പൊലീസ് അറസ്റ്റ് ചെയ്തു


    പിണറായി സര്‍ക്കാര്‍ തീവ്രവാദികള്‍ക്കൊപ്പം; സൗമ്യയുടെ മൃതദ്ദേഹം ഏറ്റുവാങ്ങാന്‍ കേരള സര്‍ക്കാര്‍ പ്രതിനിധികള്‍ എത്താതിരുന്നത് ചോദ്യം ചെയ്ത് സുരേന്ദ്രന്‍


    പഞ്ചാബിലെ ഗോതമ്പ് സംഭരണം റെക്കോഡില്‍; ഊര്‍ജം പകര്‍ന്നത് മോദിസര്‍ക്കാര്‍ നടപ്പാക്കിയ നേരിട്ടുള്ള പണ കൈമാറ്റം, കര്‍ഷകര്‍ക്ക് കിട്ടിയത് 23,000 കോടി രൂപ


    കരയുദ്ധത്തില്‍ ഭീകരരെ ബങ്കറില്‍ കയറ്റി; കിലോമീറ്ററുകള്‍ തുരക്കുന്ന ബോംബ് ഉപയോഗിച്ച് ഭസ്മമാക്കി; നെതന്യാഹു നടത്തുന്നത് തീവ്രവാദികളുടെ കൂട്ടക്കുരുതി


    50 ഓക്‌സിജന്‍ കിടക്കകള്‍, 24 മണിക്കൂറും ഡോക്ടര്‍മാരും നഴ്‌സുമാരും; വീട് കോവിഡ് പരിചരണകേന്ദ്രമാക്കി ബിജെപി മന്ത്രി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.