×
login
ഹിന്ദുദര്‍ശനങ്ങള്‍ പ്രതീക്ഷയുടെ വിളക്കുമാടങ്ങളായി മാറി; നവരാത്രി മാസം പൈതൃകമാസമായി പ്രഖ്യാപിച്ച് അമേരിക്ക

നേരത്തെ യുഎസിലെ വിവിധ ഹൈന്ദവ സംഘടനകള്‍ ഒക്ടോബറില്‍ ഹിന്ദു പൈതൃക മാസമായി കൊണ്ടാടുമെന്ന് പ്രഖ്യാപിച്ചിരുന്നു

വാഷിങ്ടണ്‍: ഭാരതം നവരാത്രിവ്രതമാചരിക്കുന്ന ഒക്ടോബറിനെ ഹിന്ദു പൈതൃകമാസമായി കൊണ്ടാടാന്‍ അമേരിക്കന്‍ സംസ്ഥാനങ്ങള്‍. ടെക്സാസ്, ഫ്ളോറിഡ, ന്യൂജേഴ്സി, ഒഹായോ, മസാച്യുസെറ്റ്സ് എന്നിവയുള്‍പ്പെടെ നിരവധി യുഎസ് സംസ്ഥാനങ്ങളാണ് ഒക്ടോബറിനെ ഹിന്ദു പൈതൃക മാസമായി പ്രഖ്യാപിച്ചത്. ഹിന്ദുദര്‍ശനങ്ങള്‍ അതിന്റെ തനതായ ചരിത്രത്തിലൂടെയും പൈതൃകത്തിലൂടെയും അമേരിക്കയ്ക്ക് നല്‍കിയ വലിയ സംഭാവനകളെ മാനിച്ചാണ് പ്രഖ്യാപനം. ഹിന്ദുദര്‍ശനങ്ങള്‍ അമേരിക്കന്‍ സമൂഹത്തിന് പ്രതീക്ഷയുടെ വിളക്കുമാടങ്ങളായി മാറിയിട്ടുണ്ടെന്ന് ഇത് സംബന്ധിച്ച പ്രഖ്യാപനത്തില്‍ യുഎസ് സെനറ്റര്‍മാരും ഗവര്‍ണര്‍മാരും പറയുന്നു.

നേരത്തെ യുഎസിലെ വിവിധ ഹൈന്ദവ സംഘടനകള്‍ ഒക്ടോബറില്‍ ഹിന്ദു പൈതൃക മാസമായി കൊണ്ടാടുമെന്ന് പ്രഖ്യാപിച്ചിരുന്നു. പ്രസിഡന്റ് ജോ ബൈഡന്‍ ഒക്ടോബര്‍ മാസത്തെ ഹിന്ദു പൈതൃക മാസമായി ഔദ്യോഗികമായി പ്രഖ്യാപിക്കണമെന്ന് ഈ സംഘടനകള്‍ ആവശ്യപ്പെട്ടിരുന്നു.

ദശലക്ഷക്കണക്കിന് ഹിന്ദു-അമേരിക്കക്കാരുടെ മാതൃരാജ്യമായ ഭാരതവുമായി നല്ല ബന്ധം നിലനിര്‍ത്താന്‍ ഒരു എക്സിക്യൂട്ടീവ് ഉത്തരവിലൂടെ ഒക്ടോബര്‍ മാസം ഹിന്ദു പൈതൃക മാസമായി പ്രസിഡന്റ് പ്രഖ്യാപിക്കണമെന്ന് വിശ്വ ഹിന്ദു പരിഷത്ത് ഓഫ് അമേരിക്ക (വിഎച്ച്പിഎ) പ്രസിഡന്റ് അജയ് ഷാ പറഞ്ഞു,  വിഎച്ച്പിഎയും മറ്റ് ഹിന്ദുസംഘടനകളും ഈ ആവശ്യമുന്നയിച്ച് സംസ്ഥാന മേധാവികള്‍ക്ക് കത്തുകള്‍ അയച്ചിരുന്നു.

ആയിരക്കണക്കിന് വര്‍ഷത്തെ പഴക്കമുള്ള ഹിന്ദു നാഗരികതയെക്കുറിച്ച് ലോക ജനതയെ ബോധവല്‍ക്കരിക്കാന്‍ ഈ അവസരം ഉപയോഗിക്കുമെന്ന്  വേള്‍ഡ് ഹിന്ദു കൗണ്‍സില്‍ ഓഫ് അമേരിക്കയുടെ വൈസ് പ്രസിഡന്റ് സഞ്ജയ് കൗള്‍ പറഞ്ഞു.


സാംസ്‌കാരിക പരിപാടികള്‍, ഫാഷന്‍ ഷോകള്‍, വെബിനാര്‍, മള്‍ട്ടി-ഡേ കോണ്‍ഫറന്‍സുകള്‍, വാക്കത്തോണ്‍ എന്നിവയും അതിലേറെയും ആഘോഷങ്ങളില്‍ ഉള്‍പ്പെടും.

അമേരിക്കന്‍ ഭരണകൂടങ്ങളുടെയും സമൂഹത്തിന്റെയും പിന്തുണ ആവേശകരമാണെന്ന് ഹിന്ദു വിദ്യാര്‍ത്ഥി കൗണ്‍സില്‍ പ്രസിഡന്റ് അര്‍ണവ് കെജ്രിവാള്‍ പറഞ്ഞു,

 

 

    comment

    LATEST NEWS


    മണ്ണാർക്കാട് ഇരട്ടക്കൊല: 25പ്രതികള്‍ക്കും ജീവപര്യന്തം തടവുശിക്ഷ, 50,000 രൂപ വീതം പിഴയും അടയ്ക്കണം


    ജനകീയ പ്രതിക്ഷേധങ്ങള്‍ക്ക് വിജയം; കെ റെയില്‍ കല്ലിടല്‍ നിര്‍ത്തി; സര്‍വേ ജിപിഎസ് സൗകര്യം ഉപയോഗിച്ച് നടത്തുമെന്ന് സര്‍ക്കാര്‍


    സമയബന്ധിതമായ തെരഞ്ഞെടുപ്പ് പരിഷ്‌ക്കരണങ്ങളും ജനാധിപത്യ മാതൃക ചര്‍ച്ചകളും നടത്തും; 2024ലെ പൊതു തെരഞ്ഞെടുപ്പ് ഒരുക്കങ്ങള്‍ ആരംഭിച്ചു: രാജീവ് കുമാര്‍


    ശക്തമായ മഴ; നിലവില്‍ ഡാമുകള്‍ തുറക്കേണ്ട സാഹചര്യമില്ല; ജനങ്ങള്‍ക്ക് ജാഗ്രത നിര്‍ദേശം; മലയോര മേഖലകളില്‍ ദുരിതാശ്വാസ ക്യാമ്പ് ആരംഭിച്ചു


    സനാതനധര്‍മ്മം ഭാരത സംസ്‌കാരത്തിന്റെ കാതല്‍; ഋഷിവര്യന്മാര്‍ നേടിയെടുത്ത സാംസ്‌കാരിക സവിശേഷതയാണ് ലോകജനതയെ ഇന്ത്യയിലേക്ക് ആകര്‍ഷിക്കുന്നതെന്ന് ഗവര്‍ണര്‍


    അപ്രതീക്ഷിത മഴ കാര്‍ഷിക മേഖലയ്ക്ക് തിരിച്ചടിയായി; കശുവണ്ടി വിലയിടിഞ്ഞു, കാലവര്‍ഷം നേരത്തെ എത്തിയാല്‍ റബ്ബര്‍ കര്‍ഷകര്‍ പ്രതിസന്ധിയിലാവും

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.