login
നിയമനങ്ങളെച്ചൊല്ലി സിപിഐയില്‍ പൊട്ടിത്തെറി; ഡ്രൈവര്‍, സപ്ലൈകോയിലെ താത്കാലിക നിയമനത്തിൽ തർക്കം

സിപിഐ ടിക്കറ്റില്‍ മേപ്പാടി ഡിവിഷനില്‍ വിജയിച്ച എസ്. ബിന്ദുവാണ് ജില്ലാ പഞ്ചായത്ത് വൈസ് പ്രസിഡന്റ്. ഇവരുടെ ഔദ്യോഗിക വാഹനത്തിന്റെ ഡ്രൈവറായി സിപിഐ മുന്‍ ബ്രാഞ്ച് സെക്രട്ടറിയും ലോക്കല്‍ കമ്മിറ്റിയംഗവുമായ വ്യക്തിക്കാണ് നിയമനം ലഭിച്ചത്.

കല്‍പ്പറ്റ: നിയമനങ്ങളെച്ചൊല്ലി കല്‍പ്പറ്റ സിപിഐയില്‍ പൊട്ടിത്തെറി. ജില്ലാ പഞ്ചായത്ത് വൈസ് പ്രസിഡന്റിന്റെ ഔദ്യോഗിക വാഹനത്തിലെ ഡ്രൈവര്‍ നിയമനം, സപ്ലൈകോയിലെ താത്കാലിക നിയമനം എന്നിവയുമായി ബന്ധപ്പെട്ടാണ് കല്‍പ്പറ്റയില്‍ സിപിഐയില്‍ അസ്വാരസ്യം.

നിയമനങ്ങള്‍ സംബന്ധിച്ചു മണ്ഡലം കമ്മിറ്റിയംഗം സെക്രട്ടറിക്കു  നല്‍കിയ പരാതികളില്‍  അന്വേഷണവും നടപടിയും ഉണ്ടാകാത്തതാണ് അസ്വാരസ്യത്തിനു ആധാരം. സിപിഐ ടിക്കറ്റില്‍ മേപ്പാടി ഡിവിഷനില്‍ വിജയിച്ച എസ്. ബിന്ദുവാണ് ജില്ലാ പഞ്ചായത്ത് വൈസ് പ്രസിഡന്റ്. ഇവരുടെ ഔദ്യോഗിക വാഹനത്തിന്റെ ഡ്രൈവറായി സിപിഐ മുന്‍ ബ്രാഞ്ച് സെക്രട്ടറിയും ലോക്കല്‍ കമ്മിറ്റിയംഗവുമായ വ്യക്തിക്കാണ് നിയമനം ലഭിച്ചത്. കുറച്ചുകാലമായി സിപിഐ  ബന്ധമില്ലാത്ത ഇദ്ദേഹത്തിനു പാര്‍ട്ടിയുടെ ഒരു ഘടകത്തിലും ചര്‍ച്ച ചെയ്യാതെ നിയമനം  നല്‍കിയതിനെതിരെയായിരുന്നു മണ്ഡലം കമ്മിറ്റിയംഗത്തിന്റെ പരാതി. 

പാര്‍ട്ടി വിധേയത്വമുള്ളയാളെ ഡ്രൈവറായി  നിയമിക്കണമെന്ന ആവശ്യവും പരാതിയില്‍  ഉന്നയിക്കുകയുണ്ടായി. സപ്ലൈകോയിലെ താത്കാലിക നിയമനവുമായി ബന്ധപ്പെട്ട് പാര്‍ട്ടി ബ്രാഞ്ച് സെക്രട്ടറിമാരില്‍ ഒരാള്‍ക്കെതിരെയും ആരോപണം ഉയര്‍ന്നിരുന്നു.  പാര്‍ട്ടി മെംബറുടെ ഭാര്യയ്ക്കു സപ്ലൈകോയില്‍ താല്‍കാലിക ജോലി തരപ്പെടുത്തിയതിനു  ബ്രാഞ്ച് സെക്രട്ടറി പണം കൈപ്പറ്റിയെന്നും ജോലി വാഗ്ദാനം ചെയ്തു പലരേയും പാര്‍ട്ടിയിലേക്കു ക്ഷണിക്കുന്നുവെന്നുമായിരുന്നു ആരോപണം. ഇതുസംബന്ധിച്ചു ആരോപണ വിധേയനായ ബ്രാഞ്ച് സെക്രട്ടറിയും മറ്റൊരു ബ്രാഞ്ചിലെ പ്രവര്‍ത്തകരുമായി വാക്കേറ്റവും ഉണ്ടായി. 

പാര്‍ട്ടിയെ കളങ്കപ്പെടുത്തുന്ന തരത്തിലുള്ള  ബ്രാഞ്ച് സെക്രട്ടറിയുടെ  പ്രവര്‍ത്തനം മണ്ഡലം കമ്മിറ്റിയംഗം ലോക്കല്‍ സെക്രട്ടറിയെ അറിയിക്കുകയുണ്ടായി. ദിവസങ്ങള്‍ കഴിഞ്ഞിട്ടും  ഇടപെടല്‍ ഉണ്ടാകാത്ത സാഹചര്യത്തിലാണ് പരാതി നല്‍കിയത്. പരാതിയുടെ പകര്‍പ്പ് പാര്‍ട്ടി ജില്ലാ സെക്രട്ടറി വിജയന്‍ ചെറുകര, സംസ്ഥാന എക്‌സിക്യുട്ടീവ് കമ്മിറ്റിയംഗം പി.പി. സുനീര്‍, സംസ്ഥാന സമിതിയംഗം പി.കെ. മൂര്‍ത്തി എന്നിവര്‍ക്കും ലഭ്യമാക്കിയിരുന്നു.

 

    comment

    LATEST NEWS


    ഗണേഷ് കുമാറിനെതിരേ സിപിഎം നേതൃത്വത്തെ സമീപിച്ച് സഹോദരി; അച്ഛന്റെ സ്വത്തുക്കള്‍ തട്ടിയെടുത്തു; സരിത ബന്ധവും ചര്‍ച്ച; ആദ്യ ടേം മന്ത്രിസ്ഥാനം ഒഴിവാക്കി


    രാഷ്ട്രീയക്കാര്‍ പ്രതിയാകുമ്പോള്‍ ജനങ്ങളെ ഉപയോഗിച്ച് ഉദ്യോഗസ്ഥരെ ഭയപ്പെടുത്തുന്നത് അംഗീകരിക്കില്ല; മമതയ്ക്ക് ബംഗാള്‍ ഹൈക്കോടതിയുടെ രൂക്ഷ വിമര്‍ശനം


    പശുക്കള്‍ക്ക് കുളമ്പുരോഗം പടരുന്നു; കർഷകർ പാൽ കറന്ന് കളയുന്നു, സർക്കാർ ആശുപത്രി ഉണ്ടെങ്കിലും ഡോക്ടർമാരില്ല


    മാരാരിക്കുളം തെക്ക് പഞ്ചായത്തില്‍ സിപിഎം സെല്‍ഭരണം, ബിജെപി സ്ഥാനാര്‍ത്ഥിയായി മത്സരിച്ച വനിതയ്ക്ക് വൈദ്യുതി കണക്ഷന്‍ നല്‍കുന്നില്ല


    ഇസ്രയേലിനെ ആക്രമിക്കാന്‍ അയച്ച ആറു മിസൈലുകളും സ്വന്തം രാജ്യത്ത് തന്നെ പതിച്ചു; ഇസ്രയേലിന്റെ തിരിച്ചടിയില്‍ വിറങ്ങലിച്ച് ലെബനന്‍


    ആലപ്പുഴയിൽ കനത്ത മഴയിലും കാറ്റിലും 29 വീടുകള്‍ പൂര്‍ണമായി തകര്‍ന്നു, 653 വീടുകള്‍ക്ക് ഭാഗികനാശം


    ചീറിപ്പായുന്നു ടാങ്കർ ലോറികൾ :അപകടക്കെണിയൊരുക്കി ദേശീയപാത, ഒരു മാസത്തിനിടെ അപകടത്തിൽപ്പെട്ടത് മൂന്ന് ടാങ്കർ ലോറികൾ


    പാലസ്തീന് ഐക്യദാര്‍ഢ്യവുമായി ഖത്തര്‍; ധനസഹായം പ്രഖ്യാപിച്ചതിന് പിന്നാലെ ഗാസ റെഡ്ക്രസന്റ് ഓഫീസ് ഇസ്രയേല്‍ ഷെല്‍ ആക്രമണത്തില്‍ തകര്‍ത്തു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.