×
login
കടക്കെണിയില്‍ ഊര്‍ദ്ധ്വന്‍ വലിച്ചുകിടന്ന ആപ്പിളിനെ ലാഭത്തിലാക്കിയ ഉപകരണം; ആപ്പിള്‍ഐപോഡ്‍ വിപണിയില്‍ നിന്നും വിടവാങ്ങുന്നു

സംഗീതാസ്വാദനത്തെയും ഇലക്ട്രോണിക്സ് ഉപകരണങ്ങളുടെ വിപണിയെയും കീഴ്മേല്‍ മറിച്ച ഐപോഡ് മോഡലുകള്‍ ആപ്പിള്‍ കമ്പനി പിന്‍വലിക്കുന്നു. ആപ്പിള്‍ കമ്പനിയെ നഷ്ടത്തില്‍ നിന്നും കരകയറ്റിയ ഐപോഡ് 20 വര്‍ഷത്തിന് ശേഷമാണ് വിപണിയില്‍ നിന്നും വിടവാങ്ങുന്നത്.

ന്യൂയോര്‍ക്ക്: സംഗീതാസ്വാദനത്തെയും ഇലക്ട്രോണിക്സ് ഉപകരണങ്ങളുടെ വിപണിയെയും കീഴ്മേല്‍ മറിച്ച ഐപോഡ് മോഡലുകള്‍ ആപ്പിള്‍ കമ്പനി പിന്‍വലിക്കുന്നു. ആപ്പിള്‍ കമ്പനിയെ നഷ്ടത്തില്‍ നിന്നും കരകയറ്റിയ ഐപോഡ് 20 വര്‍ഷത്തിന് ശേഷമാണ് വിപണിയില്‍ നിന്നും വിടവാങ്ങുന്നത്.

ഏതാണ്ട് കടക്കെണിയില്‍ മുങ്ങിത്താണ് ഊര്‍ദ്ധ്വശ്വാസം വലിച്ചു കിടന്ന ആപ്പിളിനെ 3 ട്രില്യണ്‍ ഡോളര്‍ ആസ്തിയുള്ള ഭീമന്‍ കമ്പനിയാക്കി ഉയിര്‍ത്തെഴുന്നേല്‍പിച്ചത് ആപ്പിളിന്‍റെ സിഇഒ ആയിരുന്ന സ്റ്റീവ് ജോബ്സ് ഡിസൈന്‍ ചെയ്ത ഈ അത്ഭുത ഉപകരണമാണ്. മികച്ച ശബ്ദവ്യക്തതയും ഭാരക്കുറവും കൈകാര്യം ചെയ്യുന്നതിലെ അനായാസതയും രൂപകല്‍പനയിലെ സൗന്ദര്യവും ഐപോഡിനെ ടെക്കികളുടെ മാത്രമല്ല, സാധാരണക്കാരുടെയും പ്രിയ ഉപകരണമാക്കി മാറ്റി.


ഇപ്പോള്‍ വിപണിയില്‍ ലഭ്യമായ ഏക ഐപോഡ് മോഡലായ ഐപോഡ് ടച്ച് ചൊവ്വാഴ്ച പിന്‍വലിക്കുന്നതായി കമ്പനി പ്രഖ്യാപിച്ചതോടെ ഇനി ഐപോഡിന്‍റെ ഒരു മോഡലും വിപണിയില്‍ ഉണ്ടാവില്ല.

അന്ന് ഡിജിറ്റല്‍-ഇന്‍റര്‍നെറ്റ് യുഗത്തില്‍ സംഗീതാസ്വാദനത്തിനുള്ള ഒരു വലിയ വിടവാണ് ഐപോഡ് നികത്തിയത്. പക്ഷെ ഇപ്പോള്‍ സംഗീതം കേള്‍ക്കാന്‍, ലഭിക്കാന്‍ പല വഴികളുമുള്ളതിനാല്‍ ഐപോഡിന് പ്രസക്തിയില്ലെന്നാണ് ആപ്പിളിന്‍റെ വിലയിരുത്തല്‍.

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.