login
പാക്കിസ്ഥാനില്‍ അഭിമാനകരമായ നേട്ടം സ്വന്തമാക്കി സന രാമചന്ദ്; സെന്‍ട്രല്‍ സുപീരിയര്‍ സര്‍വീസ് പരീക്ഷ പാസായി, പിഎഎസ് ലഭിക്കുന്ന ഹിന്ദുവായ ആദ്യ വനിത

സിന്ധ് പ്രവിശ്യയിലെ ശികര്‍പുര്‍ ജില്ലയില്‍നിന്നുള്ള എംബിബിഎസ് ഡോക്ടറാണ് സന രാമചന്ദ്.

ഇസ്ലാമബാദ്: പാക്കിസ്ഥാനില്‍ അഭിമാനകരമായ നേട്ടം സ്വന്തമാക്കി ഹിന്ദു യുവതി. സെന്‍ട്രല്‍ സുപീരിയര്‍ സര്‍വീസസ്(സിഎസ്എസ്) പരീക്ഷയില്‍ വിജയം നേടി പാക്കിസ്ഥാന്‍ ഭരണസര്‍വീസിലേക്ക്(പിഎഎസ്) തെരഞ്ഞെടുക്കപ്പെട്ടു. സിന്ധ് പ്രവിശ്യയിലെ ശികര്‍പുര്‍ ജില്ലയില്‍നിന്നുള്ള എംബിബിഎസ് ഡോക്ടറാണ് സന രാമചന്ദ്. ഹിന്ദുക്കള്‍ കൂടുതലായുള്ള മേഖലകൂടിയാണ് സിന്ധ്. സന ഉള്‍പ്പെടെ 221 പേര്‍ സിഎസ്എസ് പരീക്ഷ പാസായി.  18,553 പേരായിരുന്നു പരീക്ഷയെഴുതിയത്. വിശദമായ മെഡിക്കല്‍, മാനസിക, അഭിമുഖ പരിശോധനകള്‍ക്കു ശേഷമായിരുന്നു അവസാനഘട്ട തെരഞ്ഞെടുപ്പ്. 

അവസാനവട്ട മൂല്യനിര്‍ണയം പൂര്‍ത്തിയായ ശേഷമാണ് വിഭാഗങ്ങള്‍ അനുവദിക്കുന്നത്. എല്ലാ അംഗീകാരവും മാതാപിതാക്കള്‍ക്കാണെന്ന് നേട്ടത്തിനു പിന്നാലെ സന രാമചന്ദ് ട്വീറ്റ് ചെയ്തു. ഏറ്റവും പുതിയ സിഎസ്എസ് പരീക്ഷയിലെ വിജയം വെറും രണ്ടുശതമാനം മാത്രം. അതുകൊണ്ടുതന്നെ പരീക്ഷയുടെ നിലവാരവും ഉദ്യോഗാര്‍ഥികള്‍ നേരിടുന്ന മത്സരവും ചെറുതല്ല. ഫെഡറല്‍ പബ്ലിക് സര്‍വീസ് കമ്മിഷനാണ് പരീക്ഷാ നടത്തിപ്പിന്റെ ചുമതല. പരീക്ഷയില്‍ മുന്നിലെത്തുന്നവര്‍ക്ക് പിഎഎസ് ലഭിക്കും. 

തൊട്ടു പിറകിലുളളവര്‍ക്കു പാക്കിസ്ഥാന്‍ പൊലീസ് സര്‍വീസും വിദേശ സര്‍വീസും മറ്റുള്ളവയും. പിഎഎസിലേക്ക് തെരഞ്ഞെടുക്കപ്പെട്ടവര്‍ ആദ്യം അസിസ്റ്റന്റ് കമ്മിഷണര്‍മാരായി നിയമിതരാകും. പിന്നീട് സ്ഥാനക്കയറ്റത്തിലൂടെ ജില്ലാഭരണത്തിന്റെ ചുമതലയുള്ള കമ്മിഷണര്‍മാരുടെ പദവിയിലെത്തും. പിഎഎസ് ലഭിക്കുന്ന ഹിന്ദുവായ ആദ്യ വനിതയാണ് സന രാമചന്ദ് എന്ന് ബിബിസി ഉറുദു റിപ്പോര്‍ട്ട് ചെയ്യുന്നു. 

സിന്ധ് പ്രവിശ്യയിലുള്ള ചന്ദ്ക മെഡിക്കല്‍ കോളജിലെ എംംബിബിഎസ് പഠനത്തിനുശേഷം സന കറാച്ചി സിവില്‍ ആശുപത്രിയില്‍ പരിശീലനം പൂര്‍ത്തിയാക്കി. നിലവില്‍ സിന്ധ് ഇന്‍സ്റ്റിറ്റ്യൂട്ട് ഓഫ് യൂറോളജി ആന്റ് ട്രാന്‍സ്‌പേരന്റില്‍ എഫ്‌സിപിഎസ് ചെയ്യുന്നു. ഉടന്‍തന്നെ അംഗീകൃത സര്‍ജനായി മാറും. നിരവധിര്‍ പേര്‍ സനയെ അഭിനന്ദിച്ച് സമൂഹമാധ്യമങ്ങളിലെത്തി.  

 

    comment

    LATEST NEWS


    ബയോളജിക്കല്‍ ഇയുടെ വാക്‌സിന്‍ പരീക്ഷണം മൂന്നാംഘട്ടത്തില്‍, ഓക്ടോബറില്‍ പുറത്തിറങ്ങിയേക്കും; 90 ശതമാനം ഫലപ്രാപ്തിയെന്ന് കണ്ടെത്തല്‍


    മഹാ വികാസ് അഘാദി സഖ്യത്തില്‍ വിള്ളല്‍ രൂക്ഷം; ഒറ്റയ്ക്ക് മത്സരിക്കാനാണ് കോണ്‍ഗ്രസ് തീരുമാനമെങ്കില്‍ എന്തു ചെയ്യണമെന്ന് അറിയാമെന്ന് ശിവസേന


    ജൂലൈ 31നകം സിബിഎസ്ഇ പന്ത്രണ്ടാം ക്ലാസ് ഫലപ്രഖ്യാപനം നടത്തും; മൂല്യനിര്‍ണ്ണയം 30:30:40 ഫോര്‍മുലയില്‍, ഇന്റേര്‍ണലിന് 40 ശതമാനം വെയിറ്റേജ്


    വനംകൊള്ളക്കേസ്: ഉദ്യോഗസ്ഥരും കരാറുകാരും ഗൂഢാലോചന നടത്തി; സര്‍ക്കാര്‍ ഉത്തരവുണ്ടെന്ന വ്യാജേന വ്യക്ഷങ്ങള്‍ മോഷ്ടിച്ചെന്ന് എഫ്‌ഐആര്‍


    ലക്ഷദ്വീപിനെതിരായ വ്യാജപ്രചാരണങ്ങള്‍ക്ക് കനത്ത തിരിച്ചടി; ഭരണപരിഷ്‌കാരങ്ങള്‍ക്കെതിരായ ഹര്‍ജി ഹൈക്കോടതി തള്ളി; നിലവിലുള്ളത് കരട്; സ്‌റ്റേ അനുവദിക്കില്ല


    അമ്മയെ കൊന്നു ഭക്ഷണമാക്കി കഴിച്ചു, ബാക്കി വളര്‍ത്തുനായക്ക് നൽകി, യുവാവിന് 15 കൊല്ലം തടവ് ശിക്ഷ, നഷ്ടപരിഹാരമായി 73,000 ഡോളറും നൽകണം


    ആദ്യം അച്ഛന്റെ കട കത്തിച്ചു; പിന്നാലെ മകളെ കുത്തിക്കൊന്നു; മലപ്പുറത്ത് ദൃശ്യയെ യുവാവ് കുത്തിക്കൊന്നത് പ്രണയാഭ്യര്‍ത്ഥന നിരസിച്ചതിന്


    ബയോവെപ്പണില്‍ ഐഷയും മീഡിയവണ്ണും തുറന്ന് പോരില്‍;റിസ്‌ക് ഏറ്റെടുക്കാമെന്ന് ഐഷ പറഞ്ഞെന്ന് നിഷാദ്; തെറ്റുപറ്റിയത് തിരുത്താന്‍ അവസരം നല്‍കിയില്ലെന്ന് ഐഷ

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.