×
login
ഇന്ത്യയിലേക്ക് കള്ള നോട്ടുകള്‍ എത്തിച്ചിരുന്ന പാക് ഐഎസ്‌ഐ ചാരന്‍ നേപ്പാളില്‍ വെടിയേറ്റ് മരിച്ചു; ദാവൂദ് ഇബ്രാഹിമിന്റെ ഗ്യാങ്ങുമായും ഇയാള്‍ക്ക് ബന്ധം

കാഠ്മണ്ഡു വിമാനത്താവളത്തിന് പുറത്തുവെച്ച് ലാല്‍ മുഹമ്മദിനെ അജ്ഞാത സംഘം വെടിവെയ്ക്കുകയായിരുന്നു. അക്രമികള്‍ ലാല്‍ മുഹമ്മദിനെ വെടിവച്ച് വീഴ്ത്തുന്നതിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്.

കാഠ്മണ്ഡു : ഇന്ത്യയിലേക്ക് കള്ള നോട്ടുകള്‍ എത്തിച്ചിരുന്ന പാക് ചാരന്‍ നേപ്പാളില്‍ വെടിയേറ്റ് മരിച്ചു. പാക്കിസ്ഥാന്‍ ചാര സംഘടനയായ ഐഎസ്‌ഐയ്ക്കുവേണ്ടി പ്രവര്‍ത്തിച്ചിരുന്ന മുഹമ്മദ് ദര്‍ജി എന്ന ലാല്‍ മുഹമ്മദ് (55) ആണ് നേപ്പാളില്‍ അജ്ഞാത സംഘത്തിന്റെ വെടിയേറ്റ് മരിച്ചത്.  

കഴിഞ്ഞ തിങ്കളാഴ്ചയാണ് സംഭവം. കാഠ്മണ്ഡു വിമാനത്താവളത്തിന് പുറത്തുവെച്ച് ലാല്‍ മുഹമ്മദിനെ അജ്ഞാത സംഘം വെടിവെയ്ക്കുകയായിരുന്നു. അക്രമികള്‍ ലാല്‍ മുഹമ്മദിനെ വെടിവച്ച് വീഴ്ത്തുന്നതിന്റെ സിസിടിവി ദൃശ്യങ്ങള്‍ പുറത്ത് വന്നിട്ടുണ്ട്. കാറിലേക്ക് കയറുന്നതിന് മുമ്പായിരുന്നു ആക്രമണം. രണ്ട് പേരാണ് സംഘത്തില്‍ ഉണ്ടായിരുന്നത്. വെടിയുതിര്‍ത്ത ശബ്ദം കേട്ട് ഇയാളുടെ മകന്‍ ഓടയെത്തി ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.


ഇന്ത്യയിലേക്ക് കള്ളനോട്ടുകള്‍ എത്തിക്കുകയാണ് ഇയാള്‍ പ്രധാനമായും ചെയ്തിരുന്നത്. പാക്കിസ്ഥാന്‍, ബംഗ്ലാദേശ് എന്നിവിടങ്ങളില്‍ നിന്നുള്ള കള്ളനോട്ടുകള്‍ ഇയാള്‍ ആദ്യം നേപ്പാളില്‍ എത്തിക്കും. അവിടെ നിന്ന് വിവിധ മാര്‍ഗം ഇന്ത്യയിലെത്തിച്ച് വിതരണം ചെയ്യുകയാണ് പതിവ്. ഐഎസ്ഐയുടെ നിര്‍ദ്ദേശപ്രകാരമാണ് ഇയാള്‍ രാജ്യത്തേക്ക് കള്ളനോട്ടുകള്‍ എത്തിച്ചിരുന്നത്. ദാവൂദ് ഇബ്രാഹിമിന്റെ ഡി- ഗ്യാങ്ങുമായും ഇയാള്‍ക്ക് ബന്ധമുണ്ടെന്നും സംശയമുണ്ട്.

 

    comment

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.