വാനനിരീക്ഷകര്ക്ക് സന്തോഷവാര്ത്ത. 2021ലെ അവസാനത്തെ സൂര്യഗ്രഹണവും ചന്ദ്രഗ്രഹണവും ഈ മാസം അവസാനവും അടുത്ത മാസം ആദ്യവുമായി നടക്കും. നവംബര് 19ന് ചന്ദ്രഗ്രഹണം നടക്കുമ്പോള് അടുത്ത മാസം നാലിനായിരിക്കും സൂര്യഗ്രഹണവും സംഭവിക്കുക.
സൂര്യന്റെ അഗ്രഭാഗങ്ങള് ചന്ദ്രനു ചുറ്റും ഒരു പ്രകാശ വലയമായി കാണപ്പെടുന്ന ഭാഗിക ഗ്രഹണമാണ് (ആനുലാര് എക്ലിപ്സ്) അടുത്ത മാസം നടക്കുക. ഇതിനെ വലയ ഗ്രഹണമെന്നും അറിയപ്പെടുന്നു. ആകാശത്ത് ഒരു അഗ്നിവലയം രൂപപ്പെടുന്ന കാഴ്ചയാണ് ഇത് സമ്മാനിക്കുക. സൂര്യനും ഭൂമിക്കും ഇടയില് ചന്ദ്രന് വരുമ്പോഴാണ് സൂര്യഗ്രഹണം സംഭവിക്കുക.
ഇത്തവണത്തെ ഭാഗിക സൂര്യഗ്രഹണം ദക്ഷിണാഫ്രിക്ക, അന്റാര്ട്ടിക്ക, ഓസ്ട്രേലിയ, തെക്കേ അമേരിക്ക, അറ്റ്ലാന്റിക് സമുദ്രത്തിന്റെ തെക്ക് ഭാഗം എന്നിവിടങ്ങളില് വ്യക്തമായി ദൃശ്യമാകും. എന്നാല് ഇന്ത്യയില് നിന്ന് ഇത് വ്യക്തമായി കാണാനാവില്ല.
സൂര്യഗ്രഹണം വീക്ഷിക്കാന് എക്ലിപ്സ് ഗ്ലാസുകള് ഉപയോഗിക്കണം. ഗ്രഹണ സമയത്ത് നഗ്നനേത്രങ്ങള് കൊണ്ട് സൂര്യനെ നോക്കാന് ശ്രമിക്കരുതെന്നും നാസ മുന്നറിയിപ്പു നല്കിയിട്ടുണ്ട്. കാഴ്ചക്കുറവുള്ളവര് അവരുടെ നിത്യോപയോഗ കണ്ണടകള്ക്കു മുകളില് എക്ലിപ്സ് ഗ്ലാസുകള് വച്ച് ഗ്രഹണം നിരീക്ഷിക്കാം.
അതേസമയം ഈ വര്ഷത്തിലെ രണ്ടാമത്തേതും അവസാനത്തേതുമായ ചന്ദ്രഗ്രഹണം നവംബര് 19 വെള്ളിയാഴ്ചയാണ് നടക്കുക. ഏകദേശം ആറ് മണിക്കൂര് നീണ്ടുനില്ക്കുന്ന ഒരു ഭാഗിക ചന്ദ്രഗ്രഹണമായിരിക്കും ഇത്. ഈ ഗ്രഹണവും ഇന്ത്യയുടെ വലിയൊരു ഭാഗത്തും ദൃശ്യമാകില്ല. പക്ഷെ വടക്ക്കിഴക്കന് സംസ്ഥാനങ്ങളായ അരുണാചല് പ്രദേശ്, അസാം എന്നിവിടങ്ങളില് ഇത് ദൃശ്യമാകും. യുഎസ്, വടക്കന് യൂറോപ്പ്, കിഴക്കന് ഏഷ്യ, ഓസ്ട്രേലിയ, പസഫിക് സമുദ്ര മേഖലയില് നിന്നും ചന്ദ്രഗ്രഹണം നിരീക്ഷിക്കാനാകും.
പ്രതികരിക്കാൻ ഇവിടെ എഴുതുക: