×
login
ഖുറാനെ അവഹേളിച്ച പ്രതിയെ വിട്ടുകിട്ടിയില്ല; അക്രമാസക്തരായ ജനക്കൂട്ടം പാകിസ്ഥാനിലെ സ്‌റ്റേഷനുകള്‍ക്ക് തീയിട്ടു (വീഡിയോ)

ജനക്കൂട്ടത്തെ പ്രതിരോധിക്കാന്‍ മറ്റു പോലീസ് സ്‌റ്റേഷനുകളില്‍ നിന്നും പോലീസ് ഇവിടേക്കെത്തിയെങ്കിലും സ്ഥിതിഗതികള്‍ നിയന്ത്രണ വിധേയമായിരുന്നില്ല.

കറാച്ചി: ഖുറാനെ അവഹേളിച്ചെന്നാരോപിച്ച് അറസ്റ്റ് ചെയ്യപ്പെട്ട വ്യക്തിയെ ജനങ്ങള്‍ക്കു വിട്ടുകിട്ടാത്തതില്‍ മതമൗലികവാദികള്‍ പോലീസ് സ്‌റ്റേഷന്‍ തീയിട്ടു. ഖൈബര്‍ പഖ്തൂണ്‍ഖ്വയിലെ ഛര്‍സാദ ജില്ലയിലാണ് സംഭവം.

ഖുറാനെ അവഹേളിച്ചെന്നാരോപിച്ച പോലീസ് അറസ്റ്റ് ചെയ്ത വ്യക്തിയെ ജനങ്ങള്‍ക്ക് കൈമാറണമെന്ന് ആവശ്യപ്പെട്ടുകൊണ്ട് ജനക്കൂട്ടം പോലീസ് സ്‌റ്റേഷന് പുറത്ത് ഒത്തുകൂടുകയായിരുന്നു. ഈ ആവശ്യം പോലീസ് നിഷേധിച്ചിരുന്നു. വൈകുന്നേരത്തോടെ ആള്‍ക്കൂട്ടത്തിന്റെ എണ്ണം വര്‍ധിക്കുകയും പോലീസ് സ്‌റ്റേഷന്‍ ആക്രമിക്കുകയും ചെയ്തു. പോലീസ് സ്‌റ്റേഷന്‍ തീകൊളുത്തുകയും, പാര്‍ക്ക് ചെയ്തിരുന്ന വാഹനങ്ങളും നശിപ്പിച്ചതായും മന്ത്രി പറഞ്ഞു.

പ്രതിയെ വിട്ടു നല്‍കാതെ പിരിഞ്ഞുപോകില്ലെന്നു ആവര്‍ത്തിച്ചു പറഞ്ഞുകൊണ്ട് ജനക്കൂട്ടം കൂടുതല്‍ അക്രമാസക്തരായി. ജനക്കൂട്ടത്തെ പ്രതിരോധിക്കാന്‍ മറ്റു പോലീസ് സ്‌റ്റേഷനുകളില്‍ നിന്നും പോലീസ് ഇവിടേക്കെത്തിയെങ്കിലും സ്ഥിതിഗതികള്‍ നിയന്ത്രണ വിധേയമായിരുന്നില്ല. ജനക്കൂട്ടത്തെ പിരിച്ചുവിടാന്‍ പോലീസ് കണ്ണീര്‍ വാതകം പ്രയോഗിക്കുകയും ആകാശത്തേക്ക് വെടിയുതിര്‍ക്കുകയും ചെയ്തു. പ്രതിയെ സുരക്ഷിതമായ സ്ഥലത്തേക്ക് മാറ്റാന്‍ പോലീസിന് കഴിഞ്ഞുവെന്ന് അദ്ദേഹം വ്യക്തമാക്കി അറസ്റ്റ് ചെയ്യപ്പെട്ട പ്രതിക്കെതിരെ നിയമപ്രകാരം നടപടിയെടുക്കും. നിയമം കൈയിലെടുക്കാന്‍ സര്‍ക്കാര്‍ ആരെയും അനുവദിക്കില്ലെന്നും അദ്ദേഹം പറഞ്ഞു. പ്രദേശത്ത് ഇപ്പോഴും സംഘര്‍ഷാവസ്ഥ നിലനില്‍ക്കുന്നുണ്ടെന്നും മന്ത്രി കൂട്ടിച്ചേര്‍ത്തു.

പ്രതിയെ നാട്ടുകാര്‍ക്ക് വിട്ടുകൊടുത്താല്‍ കൊലപ്പെടുത്തുമെന്ന് ഉറപ്പാണ്. അതുകൊണ്ട് ആക്രമം നടക്കുന്നതിന് മുന്നേ പ്രതിയെ മറ്റൊരു സ്‌റ്റേഷനിലേക്ക് സുരക്ഷിതമായി മാറ്റിയിരുന്നു. ഖുറാനെയും ഇസ്ലാം മതത്തേയും അവഹേളിക്കുന്നത് പാകിസ്താനില്‍ വധശിക്ഷ ലഭിക്കുന്ന കുറ്റമാണ്. മതനിന്ദയാരോപിച്ച് നിരവധി പേര്‍ക്കെതിരെ പാക് കോടതി ശിക്ഷ വിധിച്ചിട്ടുണ്ട്. പ്രതിയെ വിട്ടു കൊടുക്കാത്തതിന് മതമൗലികവാദികള്‍ ചേര്‍ന്ന് പോലീസ് സ്‌റ്റേഷന്‍ ആക്രമിക്കുന്നതും പാകിസ്താനില്‍ സാധാരണയായിരിക്കുകയാണ്. നാല് പോലീസ് പോസ്റ്റുകളും ജനങ്ങള്‍ തീയിട്ട് തകര്‍ത്തു. ഇതിന്റെ വീഡിയോ ദൃശ്യങ്ങളും പുറത്തുവന്നിട്ടുണ്ട്‌

    comment

    LATEST NEWS


    ഹൈക്കോടതി സിപിഐഎമ്മിന്റെ അഭിപ്രായം കേട്ടില്ല; വിധി കാസര്‍കോട് സമ്മേളനത്തിനെതിരെ; തൃശൂരിന് ബാധകമല്ലന്ന് കോടിയേരി ബാലകൃഷ്ണന്‍


    പദ്ധതിയില്‍ നിറയെ വളവുകള്‍; സില്‍വര്‍ലൈന്‍ സെമി ഹൈസ്പീഡ് ട്രെയിന്‍ 200 കിലോമീറ്റര്‍ വേഗത്തില്‍ ഓടിക്കാന്‍ കഴിയില്ലെന്ന് റെയില്‍വേ


    സേവാദര്‍ശന്‍ കൂവൈറ്റിന്റെ കര്‍മ്മയോഗി പുരസ്‌ക്കാരം പി ശ്രീകുമാറിന് സമ്മാനിച്ചു; കേരളത്തിന്റെ സമൃദ്ധിയുടെ സ്രോതസ്സ് പ്രവാസികളെന്ന് ഗോവ ഗവര്‍ണര്‍


    ആഗോള രാഷ്ട്ര നേതാക്കളില്‍ ജനപ്രീതിയില്‍ ഇപ്പോഴും മുന്നില്‍ മോദി തന്നെ; ഏറ്റവും പിന്നില്‍ ബ്രിട്ടന്‍റെ ബോറിസ് ജോണ്‍സണ്‍


    വീണ്ടും അഖിലേഷ് യാദവിന് തിരിച്ചടി; ബിജെപിയിലെത്തിയ മരുമകള്‍ അപര്‍ണ യാദവിനെ അനുഗ്രഹിക്കുന്ന മുലായം സിങ്ങ് യാദവിന്‍റെ ചിത്രം വൈറല്‍


    54 പേര്‍ക്ക് കൂടി ഒമിക്രോണ്‍ സ്ഥിരീകരിച്ചു; സംസ്ഥാനത്ത് ഇതുവരെ രോഗബാധിതരായത് 761 പേര്‍

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ, ഹിന്ദിയിലോ, ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.