login
സുഡാനിലെ ഇസ്ലാമിക സ്‌കൂളുകളില്‍ മനസ്സാക്ഷിയെ മരവിപ്പിക്കുന്ന ബാലപീഡനങ്ങള്‍; ദൃശ്യങ്ങള്‍ പുറത്തുവിട്ട് ബിബിസി

പ്രാദേശികമായി ഖല്‍വാ എന്നറിയപ്പെടുന്ന ഏകദേശം മുപ്പതിനായിരത്തോളം ഇസ്ലാമിക വിദ്യാലയങ്ങള്‍ സുഡാനില്‍ പ്രവര്‍ത്തിക്കുന്നു.

ലണ്ടന്‍:സുഡാനിലെ മത വിദ്യാലയങ്ങളില്‍ മനസ്സാക്ഷിയെ മരവിപ്പിക്കുന്ന ബാല പീഡനങ്ങള്‍ അരങ്ങേറുന്നതായി ബിബിസി നടത്തിയ അന്വേഷണത്തില്‍ കണ്ടെത്തി. കേവലം അഞ്ചു വയസ്സുകാരായ കുട്ടികളെ പോലും ചങ്ങലയ്ക്കിടുകയും പീഡിപ്പിക്കുകയും ചെയ്യുന്നതായി ബിബിസി ന്യൂസ് അറബിക്കിന്റെ 'The Schools that Chain Boys' എന്ന ഡോക്യുമെന്ററി വെളിപ്പെടുത്തുന്നു.  

പ്രാദേശികമായി ഖല്‍വാ എന്നറിയപ്പെടുന്ന ഏകദേശം മുപ്പതിനായിരത്തോളം ഇസ്ലാമിക വിദ്യാലയങ്ങള്‍ സുഡാനില്‍ പ്രവര്‍ത്തിക്കുന്നു. ബിബിസി ന്യൂസ് അറബിക്കിന്റെ റിപ്പോര്‍ട്ടര്‍മാര്‍ പതിനെട്ടു മാസങ്ങളോളം ചെലവഴിച്ച് ചിത്രീകരിച്ച വാര്‍ത്താ ചിത്രത്തില്‍ മനുഷ്യാവകാശ, ബാലാവകാശ ലംഘനങ്ങളുടെ ഞെട്ടിപ്പിയ്ക്കുന്ന ദൃശ്യങ്ങളാണ് ഉള്ളത്.  

ചെറിയ ആണ്‍കുട്ടികളെ ചങ്ങലയ്ക്കിട്ടും, ചൂഷണം ചെയ്തും, മര്‍ദ്ദിച്ചും നിര്‍ബന്ധിത മതപഠനത്തിന് വിധേയമാക്കുന്നതായി ഫത്തേ അല്‍ - രഹ്മാന്‍ റിപ്പോര്‍ട്ട് ചെയ്യുന്നു. രോഗികളായവരെ ചികില്‍സകള്‍ നിഷേധിച്ച് നട തള്ളുന്നതും സാധാരണമാണ്. ഭീകരമായ മര്‍ദ്ദനത്തിന്റെ ഫലമായി കുട്ടികള്‍ പലപ്പോഴും ജീവശ്ശവങ്ങളായി മാറാറുണ്ട്.  

ഇസ്ലാമിക സ്‌കൂളുകളില്‍ ചെറിയ കുട്ടികളെ ലൈംഗിക പീഡനത്തിന് ഇരയാക്കുന്നത് സാധാരണമാണ്. ചിത്രത്തില്‍ പ്രത്യക്ഷപ്പെടുന്ന മുഹമ്മദ് നാദെറും ഇസ്മായിലും സാക്ഷ്യപ്പെടുത്തുന്നു. ഖല്‍വയിലെ ഏറ്റവും ഭയാനകമായ പീഡനം ബലാത്സംഗമാണ്.  

ഒമര്‍ അല്‍ ബാഷിറിന്റെ ഇസ്ലാമിക സര്‍ക്കാര്‍ പുറത്തായതോടെ നീതി ലഭിയ്ക്കുമെന്ന പ്രതീക്ഷ ഉയര്‍ന്നിട്ടുണ്ട്. മുഹമ്മദിന്റെ അമ്മ പറയുന്നു. 'മതമൌലിക വാദികളുടെ സന്തോഷത്തിനായി ഞങ്ങള്‍ ഞങ്ങളുടെ കുട്ടികളെ ബലികൊടുക്കണോ ?' അവര്‍ ചോദിയ്ക്കുന്നു.  

ഇതേപ്പറ്റി ചോദിയ്ക്കുമ്പോള്‍ 'ഞങ്ങളുടെ സ്ഥാപനത്തില്‍ മാത്രമല്ല, ഏതാണ്ടെല്ലാ ഖല്‍വകളും ചങ്ങലയ്ക്കിടാറുണ്ട്' എന്ന വിചിത്രമായ ഉത്തരമാണ് മതനേതാക്കളായ ഷെയ്ക്കുമാരില്‍ നിന്ന് ബിബിസി ന്യൂസ് അറബിക്കിന്റെ റിപ്പോര്‍ട്ടര്‍മാര്‍ക്ക് കിട്ടുന്നത്.  

മാസങ്ങള്‍ നീണ്ടു നിന്ന അന്വേഷണത്തിന്റെ റിപ്പോര്‍ട്ട് തിങ്കളാഴ്ചയാണ് ഡോക്യുമെന്ററി രൂപത്തില്‍ ബിബിസി പുറത്തു വിട്ടത്.

https://www.youtube.com/watch?v=jhzbpuM9jYA

    comment

    LATEST NEWS


    ഗണേഷ് കുമാറിനെതിരേ സിപിഎം നേതൃത്വത്തെ സമീപിച്ച് സഹോദരി; അച്ഛന്റെ സ്വത്തുക്കള്‍ തട്ടിയെടുത്തു; സരിത ബന്ധവും ചര്‍ച്ച; ആദ്യ ടേം മന്ത്രിസ്ഥാനം ഒഴിവാക്കി


    രാഷ്ട്രീയക്കാര്‍ പ്രതിയാകുമ്പോള്‍ ജനങ്ങളെ ഉപയോഗിച്ച് ഉദ്യോഗസ്ഥരെ ഭയപ്പെടുത്തുന്നത് അംഗീകരിക്കില്ല; മമതയ്ക്ക് ബംഗാള്‍ ഹൈക്കോടതിയുടെ രൂക്ഷ വിമര്‍ശനം


    പശുക്കള്‍ക്ക് കുളമ്പുരോഗം പടരുന്നു; കർഷകർ പാൽ കറന്ന് കളയുന്നു, സർക്കാർ ആശുപത്രി ഉണ്ടെങ്കിലും ഡോക്ടർമാരില്ല


    മാരാരിക്കുളം തെക്ക് പഞ്ചായത്തില്‍ സിപിഎം സെല്‍ഭരണം, ബിജെപി സ്ഥാനാര്‍ത്ഥിയായി മത്സരിച്ച വനിതയ്ക്ക് വൈദ്യുതി കണക്ഷന്‍ നല്‍കുന്നില്ല


    ഇസ്രയേലിനെ ആക്രമിക്കാന്‍ അയച്ച ആറു മിസൈലുകളും സ്വന്തം രാജ്യത്ത് തന്നെ പതിച്ചു; ഇസ്രയേലിന്റെ തിരിച്ചടിയില്‍ വിറങ്ങലിച്ച് ലെബനന്‍


    ആലപ്പുഴയിൽ കനത്ത മഴയിലും കാറ്റിലും 29 വീടുകള്‍ പൂര്‍ണമായി തകര്‍ന്നു, 653 വീടുകള്‍ക്ക് ഭാഗികനാശം


    ചീറിപ്പായുന്നു ടാങ്കർ ലോറികൾ :അപകടക്കെണിയൊരുക്കി ദേശീയപാത, ഒരു മാസത്തിനിടെ അപകടത്തിൽപ്പെട്ടത് മൂന്ന് ടാങ്കർ ലോറികൾ


    പാലസ്തീന് ഐക്യദാര്‍ഢ്യവുമായി ഖത്തര്‍; ധനസഹായം പ്രഖ്യാപിച്ചതിന് പിന്നാലെ ഗാസ റെഡ്ക്രസന്റ് ഓഫീസ് ഇസ്രയേല്‍ ഷെല്‍ ആക്രമണത്തില്‍ തകര്‍ത്തു

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.