login
മുക്കുപണ്ടം വച്ച് സ്വര്‍ണ വായ്പയെടുക്കാന്‍ ശ്രമിച്ച യുവതിക്കെതിരെ കേസെടുത്തു

മുക്കുപണ്ടം വച്ച് സ്വര്‍ണ വായ്പയെടുക്കാന്‍ ശ്രമിച്ച യുവതിക്കെതിരെ അഗളി പോലീസ് കേസെടുത്തു.

അഗളി: മുക്കുപണ്ടം വച്ച് സ്വര്‍ണ വായ്പയെടുക്കാന്‍ ശ്രമിച്ച യുവതിക്കെതിരെ അഗളി പോലീസ് കേസെടുത്തു. അഗളി രാജീവ് കോളനിയിലെ ഭദ്രന്റ ഭാര്യ സുധക്കെതിരെയാണ് ഗൂളിക്കടവ് ഇന്‍ഡല്‍ ബാങ്ക് മാനേജരുടെ പരാതിയെ തുടര്‍ന്ന് കേസെടുത്തത്. 7.5 ലക്ഷം രൂപ ഇവര്‍ തട്ടിയെടുത്തതായാണ് പരാതിയുള്ളത്.

ഒരു വര്‍ഷം മുന്‍പ് സുധ 40 പവന്‍ ആഭരണം അഗളി സ്റ്റേറ്റ് ബാങ്കില്‍ ഈട് നല്‍കി ഏഴര ലക്ഷം രൂപ വായ്പ എടുത്തിരുന്നു. കാലാവധി പൂര്‍ത്തിയായതോടെ ഇത് തിരികെ എടുക്കുവാന്‍ ബാങ്ക് ആവശ്യപ്പെട്ടു. തുടര്‍ന്ന് ഐന്‍ഡല്‍ ബാങ്കിന്റെ സഹായത്തോടെ ഇവര്‍ സ്വര്‍ണം തിരിച്ചെടുത്തു. ഇന്‍ഡല്‍ ബാങ്ക് നടത്തിയ പരിശോധനയിലാണ് സ്വര്‍ണം മുക്കുപണ്ടമാണെന്ന് തെളിഞ്ഞത്. വരും ദിവസങ്ങളില്‍ കൂടുതല്‍ അന്വേഷണവും തെളിവെടുപ്പും ഉണ്ടാകുമെന്ന് അഗളി പോലീസ് അറിയിച്ചു.

 

comment

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.