തിരുവനന്തപുരം: മോഹന്ലാല്- ആന്റണി പെരുംമ്പാവൂര് കൂട്ടുകെട്ടിലുള്ള ആശിര്വാദ് സിനിമാ ശൃഖല കൂടുതല് വിപുലമാക്കുന്നു. ഇതിന്റെ ഭാഗമായി മാന്നാര് ഗ്രാന്ഡ് മാളില് തുടങ്ങിയ മള്ട്ടി പ്ലക്സ് തിയറ്ററുകള് നാളെ തുറക്കും. മൂന്നു സ്ക്രീനുകളാണ് ഗ്രാന്ഡ് മാളില് ഒരുക്കിയിരിക്കുന്നത്. രാവിലെ ഒന്പതിന് ഉദ്ഘാടന ചിത്രമായി പ്രദര്ശിപ്പിക്കുന്നത് വിജയിയുടെ ‘മാസ്റ്റര്’ സിനിമയാണ്.
പത്തനാപുരം പഞ്ചായത്തു ഷോപ്പിംഗ് മാളില് ആശീര്വാദ് സിനിമാസിന്റെ ആധുനിക സംവിധാനങ്ങളോടെയുള്ള മൂന്നു സ്ക്രീനുകള് ഉടന് പൂര്ത്തിയാവും. കേരളത്തില് എമ്പാടും തിയറ്റര് ശൃഖല ശക്തമാക്കാനുള്ള ശ്രമങ്ങളാണ് ആശിര്വാദ് നടത്തുന്നത്. എല്ലാ തിയറ്ററുകളിലും ആധുനിക രീതിയിലുള്ള സംവിധാനങ്ങളാണ് ഒരുക്കിയിരിക്കുന്നത്.
പ്രതികരിക്കാൻ ഇവിടെ എഴുതുക: