പാലക്കാട്: മഹാകവി അക്കിത്തം അച്യുതന് നമ്പൂതിരിക്ക് ഭാരതീയ ജ്ഞാനപീഠ പുരസ്കാരം നാളെ ഉച്ചക്ക് 12ന് കവിയുടെ കുമരനെല്ലൂരിലെ വീട്ടില് ചേരുന്ന ചടങ്ങില് സമര്പ്പിക്കും. മുഖ്യമന്ത്രി പിണറായി വിജയന് ഓണ്ലൈനായി ഉദ്ഘാടനം ചെയ്യം. സാംസ്കാരിക വകുപ്പ് മന്ത്രി എ.കെ. ബാലന് മുഖ്യമന്ത്രിക്ക് വേണ്ടി പുരസ്കാര സമര്പ്പണം നടത്തും. എം.ടി. വാസുദേവന് നായര്, ജ്ഞാനപീഠ സെലക്ഷന് കമ്മിറ്റി ചെയര്പേഴ്സണ് പ്രതിഭാ റോയ്, ഭാരതീയ ജ്ഞാനപീഠം ഡയറക്ടര് മധുസൂദനന് ആനന്ദ്, പിആര്ഒ ദേബബ്രത ഗോസ്വാമി എന്നിവര് ഓണ്ലൈനിലൂടെ സംസാരിക്കും. ആത്മാരാമന് തയാറാക്കിയ അക്കിത്തത്തിന്റെ സചിത്ര ജീവചരിത്രഗ്രന്ഥം ചടങ്ങില് പ്രകാശനം ചെയ്യും.
തപസ്യ സംസ്ഥാന അധ്യക്ഷന് മാടമ്പ് കുഞ്ഞുകുട്ടന്, ഇ.ടി. മുഹമ്മദ് ബഷീര് എംപി, വി.ടി. ബല്റാം എംഎല്എ, ജില്ലാ കളക്ടര് ഡി. ബാലമുരളി, കേരളസാഹിത്യ അക്കാദമി പ്രസിഡന്റ് വൈശാഖന്, സെക്രട്ടറി ഡോ.കെ.പി. മോഹനന്, കപ്പൂര് ഗ്രാമപഞ്ചായത്ത് പ്രസിഡന്റ് സിന്ധു മാവറ, ഡോ. ചാത്തനാത്ത് അച്യുതനുണ്ണി, സാംസ്കാരിക വകുപ്പ് ഡയറക്ടര് ടി.ആര്. സദാശിവന് നായര്, വി.ടി. വാസുദേവന്, പ്രഭാവര്മ, പ്രൊഫ.എം.എം. നാരായണന്, ആലങ്കോട് ലീലാകൃഷ്ണന്, പി.പി. രാമചന്ദ്രന്, പി. സുരേന്ദ്രന് തുടങ്ങിയവര് പങ്കെടുക്കും. കൊറോണ മാനദണ്ഡങ്ങള്ക്ക് വിധേയമായി പരമാവധി ജനപങ്കാളിത്തം കുറച്ചാണ് ചടങ്ങ്.
പ്രതികരിക്കാൻ ഇവിടെ എഴുതുക: