login
കാട്ടില്‍ മാത്രമല്ല കഞ്ചാവുകൃഷി, പുറമ്പോക്കിലുമുണ്ട്; കൊച്ചിയില്‍ വഴിയരികില്‍ ചെടികള്‍ കണ്ടെത്തിയത് ഒന്നിലേറെ പ്രദേശങ്ങളില്‍

എറണാകുളം തൃപ്പൂണിത്തുറ ഭാഗങ്ങളില്‍ കഴിഞ്ഞമാസം ഒന്നു മുതല്‍ നടത്തിയ പരിശോധനയില്‍ അഞ്ചിലേറെ ഇടങ്ങളില്‍ വഴിയരികില്‍ വളര്‍ന്നുനില്‍ക്കുന്ന കഞ്ചാവ് ചെടി കണ്ടെത്തി

കൊച്ചി: പഴയതുപോലെ കാട്ടില്‍ മാത്രമല്ല ഇപ്പോള്‍ കഞ്ചാവുകൃഷിയുള്ളത്. അല്‍പം വ്യത്യസ്തമായ രീതിയില്‍ നാട്ടിലും നടക്കുന്നുണ്ട്. നിങ്ങള്‍ സഞ്ചരിക്കുന്ന റോഡിന്റെ ഇരുവശങ്ങളില്‍ കാടിനൊപ്പം വളര്‍ന്നുനില്‍ക്കുന്ന ചെടികളില്‍ കഞ്ചാവമുണ്ടെന്ന് തോന്നിയാല്‍ അതു വെറുമൊരു സംശയം മാത്രമായി കൂടെന്നില്ല. എറണാകുളം തൃപ്പൂണിത്തുറ ഭാഗങ്ങളില്‍ കഴിഞ്ഞമാസം ഒന്നു മുതല്‍ നടത്തിയ പരിശോധനയില്‍ അഞ്ചിലേറെ ഇടങ്ങളില്‍ വഴിയരികില്‍ വളര്‍ന്നുനില്‍ക്കുന്ന കഞ്ചാവ് ചെടി കണ്ടെത്തി. 

തൃപ്പൂണിത്തുറ എക്‌സൈസ് റേഞ്ച് ഇന്‍സ്‌പെക്ടര്‍ ബിജു വര്‍ഗീസ് ഓണ്‍ലൈന്‍ മാധ്യമത്തോട് ഇക്കാര്യം സ്ഥിരീകരിക്കുകയും ചെയ്തു. തൃപ്പൂണിത്തുറ റെയില്‍വേ സ്റ്റേഷന്‍ റോഡില്‍ നാലു ചെടികള്‍ ആദ്യം കണ്ടെത്തി. പിന്നാലെ ഉദയം പേരൂര്‍ കണ്ടനാട് ഭാഗത്ത് വിശുദ്ധ മാര്‍ത്ത മറിയം പള്ളിയുടെ സമീപമുള്ള തിരക്കേറിയ റോഡരികില്‍ കണ്ടെത്തിയ രണ്ട് ചെടികള്‍ക്ക് നാലുമാസം പ്രായമുണ്ടായിരുന്നു. ജമന്തിയുള്‍പ്പെടെയുള്ള ചെടികള്‍ക്കൊപ്പമായിരുന്നു ഇവ നിന്നിരുന്നത്. അതുകൊണ്ടുതന്നെ ഒറ്റനോട്ടത്തില്‍ സംശയം തോന്നില്ല. 

എന്നാല്‍ അങ്ങനെ തോന്നിയ ഒരാളാണ് എക്‌സൈസുമായി ബന്ധപ്പെട്ടത്. സമാനരീതിയില്‍ തിരുവാങ്കുളം, കിടങ്ങ് ഷാപ്പ് പരിസരം, ഉദയംപേരൂര്‍ ഗ്യാസ് ബോട്ടിലിംഗ് പ്ലാന്റ് പ്രദേശം എന്നിവടങ്ങളിലെ റോഡരികില്‍നിന്നെല്ലാം ചെടികള്‍ കണ്ടെത്തിയിട്ടുണ്ട്. തിരുവാങ്കുളത്ത് നശിപ്പിച്ചത് ഏഴു കഞ്ചാവുചെടികളായിരുന്നു. പ്രദേശത്ത് ലഹരി ഉപയോഗിക്കുന്ന സംഘം കഞ്ചാവ് എത്തിക്കുന്നവരില്‍നിന്ന് വിത്ത് ശേഖരിച്ച് ചെയ്ത പണിയാണെന്ന നിഗമനത്തിലാണ് എക്‌സൈസ്. 

വഴിയരികില്‍ നട്ടുവളര്‍ത്തിയാല്‍ പിടിവീഴില്ലെന്ന ചിന്തയാകാം പിന്നില്‍ പ്രവര്‍ത്തിച്ചവരെ ഇതിന് പ്രോരിപ്പിച്ചിരിക്കുക. ഒപ്പം വെള്ളവും വളക്കൂറുമുള്ള മണ്ണ് വഴിയോര പ്രദേശത്തുണ്ട്. എട്ടുമാസംകൊണ്ട് പൂര്‍ണ വളര്‍ച്ചയെത്തി പൂവിടുകയും ചെയ്യും. കാട്ടു ചെടികള്‍ക്കിടയില്‍ കഞ്ചാവ് നില്‍ക്കുന്നത് കണ്ണില്‍ പെടുകയുമില്ല. വളര്‍ന്നുകിട്ടിയാല്‍ വെട്ടിയെടുത്ത് ഉണക്കിയെടുത്ത് ഉപയോഗിക്കുകയും ചെയ്യാം. അന്വേഷണം നടക്കുന്നതായി എക്‌സൈസ് ഇന്‍സ്‌പെക്ടര്‍ അറിയിച്ചു. പ്രതികളെക്കുറിച്ച് സൂചന ലഭിച്ചിട്ടുണ്ടെന്നും അദ്ദേഹം പറയുന്നു. കഞ്ചാവ് ഉപയോഗിച്ചതിന് ഉദയംപേരൂരില്‍ മുന്‍പ് ചിലര്‍ പിടിയിലായിട്ടുണ്ട്.  

 

 

comment

LATEST NEWS


നാം നേടിയെടുത്ത സ്വാതന്ത്ര്യം; ഭാരതീയ കിസാന്‍ സംഘ് കേരള ഘടകം റിപ്പബ്ലിക് ദിനം ഭാരതമാതാ ദിനമായി ആചരിക്കുന്നു


കോണ്‍ഗ്രസിലെ ഹിന്ദുക്കളോട്


കമ്മ്യൂണിസ്റ്റ് പാര്‍ട്ടിയുടെ നേപ്പാളിലെ 'കറിവേപ്പില' കെപി ശര്‍മ്മ ഒലി; പ്രധാനമന്ത്രിയെ സ്വന്തം പാര്‍ട്ടിയില്‍ നിന്ന് പുറത്താക്കി; അസാധാരണ നീക്കങ്ങള്‍


ഇനി പോരാട്ടം ഇംഗ്ലണ്ടുമായി


കേരള കോണ്‍ഗ്രസിന്റെ സീറ്റില്‍ നോട്ടമിട്ട് കോണ്‍ഗ്രസും ജോസഫും


കെ.വി. തോമസ് പിന്മാറി; ഇളിഭ്യരായി സിപിഎമ്മും കോണ്‍ഗ്രസും


താലിബാനെ നേരിടാന്‍ ബൈഡന്‍; ട്രംപ് ഉണ്ടാക്കിയ സമാധാന കരാര്‍ റദ്ദാക്കുന്നു; അഫ്ഗാന് മുന്നറിയിപ്പ് നല്‍കി വൈറ്റ് ഹൗസ്; കാശ്മീരില്‍ ഇന്ത്യയ്ക്ക് നേട്ടം


ശമ്പളക്കുടിശിക; ഡോക്ടര്‍മാര്‍ സമരത്തിന്

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.