login
ഇന്ത്യന്‍ സൈന്യം പ്രതിരോധം കടുപ്പിച്ചു; ലഡാക്കില്‍ നിന്ന് സൈന്യത്തെ പിന്‍വലിച്ച് ലിപുലേക് അതിര്‍ത്തിയിലേക്ക് മാറ്റി വിന്യസിച്ച് ചൈന

ഇന്ത്യയുമായി അതിര്‍ത്തി തര്‍ക്കത്തില്‍ നേപ്പാള്‍ ഭൂപടം മാറ്റിവരച്ചതില്‍ പെട്ട സുപ്രധാന സ്ഥലങ്ങളിലൊന്നാണ് ലിപുലേക്. അവിടെ യഥാര്‍ത്ഥ നിയന്ത്രണ രേഖയ്ക്കടുത്ത് ഉത്തരാഖണ്ഡിലെ ലിപുലേക് ചുരത്തിന്റെ ഭാഗത്താണ് ചൈനയുടെ സൈനിക നീക്കം നടക്കുന്നത്.

ശ്രീനഗര്‍ : ഇന്ത്യന്‍ സൈന്യം പ്രതിരോധം കടുപ്പിച്ചതോടെ ലഡാക്കില്‍ നിന്നും സൈന്യത്തെ മാറ്റി ചൈന. ലാഡാക്ക് അതിര്‍ത്തിയില്‍ നിന്നും പിന്‍വലിച്ച് ഉത്തരാഖണ്ഡിന്റേയും നേപ്പാളിന്റെയും അതിര്‍ത്തിയായ ലിപുലേക്കിലേക്കാണ് ഇപ്പോള്‍ സൈന്യത്തെ വിന്യസിക്കുന്നത്.  

ഇന്ത്യയുമായി അതിര്‍ത്തി തര്‍ക്കത്തില്‍ നേപ്പാള്‍ ഭൂപടം മാറ്റിവരച്ചതില്‍ പെട്ട സുപ്രധാന സ്ഥലങ്ങളിലൊന്നാണ് ലിപുലേക്. അവിടെ യഥാര്‍ത്ഥ നിയന്ത്രണ രേഖയ്ക്കടുത്ത് ഉത്തരാഖണ്ഡിലെ ലിപുലേക് ചുരത്തിന്റെ ഭാഗത്താണ് ചൈനയുടെ സൈനിക നീക്കം നടക്കുന്നത്. നേപ്പാള്‍ അതിര്‍ത്തിയില്‍ ഇന്ത്യ സൈനിക നീക്കം ശക്തമാക്കിയതോടെ നേപ്പാള്‍ താല്‍ക്കാലികമായി നിര്‍മ്മിച്ച എല്ലാ സൈനിക ക്യാമ്പുകളും പൊളിച്ചുമാറ്റി പിന്മാറിയിരുന്നു.

മെയ് മാസത്തിലാണ് ലഡാക്കിലെ പ്രദേശങ്ങളില്‍ നിന്നും പിന്തിരിയുമെന്ന് ചൈന ആദ്യം പറഞ്ഞത്. എന്നാല്‍ ചൈന ജൂണ്‍ 15ന് ഗാല്‍വാന്‍ മലനിരകളില്‍ കയറി അതിര്‍ത്തികടക്കാന്‍ ശ്രമിച്ചെങ്കിലും ഇന്ത്യന്‍ സൈന്യം അത് തകര്‍ത്തു. പിന്നീട് ഇരു സൈന്യത്തിന്റേയും ഉന്നതതല ചര്‍ച്ചയിലാണ് അതിര്‍ത്തിയില്‍ നിന്നും സൈന്യത്തെ പിന്‍വലിക്കാന്‍ താരുമാനിച്ചത്. ദേശീയ സരുക്ഷാ ഉപദേഷ്ടാവ് അജിത് ഡോവലിന്റെ നീക്കമായിരുന്നു അതിര്‍ത്തിയില്‍ നിന്ന് ചൈനയുടെ പിന്മാറ്റത്തിന് കാരണമായത്.  

അതിനിടെ ചൈനയ്്‌ക്കെതിരെ ഇന്ത്യ അതിര്‍ത്തിയില്‍ ശക്തമായ പ്രതിരോധം തീര്‍ത്ത് സ്ഥിരം കേന്ദ്രങ്ങള്‍ ഒരുക്കി. അത്യാധുനിക ടെന്റുകളും ബങ്കറുകളുമാണ് ലഡാക് അതിര്‍ത്തിയില്‍ ഇന്ത്യ ഒരുക്കിയിരിക്കുന്നത്. പ്രദേശത്ത് നിലയുറപ്പിച്ചിരിക്കുന്ന സൈനികര്‍ക്ക് കൊടും തണുപ്പിനെ അതിജീവിക്കാനായുള്ള പ്രത്യേക കമ്പിളികള്‍ എത്തിക്കാനും കേന്ദ്ര സര്‍ക്കാര്‍ നിര്‍്‌ദ്ദേശം നല്‍കി.  

കൊടുംതണുപ്പില്‍ സൈനികര്‍ സ്ഥിരമായിക്കഴിയുന്ന റഷ്യ, യൂറോപ്പിലെ ചില മേഖലകള്‍, അമേരിക്ക എന്നീ രാജ്യങ്ങളുടെ സഹായവും പ്രതിരോധമന്ത്രാലയം തേടി കഴിഞ്ഞു. എല്ലാ രാജ്യത്തേയും പ്രതിരോധ അറ്റാഷേകളോടാണ് മികച്ച കമ്പിളി ജാക്കറ്റുകളും മറ്റ് അനുബന്ധ ഉപകരണങ്ങളും, ടെന്റ് നിര്‍മ്മാണ സാമഗ്രികളും കണ്ടെത്താനാണ് കേന്ദ്രം ആവശ്യപ്പെട്ടിരിക്കുന്നത്.  

കൊടും തണുപ്പില്‍ സൈനികര്‍ ദീര്‍ഘകാലം കഴിയുന്ന റഷ്യയിലാണ് മികച്ച വസ്ത്രങ്ങളുണ്ടാവുക എന്നാണ് വിദഗ്ധരുടെ വിലയിരുത്തല്‍.  

അതേസമയം ലോകത്തിന്റെ വിവിധ മേഖലകളില്‍ സേവനത്തിന് നിയോഗിക്കുന്ന സഖ്യസേനാ വ്യൂഹത്തിനായി അമേരിക്ക നിര്‍മിക്കുന്ന വസ്ത്രങ്ങളും അതീവഗുണമേന്മയുള്ളവയാണെന്നും കണ്ടെത്തിയിട്ടുണ്ട്.

 

comment

LATEST NEWS


പത്തനംതിട്ടയില്‍ രക്ഷാ പ്രവര്‍ത്തനങ്ങള്‍ക്കായി മത്സ്യതൊഴിലാളികള്‍ പുറപ്പെട്ടു; പുറപ്പെടാന്‍ സജ്ജരായി അഞ്ച് വള്ളങ്ങള്‍ കൂടി


ജില്ലയില്‍ ഇന്നലെ 41 പേര്‍ക്ക് കോവിഡ്, 30 പേര്‍ക്ക് സമ്പര്‍ക്കം വഴി; 38 പേര്‍ക്ക് രോഗമുക്തി


അനധികൃത വയല്‍നികത്തല്‍; ശ്രീനാരായണപുരത്തെ മുപ്പതോളം വീടുകളില്‍ വെള്ളം കയറിയെന്ന് പരാതി


കൊറോണ വിലക്കുകള്‍ ലംഘിച്ച് വെള്ളപ്പൊക്കം ആഘോഷിച്ച് പാലാ ബിഷപ്പും വൈദികരും; നീന്തിത്തുടിക്കാനിറിങ്ങിയത് സംസ്ഥാന പാതയില്‍; വിമര്‍ശനവുമായി വിശ്വാസികള്‍


കേരളത്തെ നടുക്കിയ കരിപ്പൂര്‍ വിമാനാപകടം: കോഴിക്കോട് ജില്ലയില്‍ ഒന്‍പത് മരണം


കരിപ്പൂര്‍ വിമാന അപകടം: ജീവിതത്തിന്റെ രണ്ടറ്റം കൂട്ടിമുട്ടിക്കാന്‍ ഓട്ടമായിരുന്നു ജാനകിക്ക്; ഇപ്പോള്‍ ചേതനയറ്റു


അവസാനമായി ഒരു സെല്‍ഫിയുംപ്രാര്‍ത്ഥിക്കണമെന്ന സന്ദേശവും; ഷറഫുദ്ദീന്‍ അറിഞ്ഞില്ല അത് തന്റെ അവസാന യാത്രയാണെന്ന്


റെഡ് അലര്‍ട്ട് നല്‍കാതെ പമ്പ ഡാം തുറന്നു; ആറു ഷട്ടറുകള്‍ രണ്ടടി ഉയര്‍ത്തി; അഞ്ചു മണിക്കൂറിനുള്ളില്‍ വെള്ളം റാന്നിയില്‍; നാളെ രാവിലെ തിരുവല്ലയില്‍

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.