login
പിന്നില്‍ വന്‍ റാക്കറ്റ് ; രോഗഭീഷണിയുയര്‍ത്തി ആന്ധ്രാ പന്നിയിറച്ചി വിപണിയില്‍, നടപടി എടുക്കാതെ ആരോഗ്യ വകുപ്പ്

30-40 കിലോഗ്രാം തൂക്കം വരുന്ന പന്നികളാണ് ആന്ധ്രയില്‍ ഏറെയും. കക്കൂസ് മാലന്യങ്ങളും ഓടകളിലെ മാലന്യവുമാണ് ഇവയുടെ പ്രധാനഭക്ഷണം. അലഞ്ഞു തിരിഞ്ഞു നടക്കുന്നവയായതിനാല്‍ പലതരത്തിലുള്ള രോഗങ്ങളുണ്ടാകാനും സാധ്യതയുണ്ട്.

പയ്യാവൂര്‍: രോഗഭീഷണിയുയര്‍ത്തി ആന്ധ്രാ പന്നിയിറച്ചി വിപണിയില്‍ വ്യാപകം. മൃഗസംരക്ഷണ വകുപ്പ്, ആരോഗ്യവകുപ്പ് എന്നിവ നടപടിയെടുക്കാത്തത് കടുത്ത ആരോഗ്യപ്രശ്‌നത്തിന് കാരണമാകുന്നു. ആന്ധ്രാപ്രദേശിലെ ഓടകളില്‍ നിന്നും മാലിന്യങ്ങള്‍ തിന്ന് അലഞ്ഞുതിരിയുന്ന പന്നികളെ കുറഞ്ഞവിലക്ക് വാങ്ങി ഇവിടെയെത്തിച്ച് വന്‍ ലാഭം കൊയ്യുന്ന സംഘമാണ് മലയോരമേഖല കേന്ദ്രീകരിച്ച് പ്രവര്‍ത്തിക്കുന്നത്. 

30-40 കിലോഗ്രാം തൂക്കം വരുന്ന പന്നികളാണ് ആന്ധ്രയില്‍ ഏറെയും. കക്കൂസ് മാലന്യങ്ങളും ഓടകളിലെ മാലന്യവുമാണ് ഇവയുടെ പ്രധാനഭക്ഷണം. അലഞ്ഞു തിരിഞ്ഞു നടക്കുന്നവയായതിനാല്‍ പലതരത്തിലുള്ള രോഗങ്ങളുണ്ടാകാനും സാധ്യതയുണ്ട്. ഇത്തരത്തിലുള്ള പന്നികളെ വലിയ ലോറികളില്‍ നാലും അഞ്ചും അട്ടിയാക്കിയിട്ട് കര്‍ണാടകയിലെ ചില കേന്ദ്രങ്ങളിലെത്തിച്ച് അവിടെ നിന്നാണ് കണ്ണൂരിലെ ചില ഫാമുകളിലെത്തിക്കുന്നത്. ഇവിടെ നിന്നും ഇവയെ ഇറച്ചിയാക്കി വില കുറച്ച് കോള്‍ഡ് സ്റ്റോറേജുകളിലെത്തിക്കുകയാണ്. 

ആന്ധ്രയില്‍ 1000-1500 രൂപക്ക് ഏജന്റുമാര്‍ മുഖേന വാങ്ങുന്ന പന്നികളെ ഇവിടെയെത്തിച്ച് ഇവിടെയുള്ള പന്നിഫാമുകളില്‍ നിന്നെന്ന വ്യാജേന കിലോവിന് 170-190 രൂപക്ക് ചില കോള്‍ഡ് സ്റ്റോറേജുകാര്‍ക്ക് വില്‍പ്പന നടത്തും. ഇവര്‍ ഉപഭോക്താക്കള്‍ക്ക് 280 രൂപക്കാണ് വില്‍പ്പന നടത്തുന്നത്. ഒരു കിലോ ഇറച്ചിക്ക് 100 രൂപ ലാഭം കിട്ടും. അതേസമയം ഇവിടെയുള്ള പന്നിഫാമുകളില്‍  നിന്നും ലഭിക്കുക 240 രൂപക്കാണ്. ഇവ വില്‍പ്പന നടത്തിയാല്‍ 40 രൂപ മാത്രമേ ലാഭം കിട്ടുകയുള്ളൂ. അതുകൊണ്ടുതന്നെ നിലവാരം കുറഞ്ഞ ആന്ധ്രാ പന്നിയിറച്ചി വില്‍പ്പന നടത്താനാണ് കോള്‍ഡ് സ്റ്റോറേജുകാര്‍ക്കും താല്‍പ്പര്യം.  

കര്‍ണാടക സ്വദേശിയുടെ ഉടമസ്ഥതയില്‍ ഉളിക്കലിനടുത്ത് പ്രവര്‍ത്തിച്ചുവന്ന പന്നി ഫാം നാട്ടുകാര്‍ അടപ്പിച്ചിരുന്നു. ഇവിടെ അധികൃതര്‍ നടത്തിയ റെയ്ഡില്‍ ഗുണനിലവാരമില്ലാത്ത ഇറച്ചിയും പന്നികളെയും പിടികൂടിയിരുന്നു. മൃഗസംരക്ഷണ വകുപ്പും ആരോഗ്യവകുപ്പും പ്രശ്‌നത്തില്‍ ഇടപെട്ടിരുന്നുവെങ്കിലും തുടര്‍നടപടികളുണ്ടായിട്ടില്ല. ഇരിട്ടി, ഇരിക്കൂര്‍, ശ്രീകണ്ഠ പുരം, പയ്യാവൂര്‍, ആലക്കോട് മേഖലകളില്‍ ഇത്തരത്തിലുള്ള പന്നിയിറച്ചി ചിലര്‍ വില്‍പ്പന നടത്തുന്നതായി പിഗ് ഫാര്‍മേഴ്‌സ് അസോസിയേഷന്‍ ആരോപിച്ചു.  

മലയോരമേഖലകളില്‍  നൂറുകണക്കിന് പന്നിഫാമുകള്‍ പ്രവര്‍ത്തിക്കുന്നുണ്ട്. പന്നികളുടെ തീറ്റകള്‍ക്കെല്ലാം കടുത്ത ക്ഷാമമാണ് അനുഭവപ്പെടുന്നത്. ഇവിടെ നിന്നും മലപ്പുറം, തൃശൂര്‍, പാലക്കാട് ജില്ലകളില്‍  വണ്ടിയില്‍ പോയാണ് ഹോട്ടല്‍ വേസ്റ്റുകളും മറ്റും ശേഖരിക്കുന്നത്. നെയ്യ് കുറഞ്ഞ സങ്കരയിനം പന്നികള്‍ രണ്ട് ക്വിന്റലിലേറെ തൂക്കം വരും. ഗുണനിലവാരമുള്ള ഇത്തരം പന്നിയിറച്ചിക്ക് വില കൂടിയാലും മാര്‍ക്കറ്റില്‍ ഡിമാന്റ് ഏറെയാണ്. അതിനിടയില്‍ ഗുണനിലവാരമില്ലാത്ത പന്നികളെ ഇറക്കുമതി ചെയ്ത് വില്‍പ്പന നടത്തുന്നത് പന്നിഫാമുകള്‍ക്ക് കടുത്ത ഭീഷണിയായി മാറിയിട്ടുണ്ട്.

    comment

    LATEST NEWS


    'ഈ പരിപാടിയുടെ ആദ്യത്തെയോ അവസാനത്തെയോ ഇര ഞാനല്ല'; മാധ്യമ പ്രവര്‍ത്തകനായ ശ്രീജിത്ത് ദിവാകരനെതിരെ മീടു ആരോപണവുമായി യുവതി; ഇടത് ഇടങ്ങളില്‍ പൊട്ടിത്തെറി


    2020-ല്‍ ഇന്ത്യന്‍ ടിവിയില്‍ കൂടുതല്‍ പേര്‍ കണ്ട വ്യക്തിത്വം മോദി; 20 ലക്ഷം കോടിയുടെ പ്രഖ്യാപനത്തിന് 203 ദശലക്ഷം പ്രക്ഷകര്‍: ബാര്‍ക് റിപ്പോര്‍ട്ട്


    ജസ്‌നയുടെ തിരോധാനത്തിന് പിന്നില്‍ മതം മാറ്റി സിറിയയിലയക്കുന്നവര്‍; പെണ്‍കുട്ടികളെ സംരക്ഷിക്കാന്‍ ഹൈന്ദവരും ക്രൈസ്തവരും ഒരുമിക്കണമെന്ന് മീനാക്ഷി ലേഖി


    ട്രംപ് ഒതുക്കിയ ആയത്തുള്ള വീണ്ടും തലപൊക്കി; മാര്‍പാപ്പയെത്തും മുമ്പ് അമേരിക്കയുടെ അല്‍അസദ് വ്യോമകേന്ദ്രത്തില്‍ റോക്കറ്റാക്രമണം; ബൈഡന് തലവേദന


    ഇന്ന് 2616 പേര്‍ക്ക് കൊറോണ; 2339 പേര്‍ക്ക് സമ്പര്‍ക്കത്തിലൂടെ രോഗം; 4156 പേര്‍ക്ക് രോഗമുക്തി; ആകെ മരണം 4255 ആയി


    ഇമ്രാന്‍ 'മാന്യമായി' രാജിവയ്ക്കുമോ?; സൈനിക മേധാവിയുമായും ഐഎസ്‌ഐ ഡിജിയുമായും കൂടിക്കാഴ്ച നടത്തി; വൈകിട്ട് രാജ്യത്തെ അഭിസംബോധ ചെയ്യും


    പിഎഫ് നിക്ഷേപങ്ങള്‍ക്കുള്ള പലിശനിരക്കിൽ മാറ്റമില്ല, 8.50 ശതമാനത്തിൽ തുടരും


    ലാവ്‌ലിന്‍ കേസിലും ഇഡിയുടെ ഇടപെടല്‍; നടപടി ടി പി നന്ദകുമാറിന്റെ പരാതിയില്‍, തെളിവുകളുമായി നാളെ കൊച്ചിയിലെ ഓഫിസില്‍ ഹാജരാകാന്‍ നിര്‍ദേശം

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.