login
ഭീതി പരത്തി പൂപ്പല്‍ രോഗം; മ്യൂക്കര്‍മൈക്കോസിസ് കേരളത്തിലും

മരത്തടി ചിതല്‍ തിന്നുതീര്‍ക്കുന്നത് പോലെ ശരീരത്തിലെ കോളങ്ങളെ തിന്നുതീര്‍ക്കുകയാണ് ഈ പൂപ്പല്‍. ഈ രോഗം ബാധിച്ച് ഇന്ത്യയില്‍ പത്തോളം പേര്‍ മരിച്ചതായാണ് റിപ്പോര്‍ട്ട്. അഹമ്മദാബാദില്‍ 44 പേര്‍ക്കും, ദല്‍ഹിയില്‍ 13 പേര്‍ക്കും പുപ്പല്‍ ബാധയേറ്റു. കാഴ്ചശക്തി നഷ്ടമായതുള്‍പ്പെടെ ഗുരുതര ആരോഗ്യപ്രശ്നങ്ങള്‍ ബാധിച്ചവരും ഏറെയാണ്. പ്രതിരോധ ശക്തി കുറഞ്ഞവരിലും സ്്റ്റിറോയിഡ് ചേര്‍ന്ന മരുന്ന് അമിതമായി കഴിക്കുന്നവരിലും രോഗ ബാധക്ക് വലിയ സാദ്ധ്യതയാണ്.

കോട്ടയം: ചിക്കന്‍ഗുനിയ മുതല്‍ കൊറോണ വരെ ഭീതി പടര്‍ത്തിയ സംസ്ഥാനത്ത് ആശങ്ക പരത്തി പുപ്പല്‍ രോഗം പടരുന്നു. മാരകവും അപൂര്‍വ്വവുമായ മ്യൂക്കര്‍മൈക്കോസിസ് എന്ന രോഗമാണ് സംസ്ഥാനത്ത് റിപ്പോര്‍ട്ട് ചെയ്യുന്നത്. കോട്ടയം മെഡിക്കല്‍ കോളേജില്‍ ചികിത്സയിലുണ്ടായിരുന്ന മൂന്ന് പേരില്‍ ഒരാള്‍ ഈ രോഗം ബാധിച്ച് കഴിഞ്ഞ ദിവസം മരിച്ചു. തിരുവഞ്ചൂര്‍ സ്വദേശി പടിഞ്ഞാറേക്കുറ്റ് മുരളീധരനാ(47)ണ് മരിച്ചത്. മൂന്ന് മാസക്കാലത്തെ ചികിത്സക്കിടെ മെഡിക്കല്‍ കോളേജില്‍ വച്ചാണ് മരണം. 

മരത്തടി ചിതല്‍ തിന്നുതീര്‍ക്കുന്നത് പോലെ ശരീരത്തിലെ കോളങ്ങളെ തിന്നുതീര്‍ക്കുകയാണ് ഈ പൂപ്പല്‍. ഈ രോഗം ബാധിച്ച് ഇന്ത്യയില്‍ പത്തോളം പേര്‍ മരിച്ചതായാണ് റിപ്പോര്‍ട്ട്.  അഹമ്മദാബാദില്‍ 44 പേര്‍ക്കും, ദല്‍ഹിയില്‍ 13 പേര്‍ക്കും പുപ്പല്‍ ബാധയേറ്റു. കാഴ്ചശക്തി നഷ്ടമായതുള്‍പ്പെടെ ഗുരുതര ആരോഗ്യപ്രശ്നങ്ങള്‍ ബാധിച്ചവരും ഏറെയാണ്. പ്രതിരോധ ശക്തി കുറഞ്ഞവരിലും സ്്റ്റിറോയിഡ് ചേര്‍ന്ന മരുന്ന് അമിതമായി കഴിക്കുന്നവരിലും രോഗ ബാധക്ക് വലിയ സാദ്ധ്യതയാണ്. തലച്ചേര്‍, നെഞ്ച്, വയര്‍, ത്വക്ക്, ശരീരം എന്നി ഭാഗങ്ങളിലാണ് രോഗം പെട്ടെന്ന് ബാധിക്കുന്നത്. മൂക്കിലൂടെ തലച്ചോറിലേക്ക് പെട്ടെന്ന് പടരുന്നു. ക്യാന്‍സര്‍, പ്രമേഹം തുടങ്ങിയവയ്ക്കു ചികിത്സ തേടിയവര്‍, അവയവമാറ്റ ശസ്ത്രക്രിയയ്ക്ക് വിധേയരായവര്‍ തുടങ്ങിയവര്‍ പൂപ്പല്‍ പിടിപെടാന്‍ സാധ്യതയുള്ളവരുടെ പട്ടികയില്‍പെടുന്നു എന്നാണ് ആരോഗ്യ വിദഗ്ദ്ധര്‍ ചൂണ്ടിക്കാട്ടുന്നു. 

യഥാസമയം രോഗം കണ്ടെത്തി, ചികിത്സ തുടങ്ങിയില്ലെങ്കില്‍ മരണം ഉറപ്പാണ്. മ്യൂക്കര്‍മൈക്കോസിസ് തലച്ചോറിനെയും ശ്വാസകോശത്തേയും ബാധിച്ചാല്‍ രോഗം ഗുരുതരമാകുന്നു. മസ്തിഷ്‌കം, തലയോട്ടിക്കുള്ളിലെ അറകള്‍, ശ്വാസകോശം എന്നിവയെയാണ് മ്യൂക്കര്‍മൈക്കോസിസ് പ്രധാനമായി ബാധിക്കുക. ഏത് അവയവത്തെയാണോ ബാധിച്ചത് എന്നത് അനുസരിച്ച് രോഗലക്ഷണങ്ങളും മാറും. മുഖത്തെ ഒരുഭാഗത്തു തടിച്ചു നീരുവരിക, പനി, തലവേദന തുടങ്ങിയവയാണു പൊതുവായ ലക്ഷണങ്ങള്‍. രോഗബാധയുണ്ടായാല്‍ ശരീരത്തിലെ ഒരു പ്രദേശത്ത് ആകെ ബാധിക്കും. 

ഇതു വേഗത്തില്‍ പടരുകയും കോശങ്ങളെ ജീര്‍ണിപ്പിക്കുകയും ചെയ്യും. രക്തധമനികളില്‍ ബാധിക്കുന്നതോടെ ശരീരത്തിന്റെ ആ ഭാഗത്തേക്ക് രക്തയോട്ടം ഇല്ലാതാകും. ശരീരത്തില്‍ കുത്തിവയ്ക്കുന്ന മരുന്ന് മറ്റു ഭാഗത്തേക്ക് എത്തുന്നതു പോലും ഇതു തടയും. വേഗത്തില്‍ കണ്ടെത്തുകയും മറ്റ് ഭാഗങ്ങളിലേക്ക് പകരുന്നതിനു മുന്‍പ് ചികിത്സ ആരംഭിക്കുകയും ചെയ്യുകയാണ് പ്രധാനം. ക്യാന്‍സര്‍ ചികിത്സ പോലെ ഫംഗസ് ബാധിച്ച കോശങ്ങളെ ഇല്ലാതാക്കുകയാണ് ആദ്യം ചെയ്യേണ്ടത്. എന്നാല്‍ കൂടുതല്‍ പ്രദേശത്തേക്ക് ബാധിച്ചാല്‍ ചികിത്സയ്ക്ക് പരിമിതിയുമുണ്ടാകും.

 

രോഗലക്ഷണങ്ങള്‍

അസഹ്യമായ തലവേദന

മുഖത്തിന്റെ ഒരു വശം മാത്രം വിയര്‍ക്കുക

നെഞ്ച് വേദന

പനി

ശ്വാസ തടസം

 

പകരുകയില്ല

പുപ്പല്‍ രോഗമാണെങ്കിലും ഓരാളില്‍ നിന്നും മറ്റൊരാളിലേക്ക് പകരാനുള്ള സാദ്ധ്യത തീരിയില്ലെന്നാണ് ആരോഗ്യ വിദഗ്ദ്ധര്‍ ചൂണ്ടിക്കാട്ടുന്നത്.

ആന്റിഫംഗല്‍ മാത്രം

ആന്റിഫംഗല്‍ ഇന്‍ജക്ഷന്‍ മാത്രമാണ് ഏക പ്രതിവിധി.

    comment

    LATEST NEWS


    'പെട്രോളിയം ഉല്‍പ്പന്നങ്ങളെ ജിഎസ്ടിയില്‍ ഉള്‍പ്പെടുത്തണം'; മത്സ്യ പ്രവര്‍ത്തകസംഘം പ്രക്ഷോഭത്തിലേക്ക്


    കായംകുളം താപനിലയം: സൗരവൈദ്യുത പദ്ധതി ഒക്ടോബറില്‍ കമ്മീഷന്‍ ചെയ്യും


    ഇന്ത്യയില്‍ കോവിഡ് വാക്‌സിന്‍ വികസിപ്പിക്കുന്നവരെ നോട്ടമിട്ട് ചെനയുടെയും റഷ്യയുടെയും ഹാക്കര്‍മാര്‍; ലക്ഷ്യം ഗവേഷണ, ക്ലിനിക്കല്‍ പരീക്ഷണ വിവരങ്ങള്‍


    തപസ്യ സംസ്ഥാന വാര്‍ഷികോത്സവം നാളെ; സംവിധായകന്‍ രണ്‍ജി പണിക്കര്‍ ഉദ്ഘാടനം ചെയ്യും


    എല്‍ഡിഎഫ് ജാഥാ ക്യാപ്റ്റന്‍ ബിനോയ് വിശ്വത്തിന് കോവിഡ് സ്ഥിരീകരിച്ചു; ഇന്നലെ പുത്തിരിക്കണ്ടത്ത് വേദി പങ്കിട്ടത് പിണറായി അടക്കം നൂറോളം പേര്‍ക്കൊപ്പം


    ചിഹ്നം അരിവാള്‍ ചുറ്റിക കൈപ്പത്തി; കോണ്‍ഗ്രസ്-സിപിഎം സഖ്യവും ധാരണയും നാലിടത്ത് പരസ്യം, കേരളത്തില്‍ രഹസ്യം


    ഭക്തിയുടെ നിറവില്‍ ആറ്റുകാല്‍; ക്ഷേത്രം കീഴ്ശാന്തി പണ്ടാര അടുപ്പില്‍ തീപകര്‍ന്ന് പൊങ്കാലയ്ക്ക് തുടക്കമിട്ടു, നിവേദ്യം ഉച്ചപൂജയ്ക്ക് ശേഷം


    അസം: കോണ്‍ഗ്രസ് ഭരണത്തില്‍ നുഴഞ്ഞുകയറ്റവും വിഘടന വാദവും തളിര്‍ത്തു; വലിയ ജനകീയ അടിത്തറയുടെ പിന്‍ബലം സ്വന്തമാക്കി ബിജെപി

    പ്രതികരിക്കാൻ ഇവിടെ എഴുതുക:

    ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.