login
മെഡിക്കൽ ഓക്‌സിജൻ പ്ലാന്റുകൾ രാത്രിയും പ്രവർത്തിക്കാൻ നിർദ്ദേശം

സംസ്ഥാനത്ത് വർദ്ധിച്ചു വരുന്ന കോവിഡ്-19 കേസുകൾ കണക്കിലെടുത്ത് ആവശ്യമെങ്കിൽ രാത്രിയും പ്രവർത്തിക്കാൻ കേരളത്തിലെ എല്ലാ മെഡിക്കൽ ഓക്‌സിജൻ പ്ലാന്റുകൾക്കും വിതരണക്കാർക്കും പെട്രോളിയം ആൻഡ് എക്‌സ്‌പ്ലോസീവ്‌സ് സേഫ്റ്റി ഓർഗനൈസേഷൻ (പെസോ) നിർദ്ദേശം നൽകി. അടിയന്തര ഘട്ടങ്ങളിൽ ആശുപ്രതികളിൽ ഓക്‌സിജന്റെ ലഭ്യത ഉറപ്പാക്കാൻ വേണ്ട എല്ലാ നടപടികളും ഫില്ലിങ്ങ് പ്ലാന്റുകൾ സ്വീകരിക്കണമെന്നാണ് നിർദ്ദേശം.

പത്തനംതിട്ട: സംസ്ഥാനത്ത് വർദ്ധിച്ചു വരുന്ന കോവിഡ്-19 കേസുകൾ കണക്കിലെടുത്ത് ആവശ്യമെങ്കിൽ രാത്രിയും പ്രവർത്തിക്കാൻ കേരളത്തിലെ എല്ലാ മെഡിക്കൽ ഓക്‌സിജൻ പ്ലാന്റുകൾക്കും വിതരണക്കാർക്കും പെട്രോളിയം ആൻഡ് എക്‌സ്‌പ്ലോസീവ്‌സ് സേഫ്റ്റി ഓർഗനൈസേഷൻ (പെസോ) നിർദ്ദേശം നൽകി. ഇതു സംബന്ധിച്ച ഉത്തരവ് പെസൊ കേരള ഡെപ്യൂട്ടി ചീഫ് കൺട്രോളർ ഓഫ് എക്‌സ്‌പ്ലോസീവ്‌സ് ഡോ. ആർ. വേണുഗോപാൽ പുറപ്പെടുവിച്ചു.

 അടിയന്തര ഘട്ടങ്ങളിൽ ആശുപ്രതികളിൽ ഓക്‌സിജന്റെ ലഭ്യത ഉറപ്പാക്കാൻ വേണ്ട എല്ലാ നടപടികളും ഫില്ലിങ്ങ് പ്ലാന്റുകൾ സ്വീകരിക്കണമെന്നാണ് നിർദ്ദേശം. ഇതിനായി പ്ലാന്റുകൾ പ്രവർത്തനങ്ങൾ ക്രമീകരിക്കണം. ജീവനക്കാർ കുറച്ചുപേർ അവധിയിൽ പ്രവേശിക്കേണ്ട സാഹചര്യമുണ്ടാവുകയോ ശുചീകരണത്തിനായി പ്ലാന്റ് അടച്ചിടുകയോ ചെയ്താൽ ഉത്പാദനത്തിലും വിതരണത്തിലും ഉണ്ടാകുന്ന കുറവ് നികത്താനുള്ള മാർഗ്ഗങ്ങൾ സ്വീകരിക്കണം. രോഗവ്യാപനത്തിന്റെ ഏറ്റവും പുതിയ വിവരങ്ങൾ ശേഖരിച്ച് ദൗർലഭ്യം നേരിടാൻ സാദ്ധ്യതയുള്ള പ്രദേശങ്ങൾ മനസ്സിലാക്കി അവിടെയുള്ള ആശുപ്രതികളിൽ മുൻകൂറായി ഓക്‌സിജൻ എത്തിക്കണം. രാത്രിയും പ്രവർത്തിക്കേണ്ട സാഹചര്യം വന്നാൽ അനുമതിയ്ക്കായി പൊസൊയ്ക്ക് ഓൺലൈനായി അപേക്ഷ സമർപ്പിച്ചാൽ മതിയാകും.

മെഡിക്കൽ ഓക്‌സിജൻ പ്ലാന്റുകളിലെയും വിതരണ ഏജൻസികളിലെയും ജീവനക്കാർക്ക് ആവശ്യമായ മാർഗ്ഗനിർദ്ദേശങ്ങൾ നൽകുകയും സുരക്ഷാ മുൻകരുതലുകൾ സ്വീകരിക്കുകയും ആരോഗ്യവും ശുചിത്വവും ഉറപ്പുവരുത്തുകയും വേണം. പ്ലാന്റുകളും ഓഫീസുകളും വാഹനങ്ങളും അണുവിമുക്തമാക്കണം. മൊത്തമായും സിലിണ്ടറായും ഓക്‌സിജൻ വിതരണം ചെയ്യുമ്പോൾ അവ അണുവിമുക്തമാണെന്ന് ഉറപ്പുവരുത്തണം. ഉപയോഗത്തിനു ശേഷം സിലിണ്ടറുകളും അനുബന്ധ ഉപകരണങ്ങളും വൃത്തിയാക്കുകയും അണുവിമുക്തമാക്കുകയും ചെയ്തതിനു ശേഷം മാത്രമേ തിരികെ നൽകാവൂ എന്ന് ആശുപ്രതികളെ അറിയിക്കണമെന്നും ഉത്തരവിലുണ്ട്.  

കേരളത്തിൽ എറണാകുളം 7, പാലക്കാട് 3, തൃശ്ശൂർ 3, തിരുവനന്തപുരം 2, കോഴിക്കോട് 2, മലപ്പുറം, കണ്ണൂർ, പത്തനംതിട്ട ഒന്ന് വീതമാണ് പെസോ ലൈസൻസുള്ള ഓക്‌സിജൻ പ്ലാന്റുകൾ ഉള്ളത്. പാലക്കാട് ഇനോക്‌സ് ഇന്ത്യ ലിമിറ്റഡ്, എറണാകുളം എലൂർ പ്രാക്‌സിയർ ഇന്ത്യ ലിമിറ്റഡുമാണ് എന്നിവയാണ് ആശുപത്രികളിലേക്ക് മൊത്തമായി വിതരണം ചെയ്യുന്നത്. ബൾക്ക് ഓക്‌സിജൻ സൗകര്യമുള്ള പെസോ ലൈസൻസുള്ള 19 ആശുപത്രികളാണ് കേരളത്തിലുള്ളത്.  

 

 

comment

LATEST NEWS


മലയാറ്റൂരിൽ വെടിമരുന്ന് പൊട്ടിത്തെറിച്ചു; രണ്ട് മരണം, മരിച്ചത് കുടിയേറ്റ തൊഴിലാളികൾ


13 വയസുള്ള ദളിത് പെണ്‍കുട്ടിയെ അവധിദിവസം ബാങ്കിനുള്ളില്‍ ലൈംഗികമായി പീഡിപ്പിച്ചു; സിപിഎം നേതാവ് ഉള്‍പ്പെടെ രണ്ടുപേര്‍ അറസ്റ്റില്‍; ക്രൂരത പാലക്കാട്


കിരീടാവകാശിയെ ഷോയിലൂടെ വിമര്‍ശിക്കരുത്; പകരം നെറ്റ്ഫ്ളിക്സിന് സൗദിയില്‍ 'പോണ്‍' സംപ്രേഷണം ചെയ്യാം; ട്വിറ്ററില്‍ കാന്‍സല്‍ ക്യാമ്പയിന്‍


പുതിയ സീസണ്‍, പുത്തന്‍ നായകന്‍, പുതു തുടക്കത്തിന് കിങ്സ് ഇലവന്‍; പിടിച്ചുകെട്ടാന്‍ ദല്‍ഹി ക്യാപിറ്റല്‍സ്; ഇന്ന് തുല്ല്യ ശക്തികള്‍ തമ്മിലുള്ള പോര്


കാര്‍ഷിക ചരിത്രത്തിലെ നിര്‍ണായക നിമിഷമെന്ന് പ്രധാനമന്ത്രി നരേന്ദ്ര മോദി;കാര്‍ഷിക മേഖലയുടെ സമ്പൂര്‍ണ പരിവര്‍ത്തനം


ഇന്ത്യ നയതന്ത്ര പ്രതിനിധിക്ക് പാക്കിസ്ഥാന്‍ വിസ നിഷേധിച്ചു; കശ്മീര്‍ വിഷയത്തില്‍ അന്താരാഷ്ട്ര വേദിയില്‍ പരാജയപ്പെടുന്നതിന്റെ ഈര്‍ഷ്യയെന്ന് കേന്ദ്രം


അല്‍ഖ്വയ്ദയുമായി ബന്ധമുള്ള 10 പേരെ കൂടി തിരിച്ചറിഞ്ഞു; ആളുകളെ ഭീകര പ്രവര്‍ത്തനങ്ങളിലേക്ക് ആകര്‍ഷിക്കാനും ശ്രമങ്ങള്‍, കൂടുതല്‍ അറസ്റ്റ് ഉടന്‍


കേരളത്തില്‍ അതിതീവ്ര മഴയുണ്ടാവുമെന്ന് മുന്നറിയിപ്പ്; മലയോര മേഖലകളില്‍ രാത്രിയാത്ര നിരോധനം; കേന്ദ്രസേനകള്‍ക്കും ജാഗ്രത നിര്‍ദേശം

പ്രതികരിക്കാൻ ഇവിടെ എഴുതുക:

ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. പ്രതികരണങ്ങളിൽ അശ്ലീലവും അസഭ്യവും നിയമവിരുദ്ധവും അപകീർത്തികരവും സ്പർദ്ധ വളർത്തുന്നതുമായ പരാമർശങ്ങൾ ഒഴിവാക്കുക. വ്യക്തിപരമായ അധിക്ഷേപങ്ങൾ പാടില്ല. വായനക്കാരുടെ അഭിപ്രായങ്ങൾ ജന്മഭൂമിയുടേതല്ല.